3 sáýir. QazAqparat kúntizbesi
ATAÝLY KÚNDER
Shtrıh-kod paıda bolǵan kún
1973 jyly dál osy kúni IBM kompanııasy shtrıhtap kodtaý ámbebap tehnologııasyn usyndy. Shtrıh-kod - ártúrli qashyqtyqtaǵy jáne ártúrli jýandyqtaǵy jolaqtardan turatyn kompıýterlik esepteý túri. Jolaqtar arasyndaǵy kombınatsııa belgili bir sandarǵa sáıkes keledi. 0-den 9-ǵa deıingi sandar eki nemese úsh nusqamen (set) beriledi. Alǵash ret shtrıh-kod Wrigley's saǵyzyna qoıylǵan.
ESTE QALAR OQIǴALAR
2009 jyly Almatyda «Qazposhta» AQ el aýmaǵynda «Eýropa» serııasy boıynsha Halyqaralyq astronomııa jylyna arnalǵan eki marka engizilgenin málimdedi. Jańa markalarda Galıleıdiń portreti men tabıǵat aıasyndaǵy teleskop beınelengen.
2010 jyly «Qazaqstan halqy Assambleıasynyń áleýmettik konsortsıýmy» Qoǵamdyq qory Qazaqstan halyqtarynyń teatryn qurdy. Jańa teatr antreprıza túrinde jumys isteıdi, qoıylymdar bir ýaqytta birneshe tilde ótkizilýi múmkin, ıaǵnı ártister ózderiniń ana tilinde óz rólin oınaı alady. Bul Qazaqstandaǵy osyndaı alǵashqy teatr.
2011 jyly Túrkııanyń týrıstik aımaǵy Kapadokııada ornalasqan jerasty qalalary men jartasty monastyrlarymen áıgili Nevshehır qalasynda Qazaqstan Respýblıkasynyń Tuńǵysh Prezıdenti Nursultan Nazarbaev atyndaǵy kósheniń ashylý saltanaty boldy. Qalanyń ortalyq kósheleriniń birine N.Nazarbaev esimin berý sheshimi Nevshehır qalasynyń qalalyq máslıhatynyń otyrysynda qabyldanǵan.
2012 jyly amerıkandyq Erık Ýıtakerdiń álemge áıgili Vırtýaldy horynyń quramyna eki qazaqstandyq qosyldy. Bul jobanyń máni mynada: búkil álemnen myńdaǵan adam bir-birin kórmeı, kompozıtsııany beınekameraǵa túsirip, dırıjerge jiberedi, ol óz kezeginde daýystardy bir-birine úılestirip, teńdesi joq sulý áýen shyǵarady. Hordyń sońǵy jobasy - Whitaker's Water Night. Oǵan álemniń 73 elinen 3 756 adam qatysty.
2013 jyly Almatyda fılıgrandy tehnıkany meńgergen tanymal hırýrg Nurtas Qazybaevtyń qurmetine memorıaldyq taqta qoıyldy. Nurtas Qozybaev – respýblıkada hırýrgııalyq emdeýdiń ozyq ádisterin engizýge yqpal etken praktık ǵalym. Ol mura retinde 50 ǵylymı jumys, qursaq qýysy aýrýlaryn emdeýge arnalǵan 5 biregeı ónertabys qaldyrdy. 30 jyldyq kásibı ótilinde ol bes myńnan astam adamnyń ómirin qutqaryp, barlyǵy 30 myń ota jasaǵan.
2014 jyly Belgııanyń Lej qalasynda belgili qazaqstandyq velosportshy Andreı Kashechkınniń velosport akademııasy ashyldy. Bul - Qazaqstandaǵy velosport akademııasynyń fılıaly. Akademııa bazasynda barlyq jaǵdaı jasalǵan - jabdyqtar, tájirıbeli jattyqtyrýshylar, sport dárigerleri, t.b. bar.
