30 qarasha. Tulǵalar týǵan kún

Búgin, 30 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

68 jyl buryn (1955) medıtsına ǵylymynyń doktory, professor Jaqsylyq Aqmyrzauly DOSQALIEV dúnıege kelgen.

Aqtóbe oblysy Alǵa qalasynda týǵan. Aqtóbe memlekettik medıtsına ınstıtýtyn «emdeý isi» mamandyǵy boıynsha úzdik támamdaǵan. Keıinnen KSRO MǴA Búkilodaqtyq hırýrgııa ǵylymı ortalyǵynda klınıkalyq ordınatýrany bitirgen.

Eńbek qyzmetin Alǵa aýdandyq aýrýhanasynda dáriger-hırýrg bolyp bastap, sodan bas dárigerdiń orynbasary bolyp qyzmet istedi. 1988 jyldan Aqtóbe Memlekettik Instıtýtynda aǵa laborant, ári qaraı jalpy jáne gospıtaldyq hırýrgııa kafedrasynda assıstent bolyp qyzmet istedi. 1989 jyly kandıdattyq dıssertatsııasyn qorǵady. 1993 jyldan 1995 jyldarda A.N. Syzǵanov atyndaǵy Ǵylymı-zertteý ınstıtýtyndaǵy klınıkalyq jáne eksperımenttik hırýrgııada qyzmet atqardy, aǵa, jetekshi, bas ǵylymı qyzmetker jolyn ótti, al 1995 jyldan endoskopııalyq hırýrgııa bólimin meńgerdi. 1998-2000 jyldary Aqtóbe Memlekettik medıtsına akademııasynyń rektory bolyp qyzmet atqardy.

2000-2001 jyldary - Densaýlyq saqtaý jónindegi QR Agenttiginiń tóraǵasy bolyp taǵaıyndaldy. 2004-2007 jyldary «Qazaq Memlekettik Medıtsınalyq Akademııasy» RMQM-niń rektory bolyp qyzmet etti. 2007-2008 jyldary - QR Parlamenti Májilisiniń depýtaty, áleýmettik-mádenıettik damytý jónindegi komıtettiń tóraǵasy. 2008-2010 jyldary QR Densaýlyq saqtaý mınıstri qyzmetin atqardy. 2012-2013 jyldary - Ulttyq ǵylymı medıtsına ortalyǵynyń organdardy transplantatsııalaý ortalyǵynyń ǵylymı qyzmetkeri, jetekshisi. 2013 jyldan bastap - Transplantologııa boıynsha respýblıkalyq úılestirý ortalyǵynyń jetekshisi.

Memlekettik syılyqtyń laýreaty, «Qurmet» ordenimen, M. Lomonosov ordenimen jáne «Gıppokrat» ordenimen marapattalǵan. 200-den astam ǵylymı eńbektiń, 12 monografııanyń, 50-den astam ónertabystyń avtory.

50 jyl buryn (1973) Qazaqstan Respýblıkasy Energetıka mınıstrligi Atomdyq jáne energetıkalyq qadaǵalaý men baqylaý komıtetiniń tóraǵasy Suńǵat Qýatuly ESІMHANOV dúnıege keldi.

Pavlodar oblysynda týǵan. S. Toraıǵyrov atyndaǵy Pavlodar memlekettik ýnıversıteti (1996), mamandyǵy - bıznes jáne menedjment; «Bolashaq» ınstıtýty (2007), mamandyǵy - zańger.

Eńbek joly: 1996-2000 jyldary «Qazaqstan alıýmınııi» AQ ınjeneri, ekonomıst-normalaýshy, ekinshi dárejeli ekonomıst; 2001-2003 jyldary QR Tabıǵı monopolııalardy retteý jáne básekelestikti qorǵaý agenttiginiń Astana qalasy boıynsha departamentiniń bas mamany, bólim bastyǵy, dırektordyń orynbasary; 2003-204 jyldary Astana qalasy boıynsha Jıyntyq taldaý jáne úılestirý departamenti óńirlik bólimsheleri qyzmetin úılestirý basqarmasynyń bastyǵy, Astana qalasy boıynsha Ákimshilik jáne aýmaqtyq departamenti aýmaqtyq, kadr jumysy jáne memlekettik tildi damytý jáne aýdarma basqarmasynyń bastyǵy; 2004-2007 jyldary QR Tabıǵı monopolııalardy retteý jáne básekelestikti qorǵaý agenttiginiń Mańǵystaý oblysy jáne Qaraǵandy oblysy boıynsha departamentiniń dırektory; 2007-2008 jyldary Astana qalasy «Igilik grýpp-HHI» JShS-nyń qarjy dırektory; 2008 jyly «Qanysh Sátbaev atyndaǵy kanal» RMK bas dırektorynyń orynbasary; 2008-2010 jyldary Pavlodar oblysy Energetıka jáne kommýnaldyq sharýashylyq basqarmasynyń basshysy; 2010-2014 jyldary «Qazaqenergııasaraptama» AQ prezıdenti; 2014-2018 jyldary QR energetıka mınıstrliginiń atomdyq jáne energetıkalyq qadaǵalaý men baqylaý komıtetiniń tóraǵasy. 2018-2020 jyldary QR energetıka vıtse-mınıstri. 2020-2021 jyldary Pavlodar oblysy ákiminiń birinshi orynbasary. 2021-2022 jyldary «Samuryq-Energo» AQ basqarma tóraǵasy.

Qazirgi qyzmetinde 2022 jylǵy tamyzdan beri.

«Qazaqstan Konstıtýtsııasyna 10 jyl» (2005), «Qazaqstan Respýblıkasynyń Táýelsizdigine 20 jyl» (2011) medaldarimen marapattalǵan.

