3 shilde. Tulǵalar týǵan kún
ASTANA. KAZINFORM - Búgin, 3 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
72 jyl buryn (1952) «Ulttyq neırohırýrgııa ortalyǵy» AQ basqarma tóraǵasy, medıtsına ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń korrespondent múshesi Serik Qýandyquly AQShOLAQOV dúnıege kelgen.
Aqtóbe oblysynyń Shalqar qalasynda týǵan. Qazaq neırohırýrgteri assotsıatsııasynyń Prezıdenti, Reseı neırohırýrgteri assotsıatsııasynyń qurmetti múshesi, Nevrologııalyq hırýrgter Azııalyq kongresi atqarýshy komıtetiniń múshesi, Neırohırýrgııalyq qoǵamdar búkilálemdik federatsııasy neırotravmatologııalyq komıtetiniń múshesi, «Acta Neurochirurgica» neırohırýrgııalyq qoǵamdardyń Eýropalyq assotsıatsııasy jýrnalynyń redaktsııalyq komıteti múshesi.
Qazirgi qyzmetin 2008 jyldan beri atqaryp keledi.
QR Prezıdentiniń Alǵys gramotasymen marapattalǵan. 2005 jyly joǵary dárejeli táýelsiz «Platınaly Tarlan» syılyǵynyń laýreaty atandy. 2005 jyly Dárigerlerdiń búkilálemdik assotsıatsııasynyń «Álemge qamqorshy dáriger» ataǵyna ıe boldy. 2006 jyly Búkilreseılik kórme ortalyǵynyń «Laýreat VVTs» medalimen marapattaldy. 2008 jyly A. Baıtursynuly atyndaǵy kúmis medal ıegeri atandy. 2008 jyly Pırogov atyndaǵy syılyqtyń laýreaty (Reseı) boldy. 2008 jáne 2009 jyldary «Altyn adam. Qazaqstandaǵy jyl adamy» ataǵyna usynyldy. 2010 jyly «Parasat» ordenimen marapattaldy. Qazaqstan Respýblıkasynyń eńbek sińirgen qyzmetkeri.
61 jyl buryn (1963) Qazaqstan Respýblıkasy Parlament Senatynyń depýtaty Talǵat Turlybekuly JÚNІSOV dúnıege keldi.
Kókshetaý oblysy, Krasnoarmeıskıı aýdanynda týǵan. 1990 jyly Kókshetaý aýylsharýashylyq ınstıtýtyn ınjener-mehanık mamandyǵy boıynsha, 2004 jyly «Femıda» zań akademııasyn bitirgen.
Eńbek joly: 1978-1982 jyldary Şýche qalasynyń ındýstrıaldy-pedagogıkalyq tehnıkýmynyń stýdenti, 1982 jyly Kókshetaý oblysy Chkalov aýdany Abaı aýyly jumysshysy boldy. 1982-1984 jyldary Keńes Odaǵynyń qarýly kúshteri qatarynda qyzmet etti. 1984-1985 jyldary Tselınograd aýyl sharýashylyǵy ınstıtýtynyń daıyndyq bóliminiń tyńdaýshysy, 1985-1991 jyldary Tselınograd aýyl sharýashylyq ınstıtýtynyń Kókshetaý qalasyndaǵy fılıalynyń stýdenti, assıstenti, 1992 jyly Tselınograd aýylsharýashylyq ınstıtýtynyń aspıranty, 1992-1996 jyldary Óndiristik praktıka jetekshisi, assıstent, TsAShI Kókshetaý fılıalynyń aǵa oqytýshysy, 1996-2001 jyldary Sh.Ýalıhanov atyndaǵy Aýyl sharýashylyǵy ınstıtýty dırektorynyń orynbasary, aǵa oqytýshy, syrttaı fakýltet dekany, Kókshetaý memlekettik ýnıversıtetiniń syrttaı oqytý jónindegi prorektory, 2001-2002 jyldary Joǵary jáne orta kásiptik bilim departamenti memlekettik standarttar jáne memlekettik tapsyrysty qalyptastyrý basqarmasynyń bas mamany, monıtorıng jáne baqylaý saraptamasy departamenti, akkredıtteý jáne Attestattaý basqarmasynyń bas mamany, QR BǴM ákimshilik departamenti uıymdastyrý jáne kadr jumysy basqarmasynyń bastyǵy, 2002-2008 jyldary QR BǴM ınnovatsııalyq tehnologııalardy syrttaı oqytý prorektory, ǵylymı - zertteý qyzmetiniń prorektory, Sh.Ýalıhanov atyndaǵy Kókshetaý memlekettik ýnıversıtetiniń oqý-ádistemelik jumys jónindegi prorektory qyzmetin atqarǵan. 2008-2012 jyldary Rýdnyı ındýstrııalyq ınstıtýtynyń rektory, 2012-2014 jyldary QR Ulttyq Injenerlik akademııasynyń vıtse-prezıdenti, 2014-2016 jyldary QR Prezıdentiniń janyndaǵy Memlekettik basqarý akademııasynyń vıtse-rektory, 2017 jyly QR AShM "Ulttyq agrarlyq ǵylymı-bilim berý ortalyǵy" KEAQ Basqarma tóraǵasynyń orynbasary, 2017-2020 jyldary Aqmola oblysy bilim basqarmasynyń basshysy, 2020 jyly Sh.Ýalıhanov atyndaǵy "Kókshetaý memlekettik ýnıversıteti" ShJQ RMK rektorynyń keńesshisi, 2020-2021 jyldary "Qazaqstan agro-Innovatsııalyq kompanııasy" JShS Bas dırektorynyń orynbasary, 2021-2022 jyldary Sh.Ýalıhanov atyndaǵy "Kókshetaý ýnıversıtetiniń" KEAQ "AÓK salasyndaǵy Óńirlik damý" ǴZI dırektory, 2022-2023 jyldary Aqmola oblysy máslıhatynyń hatshysy laýazymyn atqarǵan.