2018 jyly «Rýhanı jańǵyrý» baǵdarlamasy aıasynda QR Mádenıet jáne sport mınıstrligi júzege asyryp jatqan «Altyn adamnyń álem mýzeılerine sherýi» halyqaralyq jobasy aıasynda Máskeýde ejelgi dala órkenıetiniń biregeı murasy usynyldy. Halyqtyq jáne sándik-qoldanbaly ónerdiń búkilreseılik mýzeıi Qazaqstan Respýblıkasy Ulttyq mýzeıimen birlesip uıymdastyryp jatqan «Uly dala murasy: zergerlik óner jaýharlary» kórmesine kelgen Máskeý turǵyndary men qonaqtary Qazaqstanyń nyshany retinde búkil álemge tanymal bolǵan «Altyn adam» eksponatyn tamashalaýǵa múmkindik aldy. Sonymen qatar kórmege Qazaqstan Respýblıkasy Ulttyq mýzeıiniń qorlarynan HІH ǵasyr men HH ǵasyrdyń ortasyna deıingi ýaqytqa jatatyn kúmisten jasalǵan áıelder áshekeıleri, bizdiń zamanymyzǵa deıingi VII-ІІІ ǵasyrlarǵa tıesili altyn buıymdar qoıylǵan. Tanystyrýǵa qoıylǵan jádigerlerdiń jalpy sany 170-ten asady.
2019 jyly RF Prezıdenti V.V.Pýtınniń shaqyrtýymen Qazaqstan Respýblıkasynyń Prezıdenti Qasym-Jomart Toqaev Reseı Federatsııasyna resmı saparmen bardy. Kelissózder barysynda Qazaqstan men Reseı Prezıdentteri eki memleket arasyndaǵy odaqtastyq jáne strategııalyq áriptestikti odan ári tereńdetý, olardyń turaqty damýyna jáne halyqaralyq arenadaǵy bedelin arttyrýǵa járdemdesý maqsatynda qol jetkizilgen ýaǵdalastyqtardy tıimdi iske asyrýdy qamtamasyz etýge degen nıetterin bildirdi.
2019 jyly Aqtóbede júzýden Qazaqstan chempıonatynda Adelaıda Pchelıntseva el rekordyn ornatty. Sportshy 50 metr brasspen júzýde Qazaqstannyń jańa joǵary kórsetkishin tirkedi. Rekordty nátıje – 00.31.81 sekýnd.
2021 jyly Qazaqstannyń eńbek sińirgen ártisi, QR Memlekettik syılyǵynyń laýreaty, Shymkent qalalyq opera jáne balet teatrynyń dırektory Maıra Muhamedqyzy BraVo syılyǵynyń ıegeri atandy. M.Muhamedqyzy «Seriktes eldiń eń tanymal klassıkalyq oryndaýshysy» nomınatsııasy boıynsha músinshege ıe boldy – bul talanty men klassıkalyq ónerdiń damýyna qosqan úlesi joǵary baǵaǵa laıyq álemdik juldyzdardy beıneleıtin 15 músinsheniń biri.
2022 jyly Qaraǵandyda «Ortalyq Qazaqstandaǵy 1931-1933 jyldardaǵy asharshylyq: muraǵattyq qujattar men estelikter jınaǵy» kitabynyń tusaýkeseri ótti, onda buryn jarııalanbaǵan muraǵattyq materıaldar men golodomor kýágerleriniń estelikteri jınaqtalǵan.
«Jobanyń maqsaty muraǵat qujattaryn, sondaı-aq sol qasiretti kezeńder týraly áńgimeler saqtalǵan otbasylardyń estelikteri men suhbattaryn jınaqtaý boldy. Jınalǵan materıaldar Qaraǵandy oblysyndaǵy stalındik ujymdastyrýdyń saldaryn jan-jaqty kórsetedi», – deıdi basylymdy qurastyrýshylardyń biri, fılologııa ǵylymdarynyń kandıdaty Larısa Harıtonova.
2022 jyly «Áziret Sultan» memlekettik tarıhı-mádenı qoryq-mýzeıinde dástúrli «Mýzeıge syılyq» aktsııasy ótti, onyń aıasynda 75 jastaǵy Asylbek Tańataruly kesene murajaıyna qoladan quıylǵan tarıhı úsh ǵasyrlyq qazandy tapsyrýǵa sheshim qabyldady. Asylbek Tańataruly áýletti eske alý úshin qundy qazandy murajaı qoryna tapsyryp, batasyn berdi.
