3 maýsym. Týǵan kún ıeleri

ASTANA. QazAqparat – Búgin, 3 maýsymda tulǵalardan kimder dúnıege kelgen? QazAqparat oqyrman nazaryna esimder kúntizbesin usynady.

ESІMDER

100 jyl buryn (1923-2015) sýretshi jáne anımatsııalyq kıno rejısseri, qazaq mýltıplıkatsııa óneriniń negizin qalaýshy Ámen Ábjanuly QAIDAROV dúnıege kelgen.

Qaraǵandy oblysynda týǵan. Almaty kórkemsýret ýchılışesin, Máskeýdegi Kınematografııa ınstıtýtynyń kórkemsýret bólimin bitirgen. «Qazaqstan áıelderi», «Ara» jýrnaldary redaktsııalarynda istegen. 1965 jyldan «Qazaqfılm» kınostýdııasynda qyzmet atqarǵan. 1976-1981 jyldary Qazaqstan Kınematografııashylar odaǵy basqarmasynyń mýltıplıkatsııalyq kıno jáne shyǵarmashyl jastar arasyndaǵy jumys jónindegi hatshysy bolǵan. 1967 jyly Qaıdarovtyń salǵan sýreti boıynsha «Qarlyǵashtyń quıryǵy nege aıyr?» mýltfılmi jasalǵan. Atalmysh týyndy Sankt-Peterbýrg qalasynda ótken Búkilodaqtyq kınofestıvalda, Nıý-Iork qalasynda ótken Halyqaralyq mýltıplıkatsııalyq fılmder festıvalinde júldege ıe bolǵan. Sondaı-aq onyń «Aqsaq qulan», «Quıyrshyq», «Qojanasyr qurylysshy», «Janar», «Kún sáýlesinen paıda bolǵan kójek», «Qyryq ótirik», t.b. mýltfılmderi bar.

«Parasat», «Qurmet belgisi» ordenderimen, medaldarmen marapattalǵan.

60 jyl buryn (1963) Sátbaev qalasy ákiminiń orynbasary Aıgúl Qosmanqyzy TÓLENDINA dúnıege keldi.

Eńbek jolyn 1984 jyly №2 Qaraǵandy qalalyq balalar aýrýhanasynyń medbıkesi bolyp bastaǵan. 1985 jyldyń tamyz aıynan bastap Sátbaev qalasynyń tis jóndeý polıklınıkasynyń tis dárigeri, 1999-2008 jyldary «Nur Otan» halyqtyq-demokratııalyq partııasynyń Sátbaev qalalyq fılıaly tóraǵasynyń birinshi orynbasary, 2008 jyldyń qazanynan «Sátbaev qalasynyń memlekettik muraǵaty» memlekettik mekemesiniń dırektory bolyp jumys istedi.
Sátbaev qalalyq máslıhatynyń IV, V, VI shaqyrylymdarynyń depýtaty, «Nur Otan» depýtattyq fraktsııasynyń tóraǵasy bolǵan.

Qazirgi qyzmetinde - 2017 jyldyń 1 naýryzynan.

Qazaqstan Respýblıkasynyń Prezıdentiniń alǵys hatymen birneshe ret marapttalǵan, «Qazaqstan Respýblıkasynyń Táýelsizdigine 20 jyl», «Qazaqstan Respýblıkasynyń Táýelsizdigine 25 jyl», «Belsendi qyzmeti úshin» «Nur Otan» partııasynyń, «Qazaqstan Respýblıkasynyń Máslıhatyna 20 jyl», «Qazaqstan Dańqy» medaldarymen marapattalǵan.

5 4 jylburyn (1969) Qazaqstan Respýblıkasy oqý-aǵartý mınıstri Ǵanı Bektaıuly BEISEMBAEVdúnıege keldi.

