3 qyrkúıek. Tulǵalar týǵan kún
Búgin, 3 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
63 jyl buryn (1961) Qazaqstan Respýblıkasy Konstıtýtsııalyq sotynyń sýdıasy Erkin Ánýaruly OŃǴARBAEV dúnıege kelgen.
Ońtústik Qazaqstan (qazirgi Túrkistan) oblysynda týǵan. 1984 jyly KSRO Іshki ister mınıstrliginiń Qaraǵandy joǵary mektebin, 1990 jyly KSRO Іshki ister mınıstrliginiń Máskeý joǵary mektebiniń adıýnktýrasyn bitirgen.
Eńbek joly: 1984-1996 jyldary Komsomol komıtetiniń hatshysy, Qaraǵandy Joǵary mektebin oqytýshysy, aǵa oqytýshysy, dotsenti, bólim bastyǵy, 1996-1997 jyldary QR Memlekettik tergeý komıtetiniń asa mańyzdy tapsyrmalar boıynsha aǵa ınspektory, 1997-1999 jyldary Qaraǵandy Joǵary mektebi bastyǵynyń ǵylymı jumys boıynsha orynbasary, 1999-2000 jyldary QR Ulttyq qaýipsizdik komıteti oqý oryndarynyń basqarma bastyǵy, 2000-2003 jyldary QR Parlamenti Májilisi Tóraǵasynyń keńesshisi qyzmetin atqarǵan. 2003-2007 jyldary Qazaq gýmanıtarlyq-zań ýnıversıtetiniń prorektory, birinshi prorektory, vıtse-prezıdenti, 2007-2010 jyldary QR Bilim jáne ǵylym mınıstrligi Ǵylym komıtetiniń tóraǵasy, 2010-2011 jyldary «Parasat» Ulttyq ǵylymı-tehnologııalyq holdınginiń» basqarýshy dırektory – basqarma múshesi, 2011-2012 jyldary «Astana» ýnıversıtetiniń rektory, 2013-2015 jyldary L.Gýmılev atyndaǵy Eýrazııa ulttyq ýnıversıteti zań fakýltetiniń dekany, oqý isi jónindegi prorektory, 2015-2016 jyldary QR Bas prokýratýrasynyń janyndaǵy Quqyq qorǵaý organdary akademııasynyń birinshi prorektory, 2017 jyly QR Din isteri jáne azamattyq qoǵam mınıstriligi Din isteri komıteti tóraǵasynyń orynbasary, mindetin atqarýshy, 2017-2018 jyldary QR Din isteri jáne azamattyq qoǵam mınıstrligi Din isteri komıteti tóraǵasy, 2019-2020 jyldary «Otandastar» qory» UAQ táýelsiz dırektory qyzmetin atqardy. 2019-2023 jyldary QR Prezıdenti janyndaǵy Adam quqyqtary jónindegi komıssııanyń múshesi, 2020-2023 jyldary L.N.Gýmılev atyndaǵy Eýrazııa ulttyq ýnıversıtetiniń prorektory boldy.
Qazirgi qyzmetin 2023 jyldyń qańtar aıynan beri atqaryp keledi.
«Qurmet» ordenimen (2006); «Qazaqstan Respýblıkasynyń Táýelsizdigine 10 jyl», «Qazaqstan Konstıtýtsııasyna 10 jyl» (2005), «10 jyl Astana» (2007), «Qazaqstan Konstıtýtsııasyna 20 jyl» (2015), «Qazaqstan halqy Assambleıasyna 20 jyl» (2015); mereıtoı medaldarymen; «Astana» estelik medalimen (2006); «Qazaqstan Respýblıkasy bilim berý isiniń qurmetti qyzmetkeri», «Qazaqstan Respýblıkasynyń ǵylymyn damytýǵa sińirgen eńbegi úshin», «Y.Altynsarın», t.b. tósbelgilermen marapattalǵan. «Qazaqstannyń eńbek sińirgen qaıratkeri» ataǵyna ıe (2011).
62 jyl buryn (1962) «A.Syzǵanov» atyndaǵy ulttyq ǵylymı hırýrgııa ortalyǵy» AQ basqarma tóraǵasy Bolatbek Bımendiuly BAIMAHANOV dúnıege keldi.
Qyzylorda qalasynda týǵan. 1986 jyly Almaty medıtsına ınstıtýtynyń emdeý fakýltetin hırýrg mamandyǵy boıynsha, 2006 jyly T.Rysqulov atyndaǵy Qazaq ekonomıkalyq ýnıversıtetiniń ekonomıka fakýltetin ( ekonomıka bakalavry mamandyǵy boıynsha támamdaǵan. Medıtsına ǵylymdarynyń doktory (2001). Professor (2006 jyldan).
