3 myńǵa jýyq til joıylý aldynda tur – BUU

NUR-SULTAN. QazAqparat – Álemniń baıyrǵy turǵyndarynyń halyqaralyq kúninde BUU adam quqyqtary jónindegi sarapshylary bolashaq urpaq úshin tilderdi saqtaýǵa shaqyrdy, dep habarlaıdy QazAqparat.

BUU saıtynda habarlanǵandaı, sarapshylar tilderdiń 40 paıyzy joıylý aldynda tur, ıaǵnı – 2 800 til.

Álemniń baıyrǵy turǵyndarynyń 7 myń tili bar. Olardyń keıbirinde tek birneshe adam ǵana sóıleıdi, biraq BUU árbir til dástúr men mádenıetti saqtap otyrǵanyn atap ótti. Álemniń baıyrǵy turǵyndarynyń tilderi mádenıet pen saıası ózin-ózi anyqtaýda mańyzdy ról oınaıdy.

« Til – artyqshylyq emes, quqyq», - deıdi BUU adam quqyqtarynyń túrli aspektileri jónindegi sarapshylar.

Olar osy onjyldyqtyń Álemniń baıyrǵy turǵyndary tilderiniń onjyldyǵy dep jarııalanǵanyn eske salyp, «10 jyldyń ishinde osy tilderge keltirilgen tarıhı zalaldardyń saldaryn joıyp, olardy bolashaq urpaq úshin saqtaýǵa bolady» dep esepteıdi.