Qazirgi qyzmetin 2023 jylǵy qańtardan beri atqaryp keledi.
60 jyl buryn (1964) «Embimunaıgaz» AQ ombýdsmeni Nurlybek Jumahmetuly OJAEV dúnıege keldi.
Atyraý oblysy Mahambet aýdany Mahambet aýylynda týǵan. Batys Qazaqstan aýyl sharýashylyǵy ınstıtýtyn, Halel Dosmuhamedov atyndaǵy Atyraý memlekettik ýnıversıtetin bitirgen.
Eńbek jolyn Qaraǵandy oblysy Qarqaraly aýdanynda jumysshy bolyp bastaǵan. Keıinnen Atyraý oblysy Mahambet aýdandyq Jastar isi jáne sport basqarmasynyń bastyǵy, Atyraý oblysy Mahambet aýdany ákimi apparatynyń basshysy, Atyraý qalalyq máslıhaty apparatynyń basshysy, Atyraý oblysy ákimi apparatynyń basshysy, Atyraý oblysy Isataı aýdanynyń ákimi, Atyraý qalasynyń ákimi sekildi laýazymdardy atqardy. 2016-2021 jyldary «Nur Otan» partııasy Atyraý oblystyq fılıaly tóraǵasynyń birinshi orynbasary boldy.
Atyraý oblysy Dzıýdo federatsııasynyń prezıdenti. Kúresten Qazaqstannyń eki dúrkin chempıony. 1985 jyly Qazaqstan quramasynyń quramynda boldy, QR sport sheberi.
«Isataı batyr» qaıyrymdylyq qorynyń dırektory. «AMANAT» partııasy Saıası keńesiniń jáne QR Parlamenti Májilisindegi Fraktsııasynyń múshesi.
2023 jyldyń mamyr aıynan bastap qazirgi qyzmetinde.
Birqatar ordendermen, Qurmet gramotasymen marapattalǵan.
53 jyl buryn (1971) joǵary dárejeli dáriger, densaýlyq saqtaý úzdigi, Eýropalyq kataraktaldyq jáne refraktsııalyq hırýrgtar qaýymdastyǵy (ESCRS) múshesi Marat Smaǵululy SÚLEIMENOV dúnıege keldi.
1994 jyly Almaty Memlekettik medıtsına ınstıtýtynyń Emdeý fakýltetin, 2015 jyly Almaty Management University janyndaǵy magıstratýrany támamdaǵan.
Eńbek joly: 1994-1995 jyldary Kózdiń móldir qabyqshasy patologııasy zerthanasynyń kishi ǵylymı qyzmetkeri, kezekshi-dáriger, «Kóz aýrýlary QazǴZI», 1995-1998 jyldary Qazaq Memlekettik medıtsına ýnıversıteti janyndaǵy aspırantýra, 2001-2003 jyldary «Kóz aýrýlary QazǴZI» 2-bólimshesiniń meńgerýshisi, 2005-2008 jyldary «Kóz aýrýlary QazǴZI» refraktsııalyq lazerlik hırýrgııa bólimshesiniń meńgerýshisi, 2008-2015 jyldary «Kóz aýrýlary QazǴZI» bas dárigeri, 2014 jyly S.J. Asfendııarov atyndaǵy QazUMÝ oftalmologııa kafedrasynyń meńgerýshisi qyzmetin atqarǵan. 2015 jyly QR Densaýlyq saqtaý mınıstrligi Kóz aýrýlary ǵylymı-zertteý ınstıtýty basqarma tóraǵasynyń klınıkalyq jumys jónindegi orynbasary.