42 jyl buryn (1981) Oral qalasynyń prokýrory Meıirbek Saǵyndyquly TІLEÝLIEV dúnıege keldi.

Oral qalasynda týǵan. QR ІІM Akademııasyn bitirgen.

Eńbek joly: 2004-2007 jyldary – Oral qalasy prokýrorynyń kómekshisi, aǵa kómekshisi. 2007-2007 jyldary – Batys Qazaqstan oblysy prokýratýrasynyń tergeý jáne anyqtaý zańdylyǵyn qadaǵalaý basqarmasynyń prokýrory, aǵa prokýrory. 2009-2018 jyldary – Bas prokýratýranyń qylmystyq protsestiń sotqa deıingi satysynyń zańdylyǵyn qadaǵalaý jónindegi departamentiniń prokýrory, aǵa prokýrory, bólim bastyǵy jáne Bas prokýrordyń kómekshisi. 2018-2019 jyldary – Atyraý oblysy Qurmanǵazy aýdany prokýratýrasynyń bastyǵy.

Qazirgi qyzmetinde 2019 jyldyń qyrkúıeginen bastap.

39 jyl buryn (1984) sportshy, jeńil atlet, QR Olımpıada quramasynyń múshesi, úsh qarǵyp sekirýden London Olımpıadasynyń chempıony, Qazaqstan tarıhynda qatarynan úsh Olımpıadada júldege ıe bolǵan alǵashqy sportshy Olga Sergeevna RYPAKOVA dúnıege keldi.

Óskemen qalasynda týǵan. Qazaq sport jáne týrızm akademııasynyń olımpıadalyq sport túrleri fakýltetin bitirdi, jeńil atletıkadan jattyqtyrýshy-oqytýshy.

1994 jyldan Óskemendegi №4 balalar men jasóspirimder sport mektebiniń jeńil atletıkadan sportshysy. 2000 jyldan Óskemen qalasyndaǵy «Shyǵys Qazaqstan oblystyq mamandandyrylǵan balalar men jasóspirimder olımpıadalyq rezervter sport mektebinde daıyndyqtan ótti. London Olımpıadasynda altyn, Beıjiń jáne Rıo-de-Janeıro Olımpıadalarynda qola júlde ıelendi. XVI Azııa oıyndarynyń altyn, kúmis júldegeri. QR kópsaıysynan birneshe márte jeńimpazy jáne júldegeri. Jasóspirimder arasyndaǵy álem chempıonatynda (Vengrııa, 2001) 4-oryn aldy, álem chemıonatynyń kúmis júldegeri (ıAmaıka, 2002); І Azııalyq bessaıys oıyndarynyń chempıony jáne basqa da kóptegen halyqaralyq jarystarda jeńimpaz jáne júldeger atandy. Uzyndyqqa jáne úsh qarǵyp sekirýden úsh márte (2007, 2008, 2009) Azııa chempıony. Búkilálemdik Ýnıversıada chempıony (2007). Álem chempıony (Doha, 2010). Jabyq ǵımaratta ótken álem chempıonatynyń jeńimpazy (Katar, 2010). Dúnıejúzilik «Gaýhartas lıgasy» kezeńderiniń jeńimpazy jáne júldegeri.

38 jyl buryn (1985) «Qazaqstan temir joly» Ulttyq kompanııasy» AQ basqarma tóraǵasynyń orynbasary Erlan Hamardınuly QOIShYBAEV dúnıege keldi.

Almaty qalasynda dúnıege kelgen. 2007 jyly American University in Dubai (qarjy jáne bank isi), 2008 jyly Qazaq gýmanıtarlyq zań ýnıversıtetin (zańtaný), 2017 jyly Qazaq kólik jáne kommýnıkatsııalar akademııasyn (logıstıka, kólik), 2018 jyly Reseı Federatsııasy Prezıdenti janyndaǵy Reseı buqaralyq sharýashylyq jáne memlekettik qyzmet akademııasyn (óńirlik jáne mýnıtsıpaldyq menedjment) bitirdi.

Eńbek joly: 2007-2010 jyldary – QR qarjy mınıstriniń kómekshisi; 2010-2011 jyldary – «Samuryq-Qazyna-Invest» JShS-niń ınvestıtsııalyq jobalar departamentiniń dırektory; 2011-2013 jyldary – «Qazaqstan temir joly» ulttyq kompanııasy» AQ enshiles uıymy «Kólik logıstıkasyn damytý ulttyq ortalyǵy» AQ vıtse-prezıdenti; 2013 jyly – «Qazaqstan temir joly» ulttyq kompanııasy» AQ fılıaly – «Kólik logıstıkasyn damytý ortalyǵy» dırektorynyń orynbasary; 2013-2015 jyldary – «Kólik qyzmetteri ortalyǵy» AQ prezıdenti; 2015-2018 jyldary – «KTZ EXSPRESS» AQ logıstıka boıynsha bas dırektorynyń orynbasary; 2018-2019 jyldary – «Qazaqstandyq ındýstrııany damytý ınstıtýty» AQ basqarma tóraǵasynyń orynbasary. 2019-2021 jyldary – Qostanaı oblysy ákiminiń orynbasary. 2021-2023 jyldary «Qazaqstan temir joly» ulttyq kompanııasy» AQ logıstıka boıynsha basqarýshy dırektory.

Qazirgi qyzmetinde 2023 jyldan bastap.

«Qazaqstan halqy Assambleıasyna 25 jyl», «Qazaqstan Konstıtýtsııasyna 25 jyl» medaldarymen marapattalǵan.