3 tamyz. Tulǵalar týǵan kún
Búgin, 3 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
51 jyl buryn (1974) qazaqstandyq saıasat jáne qoǵam qaıratkeri, saıasattanýshy, pýblıtsıst, «Táýekelderdi baǵalaý toby» konsaltıngtik uıymynyń dırektory Dosym Asylbekuly SÁTPAEV dúnıege keldi.
Almaty qalasynda týǵan. Abaı atyndaǵy Qazaq ulttyq pedagogıkalyq ýnıversıtetin saıasattaný mamandyǵy boıynsha bitirgen. Halyqaralyq qatynastar fakýltetiniń teorııalyq jáne qoldanbaly saıasattaný kafedrasynyń saıasattaný oqytýshysy (1996); Saıasattaný ǵylymdarynyń kandıdaty (1999).
Eńbek joly: Abaı atyndaǵy Qazaq ulttyq pedagogıkalyq ýnıversıtetiniń «Saıası zertteýler ortalyǵy» stýdenttik uıymynyń vıtse-prezıdenti (1993); Qazaqstannyń damý ınstıtýty Saıası zertteýler ortalyǵynyń aǵa ǵylymı qyzmetkeri jáne SAYASAT ǵylymı-saraptamalyq jýrnalynyń jaýapty redaktory (1997-2000); Ortalyq Azııa saıası zertteýler agenttigi dırektorynyń orynbasary (2000); Brıtandyq soǵys pen beıbitshilik ınstıtýtynyń (IWPR) Qazaqstandaǵy keńsesiniń dırektory (2002-2004); «Táýekelderdi baǵalaý toby — Qazaqstan» (Táýekelderdi baǵalaý toby) úkimettik emes konsaltıngtik uıymynyń quryltaıshysy (2002); Qazaqstannyń taldaý uıymdary alıansynyń teń quryltaıshysy (2009); «Halyqaralyq qatynastar jónindegi qazaqstandyq keńes» prezıdıýmynyń múshesi (2017).
50 jyl buryn (1975) Shyǵys Qazaqstan oblysynyń prokýrory Almat Muratuly BAIShOLAQOV dúnıege keldi.
Almaty qalasynda týǵan. Ál-Farabı atyndaǵy Qazaq Memlekettik ýnıversıtetin «quqyqtaný» mamandyǵy boıynsha bitirgen.
Eńbek jolyn 1997 jyly Almaty qalasynyń Bostandyq aýdany prokýrorynyń kómekshisi qyzmetinen bastady.
Ár jyldary Almaty oblysy Іle aýdanynyń, Almaty qalasy Bostandyq aýdanynyń prokýratýralaryn, Almaty qalasy prokýratýrasynyń áleýmettik-ekonomıkalyq salada, qylmystyq ister boıynsha sot aktileriniń zańdylyǵyn qadaǵalaý basqarmalaryn basqardy. Ońtústik Qazaqstan oblysy jáne Astana qalasy prokýrorynyń orynbasary laýazymynda qyzmet atqardy.
QR Ádilet mınıstrligi departamentterin basqardy. 2019-2021 jyldary QR Prezıdenti Ákimshiliginiń Qaýipsizdik jáne quqyqtyq tártip bóliminiń meńgerýshisi qyzmetin atqardy.
Qazirgi laýazymyn 2021 jyldyń shilde aıynan beri atqaryp keledi.
ІІ dárejeli «Dańq» ordenimen, «Eren eńbegi úshin» medalimen, mereıtoılyq medaldarmen marapattalǵan.
45 jyl buryn (1980) Qazaqstan Respýblıkasy Parlament Senatynyń Túrkistan oblysynan saılanǵan depýtat Murat Bolatuly QADYRBEK dúnıege keldi.
Ońtústik Qazaqstan oblysy Shardara aýdany Shardara qalasynda týǵan. E. A. Bóketov atyndaǵy Qaraǵandy memlekettik ýnıversıtetiniń túlegi. Bilimi joǵary, zańger, quqyqtaný magıstri. Qazaqstan Respýblıkasy Prezıdenti janyndaǵy Memlekettik basqarý akademııasynyń túlegi.