Abaı atyndaǵy Qazaq ulttyq pedagogıkalyq ýnıversıtetin bitirgen, qazaq tili men ádebıeti pániniń muǵalimi. Eńbek joly: Qyzylorda oblysy Shıeli aýdandyq mádenıet bóliminiń avtoklýb meńgerýshisi (1986-1989); qazaq tili pániniń muǵalimi, Almaty oblysy Іle aýdany № 14 orta mektebiniń «Jas talap» klýbynyń jetekshisi (1989-1990); Almaty oblysy Talǵar aýdany № 14 orta mektebi dırektorynyń oqý-tárbıe isi jónindegi orynbasary, qazaq tili pániniń muǵalimi (1990-1995); Almaty oblysy Іle aýdany № 12 orta mektebiniń dırektory (1995-1997); Qazaqstan Respýblıkasy Bilim jáne ǵylym mınıstrligi Ybyraı Altynsarın atyndaǵy Qazaq bilim akademııasy prezıdentiniń ǵylymı hatshysy, keńesshisi (1997-2000); Almaty oblysy Qapshaǵaı qalasynyń bilim bóliminiń basshysy (2000-2001); Almaty qalasynyń qosymsha bilim berý ortalyǵynyń dırektory (2001-2006); ATÝ janyndaǵy tehnıkalyq-ekonomıkalyq kolledjiniń dırektory (2006-2007); «EDTECH» halyqaralyq bilim berý ortalyǵynyń bas dırektory (2006 jyldan); Qazaqstan Respýblıkasy Bilim jáne ǵylym mınıstrliginiń «Oqýlyq» respýblıkalyq ǵylymı-praktıkalyq ortalyǵy» respýblıkalyq memlekettik qazynalyq kásipornynyń dırektory (03.2020-12.2020). QR Bilim jáne ǵylym vıtse-mınıstri (03.2022-08.2022), QR Oqý-aǵartý vıtse-mınıstri (08.2022-04.01.2023).

2023 jyldyń qańtarynan bastap qazirgi qyzmetinde.

«Kásipodaqtarǵa sińirgen eńbegi úshin» Qazaqstan Respýblıkasy Kásipodaqtar federatsııasynyń medalimen jáne basqa da medaldarmen marapattalǵan; «Qazaqstan Respýblıkasy bilim berý isiniń úzdigi», «Y. Altynsarın» tósbelgileriniń ıegeri.

5 3 jyl buryn (1970) Qonaev qalasynyń ákimi Nurlan Orynbasaruly QUMATAEVdúnıege keldi.

Ońtústik Qazaqstan (qazirgi Túrkistan) oblysynda dúnıege kelgen. Almaty memlekettik medıtsına ınstıtýtyn bitirgen, stomatolog-dáriger (1991); Qazaq memlekettik zań akademııasyn bitirgen, zańger; Shet tilder jáne iskerlik mansap ýnıversıtetin bitirgen, ekonomıka bakalavry.

Eńbek joly: Almaty qalasynyń № 4 stomatologııalyq emhanasynda dáriger-stomatolog; Іle aýdany Jetigen aýyldyq okrýgi ákiminiń orynbasary; Іle aýdany ákimi apparatynyń turǵyn úı-kommýnaldyq sharýashylyq bóliminiń bas mamany (2002-2003); Іle aýdany Baıserke aýyldyq okrýgi ákiminiń orynbasary (2003-2004); Іle aýdany ákimi apparatynyń shaǵyn jáne orta bıznes, jumyspen qamtýdy úılestirý jáne áleýmettik baǵdarlamalar bólimderiniń bastyǵy (2004-2005); «Jumyspen qamtý jáne áleýmettik baǵdarlamalar bólim» MM basshysy (2005-2016); Іle aýdany ákiminiń orynbasary (2016-2020).

Qazirgi laýazymynda– 2020 jylǵy mamyrdan bastap.

4 5 jylburyn (1978) Qazaqstan Respýblıkasy Qarjy monıtorıngi agenttigi tóraǵasynyń birinshi orynbasary Ǵabıt Amangeldiuly SADYRBEKOV dúnıege keldi.

Abaı atyndaǵy Almaty memlekettik ýnıversıtetin bitirgen (1999).

Eńbek joly: Astana qalasy prokýratýrasynyń basqarma bastyǵynyń orynbasary (2001); Bas prokýratýranyń bólim bastyǵy; Bas prokýratýranyń basqarma bastyǵy; Bas prokýratýranyń departament bastyǵy; Bas prokýratýranyń janyndaǵy Quqyq qorǵaý organdary akademııasy ınstıtýtynyń dırektory; Almaty qalasy Alataý aýdanynyń prokýrory; QR Prezıdenti Ákimshiliginiń Quqyq qorǵaý jáne sot júıesi bóliminde jumys istedi; «Qazkommertsbank» AQ bas bankiniń problemalyq qaryzdarmen jumys jónindegi departamenti dırektorynyń orynbasary; «Kazkommertsbank» AQ Almaty fılıaly dırektorynyń portfel sapasyn basqarý jónindegi orynbasary; «Bank RBK» AQ problemalyq qaryzdarmen jumys jónindegi departamentiniń dırektory; «Tsesnabank» AQ Basqarýshy dırektory; «Tengri Bank» AQ basqarma tóraǵasynyń orynbasary, basqarma múshesi (2020-2021). Qazaqstan Respýblıkasy Qarjy monıtorıngi agenttiginiń apparat basshysy (2021-2022).

2022 jyldyń qańtar aıynan bastap qazirgi qyzmetinde.