3 maýsym. Tulǵalar týǵan kún
Búgin, 3 maýsym kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
61 jyl buryn (1963) Sátbaev qalasy ákiminiń orynbasary Aıgúl Qosmanqyzy TÓLENDINA dúnıege keldi.
Qaraǵandy oblysy, Qarqaraly aýdanynyń Frýnze aýylynda týǵan. 1985 jyly Qaraǵandy memlekettik medıtsına ınstıtýtyn stomatologııa mamandyǵy boıynsha, 2002 jyly Qaraǵandy jkonomıka ýnıversıtetin ekonomıka jáne menedjment mamandyǵy boıynsha bitirgen.
Eńbek jolyn 1984 jyly № 2 Qaraǵandy qalalyq balalar aýrýhanasynyń medbıkesi bolyp bastaǵan. 1985 jyly Sátbaev qalasynyń tis jóndeý polıklınıkasynyń tis dárigeri, 1998-2008 jyldary «Nur Otan» halyqtyq-demokratııalyq partııasynyń Sátbaev qalalyq fılıaly tóraǵasynyń birinshi orynbasary, 2008 jyly «Sátbaev qalasynyń memlekettik muraǵaty» memlekettik mekemesiniń dırektory bolyp jumys istedi.
Sátbaev qalalyq máslıhatynyń IV, V, VI shaqyrylymdarynyń depýtaty, «Nur Otan» depýtattyq fraktsııasynyń tóraıymy bolǵan.
Qazirgi qyzmetinde — 2017 jyldyń 1 naýryzynan.
QR Prezıdentiniń alǵys hatymen birneshe ret marapttalǵan, «Qazaqstan Respýblıkasynyń Táýelsizdigine 20 jyl», «Qazaqstan Respýblıkasynyń Táýelsizdigine 25 jyl», «Belsendi qyzmeti úshin» «Nur Otan» partııasynyń, «Qazaqstan Respýblıkasynyń Máslıhatyna 20 jyl», «Qazaqstan Dańqy» medaldarymen marapattalǵan.
55 jylburyn (1969) Qazaqstan Respýblıkasy oqý-aǵartý mınıstri Ǵanı Bektaıuly BEISEMBAEVdúnıege keldi.
Qyzylorda oblysynda týǵan. Abaı atyndaǵy Qazaq ulttyq pedagogıkalyq ýnıversıtetin bitirgen, qazaq tili men ádebıeti pániniń muǵalimi.
Eńbek joly: 1986-1989 jyldary Qyzylorda oblysy Shıeli aýdandyq mádenıet bóliminiń avtoklýb meńgerýshisi, 1989-1990 jyldary qazaq tili pániniń muǵalimi, Almaty oblysy Іle aýdany № 14 orta mektebiniń «Jas talap» klýbynyń jetekshisi, 1990-1995 jyldary Almaty oblysy Talǵar aýdany № 14 orta mektebi dırektorynyń oqý-tárbıe isi jónindegi orynbasary, qazaq tili pániniń muǵalimi, 1995-1997 jyldary Almaty oblysy Іle aýdany № 12 orta mektebiniń dırektory, 1997-2000 jyldary QR Bilim jáne ǵylym mınıstrligi Ybyraı Altynsarın atyndaǵy Qazaq bilim akademııasy prezıdentiniń ǵylymı hatshysy, keńesshisi qyzmetin atqarǵan. 2000-2001 jyldary Almaty oblysy Qapshaǵaı qalasynyń bilim bóliminiń basshysy, 2001-2006 jyldary Almaty qalasynyń qosymsha bilim berý ortalyǵynyń dırektory, 2006-2007 jyldary ATÝ janyndaǵy tehnıkalyq-ekonomıkalyq kolledjiniń dırektory, 2006 jyldan «EDTECH» halyqaralyq bilim berý ortalyǵynyń bas dırektory, 2020 jyly QR Bilim jáne ǵylym mınıstrliginiń «Oqýlyq» respýblıkalyq ǵylymı-praktıkalyq ortalyǵy» respýblıkalyq memlekettik qazynalyq kásipornynyń dırektory, 2022 jyly QR Bilim jáne ǵylym vıtse-mınıstri, 2022-2023 jyldary QR Oqý-aǵartý vıtse-mınıstri laýazymyn atqardy.