Eńbek jolyn Qaraǵandy oblysy Qazybek bı aýdandyq prokýratýrasynyń sot aktileri men atqarýshylyq is júrgizýleriniń zańdylyǵyn qadaǵalaý bóliminde prokýrordyń mindetin atqarýshy bolyp bastady. 2005-2007 jyldary QR Prezıdentiniń janyndaǵy Memlekettik basqarý akademııasynda bilim aldy. 2007-2008 jyldary Shyǵys Qazaqstan oblysy Tarbaǵataı aýdany № 2 sotynyń sýdıasy, 2008-2009 jyldary Astana qalasynda QR Qorshaǵan ortany qorǵaý mınıstrliginiń bıýdjettik josparlaý, qarjylyq-ekonomıkalyq qamtamasyz etý jáne memlekettik aktıvterdi basqarý bólimi bastyǵynyń orynbasary. 2009-2010 jyldary QR Qorshaǵan ortany qorǵaý mınıstrliginiń Ekonomıka jáne qarjy departamenti dırektorynyń orynbasary. 2010-2011 jyldary Almaty oblysy Eńbekshiqazaq aýdany ákiminiń orynbasary, 2011-2012 jyldary QR Memlekettik qyzmet isteri agenttiginiń kadrlyq qamtamasyz etý departamenti dırektorynyń orynbasary, 2013-2014 jyldary QR Memlekettik qyzmet isteri agenttiginiń Soltústik Qazaqstan oblysy basqarmasynyń bastyǵy-Tártiptik keńestiń tóraǵasy, 2014-2016 jyldary Mańǵystaý oblysy boıynsha sybaılas jemqorlyq isteri departamenti basshysynyń orynbasary, Ádep jónindegi keńesiniń tóraǵasy, 2016-2021 jyldary Túrkistan oblysy Arys qalasynyń ákimi, 2021-2023 jyldary Túrkistan oblysy Jetisaı aýdanynyń ákimi qyzmetin atqardy.
Qazirgi jumysyna 2023 jyldyń qańtarynda kiristi.
38 jyl buryn (1987) Qazaqstan Respýblıkasynyń Ulttyq kásipkerler palatasy Prezıdıýmynyń Ózin-ózi retteýdi damytý máselesi jónindegi komıtetiniń tóraǵasy Aslanbek Qýandyquly JAQYPOV dúnıege keldi.
Kókshetaý qalasynda týǵan. 2008 jyly Qazaq gýmanıtarlyq-zań ýnıversıtetiniń Almaty zań akademııasyn «quqyqtaný» mamandyǵy boıynsha, 2010 jyly Sh. Ýálıhanov atyndaǵy Kókshetaý memlekettik ýnıversıtetin «Ekonomıka» mamandyǵy boıynsha, 2014 jyly QR Prezıdenti janyndaǵy Memlekettik saıasattyń ulttyq mektebin «Áleýmettik bilim magıstri» mamandyǵy boıynsha, 2014 jyly «Duke» ýnıversıtetiniń Senford memlekettik saıasat mektebin memlekettik saıasat jáne basqarý salasyndaǵy basshy bilim berý baǵdarlamasy boıynsha, 2018 jyly Central Bohemia Institute of Applied Science & Management bitirgen.
Eńbek joly: 2008-2009 jyldary QR Statıstıka agenttigi ishki aýdıt departamentiniń sarapshysy, 2009-2011 jyldary QR Ulttyq ekonomıka mınıstrligi Zań departamentiniń normatıvtik quqyqtyq aktilerdi taldaý jáne quqyqtyq monıtorıngi bóliminiń sarapshysy, 2011-2012 jyldary QR Ulttyq ekonomıka mınıstrliginiń zań departamentinde ÚEU taldaý jáne quqyqtyq monıtorıng júrgizý basqarmasynyń bas sarapshysy, 2012-2014 jyldary QR Ulttyq ekonomıka mınıstrligi zań departamentinde quqyqtyq qamtamasyz etý basqarmasynyń basshysy, 2014-2015 jyldary 2014-2015 jyldary QR Ulttyq ekonomıka mınıstrliginiń zań departamentinde ÚEU taldaý jáne quqyqtyq monıtorıng júrgizý basqarmasynyń basshysy, 2015-2018 jyldary QR Ulttyq ekonomıka mınıstrliginiń Kásipkerlikti damytý departamenti dırektorynyń orynbasary, 2018-2020 jyldary QR Ulttyq ekonomıka mınıstrligi Kásipkerlikti damytý departamentiniń dırektory laýazymyn atqarǵan. 2020 jyldan — «Innovatsııalar jáne kásipkerlik Ulttyq ortalyǵy» JShS Bas dırektory.