3 qyrkúıek. QazAqparat kúntizbesi
ESTE QALAR OQIǴALAR
1998 jyly Qazaqstan Respýblıkasynyń Prezıdenti Nursultan Nazarbaevtyń Jarlyǵymen Almaty oblysy Qaskeleń aýdanynyń ataýy Qarasaı aýdany bolyp ózgerdi.
2007 jyly Qazaqstan tarıhynda tuńǵysh ret Elbasy Nursultan Nazarbaev barlyq qazaqstandyq oqýshylar úshin «Jańa Qazaqstan – jańa álemde» ınteraktıvti sabaǵyn ótkizdi. On-line rejıminde ótken sabaqqa respýblıka boıynsha myńdaǵan oqýshylar qatysty.
2009 jyly Qazaqstan Respýblıkasy Prezıdentiniń Jarlyǵymen Aqmola oblysynyń Şýche aýdany Býrabaı aýdany dep ózgertildi.
2010 jyly «Eýrosport» telearnasy Qazaqstannyń tabysty jas sportshylary týraly «Jas úmit» telejobasyn iske qosty.
Onyń maqsaty – Qazaqstannyń sporttyq áleýetin kórsetý, sonymen qatar tsıkldy baǵdarlamalar arqyly osy eldiń mádenıeti men qundylyqtary jóninde maǵlumat berý.
2012 jyly Nazarbaev Ýnıversıtetinde Qazaqstan Prezıdenti ınteraktıv dáris oqydy. Lektsııanyń aldynda Nursultan Nazarbaev jańa «Bilim» telearnasyn iske qosty. Arnadan dáris tikeleı efırde kórsetildi. Elbasy dáristen keıin ınteraktıvti rejımde tyńdarmandar suraqtaryna jaýap berdi.
2012 jyly Essentýkı Kavkaz mıneraldy sýlary tobyna kiretin Reseıdegi eń iri jáne tanymal emdik sýy men balshyqpen emdeıtin kýrortynda tolyq jańartylǵan «Qazaqstan» sanatorııi demalýshylar úshin esigin ashty.
2013 jyly Qazaqstan halyq sýretshisi Áýbákir Ysmaıylovtyń júz jyldyǵyna oraı úsh tilde (qazaq, orys, aǵylshyn) «Álem kóshpendi boıaýynda» atty kitap-albomy jaryq kórdi. Budan bólek, sýretshi otbasynyń nusqaýymen reseılik sarapshylardy tarta otyryp, derekti fılm túsirildi. 30 mınýttyq fılmde qylqalam sheberiniń taǵdyry, óner joly sóz boldy.
2021 jyly Qostanaıda qazaq jýrnalıstıkanyń damýyna baǵa jetpes úles qosqan jazýshy-jýrnalıst Ábilfaıyz Ydyrysovqa arnalǵan memorıaldyq taqtanyń ashylýy ótti. Ǵalym retinde ol tek dáris oqyp qana qoımaı, sonymen qatar osy salada teńdesi joq oqýlyqtar jazdy.
2021 jyly Túrkııada «Qazaqfılm» kınostýdııasynda shyǵarylǵan «Tomırıs» kórkem fılmi prokatqa shyqty. Kórsetilim búkil el boıynsha 200-den astam kınoteatrlarda ótti.
Uly dala patshaıymy týraly kartınany kórsetý quqyǵyna Amerıka, Ulybrıtanııa, Italııa, Ispanııa, Japonııa, Taıaý Shyǵys, Ońtústik Koreıa, TMD, Sıngapýr, Rýmynııa jáne Frantsııa elderiniń dıstrıbıýtorlary ıe boldy.