2023 jyldyń qańtarynan bastap qazirgi qyzmetinde.
«Kásipodaqtarǵa sińirgen eńbegi úshin» Qazaqstan Respýblıkasy Kásipodaqtar federatsııasynyń medalimen jáne basqa da medaldarmen marapattalǵan; «Qazaqstan Respýblıkasy bilim berý isiniń úzdigi», «Y. Altynsarın» tósbelgileriniń ıegeri.
46 jyl buryn (1978) Qazaqstan Respýblıkasy Bas prokýrorynyń orynbasary Ǵabıt Amangeldiuly SADYRBEKOV dúnıege keldi.
Aqmola oblysynda dúnıege kelgen. 1999 jyly Abaı atyndaǵy Almaty memlekettik ýnıversıtetin bitirgen.
Eńbek joly: 2001 jyly Astana qalasy prokýratýrasynyń basqarma bastyǵynyń orynbasary qyzmetinde boldy. Keıin Bas prokýratýranyń bólim bastyǵy; Bas prokýratýranyń basqarma bastyǵy; Bas prokýratýranyń departament bastyǵy; Bas prokýratýranyń janyndaǵy Quqyq qorǵaý organdary akademııasy ınstıtýtynyń dırektory; Almaty qalasy Alataý aýdanynyń prokýrory; QR Prezıdenti Ákimshiliginiń Quqyq qorǵaý jáne sot júıesi bóliminde jumys istedi; «Qazkommertsbank» AQ bas bankiniń problemalyq qaryzdarmen jumys jónindegi departamenti dırektorynyń orynbasary; «Kazkommertsbank» AQ Almaty fılıaly dırektorynyń portfel sapasyn basqarý jónindegi orynbasary; «Bank RBK» AQ problemalyq qaryzdarmen jumys jónindegi departamentiniń dırektory; «Tsesnabank» AQ Basqarýshy dırektory; 2020-2021 jyldary «Tengri Bank» AQ basqarma tóraǵasynyń orynbasary, basqarma múshesi, 2021-2022 jyldary QR Respýblıkasy Qarjy monıtorıngi agenttiginiń apparat basshysy, 2022-2023 jyldary QR Qarjy monıtorıngi agenttigi tóraǵasynyń birinshi orynbasary laýazymyn atqarǵan.
2023 jyldyń qazan aıynan bastap qazirgi qyzmetinde.
101 jyl buryn (1923-2015) sýretshi jáne anımatsııalyq kıno rejısseri, qazaq mýltıplıkatsııa óneriniń negizin qalaýshy Ámen Ábjanuly QAIDAROV dúnıege kelgen.
Qaraǵandy oblysynda týǵan. Almaty kórkemsýret ýchılışesin, Máskeýdegi Kınematografııa ınstıtýtynyń kórkemsýret bólimin bitirgen. «Qazaqstan áıelderi», «Ara» jýrnaldary redaktsııalarynda istegen. 1965 jyldan «Qazaqfılm» kınostýdııasynda qyzmet atqarǵan. 1976-1981 jyldary Qazaqstan Kınematografııashylar odaǵy basqarmasynyń mýltıplıkatsııalyq kıno jáne shyǵarmashyl jastar arasyndaǵy jumys jónindegi hatshysy bolǵan. 1967 jyly Qaıdarovtyń salǵan sýreti boıynsha «Qarlyǵashtyń quıryǵy nege aıyr?» mýltfılmi jasalǵan. Atalmysh týyndy Sankt-Peterbýrg qalasynda ótken Búkilodaqtyq kınofestıvalda, Nıý-Iork qalasynda ótken Halyqaralyq mýltıplıkatsııalyq fılmder festıvalinde júldege ıe bolǵan. Sondaı-aq onyń «Aqsaq qulan», «Quıyrshyq», «Qojanasyr qurylysshy», «Janar», «Kún sáýlesinen paıda bolǵan kójek», «Qyryq ótirik», t. b. mýltfılmderi bar.
«Parasat», «Qurmet belgisi» ordenderimen, medaldarmen marapattalǵan.
