30 qazan. Tulǵalar týǵan kún
Búgin, 30 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
85 jyl buryn (1939) keńestik, qazaq teatr aktrısasy, Qazaq KSR Eńbegi sińgen ártisi Rymkesh OMARHANOVA dúnıege keldi.
Qaraǵandy oblysy Qarqaraly aýdany, Jańa negiz bólimshesi Sarytaý aýylynda týǵan.
1959-1965 jyldary Qaraǵandy mýzykalyq ýchılışesinde oqydy.
Eńbek joly: 1957 jyly halyq teatrynyń aktrısasy, 1963 jyly Qaraǵandy qalasy S.Seıfýllın atyndaǵy oblystyq teatr aktrısasy, 1973-1975 jyldary ekinshi shaqyrylymdaǵy halyq depýtattary oblystyq Keńesiniń depýtaty, 1980-1982 jyldary Qaraǵandy qalalyq halyq depýtattary keńesiniń depýtaty, 1990 jyly Q.Qýanyshbaev atyndaǵy qazaq mýzykalyq-drama teatrynyń aktrısasy (Astana) bolyp qyzmet atqarǵan.
R.Omarhanova óziniń óner salasyndaǵy kóp jyldyq eńbeginde kóptegen dıplomdarmen, maqtaý qaǵazdarymen marapattalǵan. «Qurmet belgisi» (1976), «Qurmet» (2014) ordenderimen, medaldarmen marapattalǵan. 1982 jyly oǵan Qazaq KSR Eńbegi sińgen ártisi qurmetti ataǵy berildi.
69 jyl buryn (1955) Aqmola oblysy ákiminiń áleýmettik máseleler jónindegi shtattan tys keńesshisi Jabal Erǵalıuly ERǴALIEV dúnıege keldi.
Kókshetaý oblysy Chkalov aýdanynyń (qazirgi Soltústik Qazaqstan oblysy, Taıynsha aýdany) Qaraǵash aýylynda dúnıege kelgen. 1979 jyly Qazaq memlekettik ýnıversıtetiniń jýrnalıstıka fakýltetin bitirgen.
Senattyń áleýmettik-mádenı damý komıtetiniń múshesi. 1973-2005 jyldary «Kókshetaý» gazetinde kishi ádebı qyzmetker, bólim meńgerýshisi, redaktordyń orynbasary, bas redaktor bolǵan. 2005-2011 jyldary Aqmola oblystyq «Arqa ajary» gazetiniń bas redaktory, 2011-2017 jyldary QR Parlamenti Senatynyń depýtaty bolyp saılandy. Senattyń áleýmettik-mádenı damý komıtetiniń múshesi bolǵan. 2019 jyldan bastap QR Parlament Senaty janyndaǵy Senatorlar keńesiniń múshesi.
Qazirgi qyzmetin 2024 jyldyń mamyrynan beri atqaryp keledi.
44 jyl buryn (1980) Balqash qalasynyń ákimi Sapar Qaıyrkenuly SATAEV dúnıege keldi.
Qaraǵandy oblysynyń týmasy. 2009 jyly D.Serikbaev atyndaǵy Shyǵys Qazaqstan memlekettik ýnıversıtetin «avtomobıl joldary men aerodrom qurylysy» mamandyǵymen támamdaǵan.
Eńbek jolyn 2002 jyly «Qazaqavtojol» RMK-da bastaǵan. 2002-2010 jyldary «Botaqara sý qojalyǵy» KMQK dırektorynyń orynbasary, dırektordyń mindetin atqarýshy boldy. 2010-2013 jyldary Qaraǵandy oblysy Buqar jyraý aýdanynyń Botaqara kentin basqardy. 2013-2015 jyldary Qaraǵandy oblysy Abaı aýdany Abaı qalasynyń ákimi boldy. 2015-2021 jyldary Buqar jyraý aýdany ákiminiń orynbasary, al 2021-2023 jyly Prıozersk qalasynyń ákimi qyzmetin atqardy.
Qazirgi qyzmetinde 2023 jyldyń mamyrynan.
43 jyl buryn (1981) qazaqstandyq opera ánshisi (tenor) Medet Muhamedsadyquly ShOTABAEV dúnıege keldi.
Semeıde týǵan. 2003 jyly Semeıdegi M.Tólebaev atyndaǵy mýzykalyq kolledjiniń vokal bólimin bitirgen. Qurmanǵazy atyndaǵy Qazaq ulttyq konservatorııasyn «Jeke án aıtý» mamandyǵy boıynsha támamdady. 2008 jyly Renata Tıbaldı men Marıo del Monako atyndaǵy akademııada oqyǵan (Pezaro, Italııa).
Abaı atyndaǵy Qazaq ulttyq opera jáne balet teatrynda solıst bolyp qyzmet etken. 2013 jyldan bastap – «Astana Opera» MOBT opera jetekshi solısi.
Shaqyrylǵan solıst retinde Graz Opera teatrynda (Avstrııa) V.Bellınıdiń «Norma» operasynyń premerasynda Pollıon, Bratıslava Opera teatrynda (Slovakııa) jáne Teatro Municipal (San-Paýlý, Brazılııa) P.Chaıkovskııdiń «Evgenıı Onegın» operasyndaǵy Lenskıı, Jeneva Úlken teatrynda (Shveıtsarııa) jáne Karlo Felıche teatrynda (Genýıa, Italııa) Dj.Pýchchınıdiń «Bogema» operasyndaǵy Rýdolf partııalaryn oryndady.
Qazaqstan jas oryndaýshylarynyń IV respýblıkalyq baıqaýynyń II syılyq laýreaty (2003), Uly Abaıdyń 160 jyldyǵyna arnalǵan oblystyq baıqaýdyń bas júlde ıegeri (2005), «Shabyt» IX halyqaralyq shyǵarmashyl jastar festıvaliniń bas júlde ıegeri (2006), Bıbigúl Tólegenovanyń halyqaralyq vokalıster baıqaýynyń I syılyq laýreaty (2007), Benıamıno Djılı atyndaǵy halyqaralyq baıqaýynyń dıplomanty (Porto-Rekanatı q., Italııa, 2008), Glınka atyndaǵy XXIII halyqaralyq baıqaýynyń I syılyǵy men úzdik tenor arnaıy syılyǵynyń ıegeri (Máskeý, 2009), «XXІ ǵasyr óneri» halyqaralyq baıqaýynyń bas júlde ıegeri (Fınlıandııa, 2009), «Keleshektiń úzdik daýystary» halyqaralyq baıqaýynyń III syılyq laýreaty (Parıj, 2010), «Operalııa-2011» baıqaýynyń qatysýshysy, Rýmynııadaǵy H. Darkle atyndaǵy halyqaralyq vokalıster baıqaýynyń bas júlde ıegeri (2012), Arena di Verona qorynyń H halyqaralyq opera ánshileri baıqaýynyń jeńimpazy (Italııa, 2013), QR Tuńǵysh Prezıdenti – Elbasy Qorynyń laýreaty (2018), Italııa Juldyzy Ordeniniń Kavaleri (2018), «Qazaqstannyń 100 jańa esimi» Ulttyq jobasynyń jeńimpazy (2018).
Qazaqstannyń eńbek sińirgen qaıratkeri.