Eńbek joly: 1986-1990 jyldary Qyzylorda oblystyq aýrýhanasynyń dáriger-hırýrgi, 1990-2000 jyldary A.Syzǵanov atyndaǵy Klınıkalyq jáne synaqtyq ǵylymı-zertteý ınstıtýtynyń ǵylymı qyzmetkeri, 2000-2003 jyldary Ońtústik Qazaqstan oblystyq densaýlyq saqtaý basqarmasynyń bastyǵy, 2003-2007 jyldary «A.N. Syzǵanov atyndaǵy hırýrgııa ǵylymı ortalyǵy» RMKK dırektory, 2007-2008 jyldary bólim meńgerýshisi (Almaty q.). 2008-2011 jyldary Qyzylorda oblysy Densaýlyq saqtaý basqarmasynyń bastyǵy bolyp qyzmet atqarǵan. 2011-2012 jyldary «Respýblıkalyq jedel medıtsınalyq járdem ǵylymı ortalyǵy» AQ-nyń Basqarma tóraǵasy, 2012-2016 jyldary Almaty qalasyndaǵy №7 qalalyq klınıkalyq emhananyń bas dárigeri laýazymyn atqarǵan.
2016 jyldyń aqpan aıynan bastap qazirgi qyzmetinde.
«Qurmet» ordenimen (2006), «Qazaqstan Respýblıkasynyń Táýelsizdigine 10 jyl» (2001), «Astananyń 10 jyldyǵy» medaldarymen, «Densaýlyq saqtaý isiniń úzdigi» belgisimen marapattalǵan.
40 jyl buryn (1984) Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrligi Memlekettik kórsetiletin qyzmet komıteti tóraǵasynyń orynbasary Nádir Shamuratuly QURYMBAEV dúnıege keldi.
Bókeı ordasy aýdanynyń Saıqyn aýylynda dúnıege kelgen. M. Ótemisov atyndaǵy Batys Qazaqstan memlekettik ýnıversıtetin «Tarıh jáne geografııa», «Quqyqtaný» mamandyqtary, Batys Qazaqstan ınjenerlik-gýmanıtarlyq ýnıversıtetin «Standarttaý, metrologııa jáne sertıfıkattaý» mamandyǵy boıynsha bitirgen. 2012 jyly Halyqaralyq bıznes akademııasynda Іskerlik ákimshiliktendirý magıstri dárejesin alǵan.
Eńbek jolyn 2005 jyly M.Ótemisov atyndaǵy BQMÝ-da kredıttik tehnologııa zerthanasynyń sarapshysy bolyp bastaǵan, onda 2007 jylǵa deıin túrli pozıtsııalarda jumys istedi. 2007-2008 jyldary «Ulttyq saraptama jáne sertıfıkattaý ortalyǵy» AQ-da eńbek etti. 2008-2009 jyldary «New Consulting» JShS dırektorynyń orynbasary boldy. 2009-2020 jyldary «Ulttyq standart» sertıfıkattaý ortalyǵy JShS basqardy. 2020-2021 jyldary «AQJAIYQ» ÁKK AQ basqarma tóraǵasy, 2021-2024 jyldary «Azamattarǵa arnalǵan úkimet» memlekettik korporatsııasynyń Batys Qazaqstan oblysy boıynsha fılıalynyń basshysy laýazymyn atqardy.
Qazirgi qyzmetin 2024 jyldyń shildesinen beri atqaryp keledi.
40 jyl buryn (1984) «ASTANA TV» telearnasynyń bas dırektory Azızhan Baqytuly ÁBІLDINOV dúnıege kelgen.
Qaraǵandy oblysynda týǵan. E.Bóketov atyndaǵy Qaraǵandy memlekettik ýnıversıtetinde bakalavrıat jáne magıstratýrany saıasattaný mamandyǵy boıynsha, «Qaztutynýodaǵy» Qaraǵandy ekonomıkalyq ýnıversıtetin ekonomıka mamandyǵy boıynsha bitirgen.
Eńbek joly: 2017-2018 jyldary QR Prezıdenti Ákimshiliginde qyzmet etken; «NUR Media» holdınginde aqparattyq jáne jarnama saıasaty departamentiniń dırektory, 2018-2019 jyldary «NUR Media» holdınginiń aqparattyq jumystar departamentiniń dırektory, 2019-2021 jyldary «NUR Media» holdıngi bas dırektorynyń orynbasary bolǵan.
Qazirgi laýazymyna 2021 jyldyń qyrkúıek aıynda taǵaıyndaldy.
«Eren eńbegi úshin» tósbelgisimen (2014), Memleket basshysynyń, Parlament Senaty men Májilisiniń jáne «Nur Otan» partııasynyń tóraǵalarynyń alǵys hat jáne qurmet gramotalarymen marapattalǵan. «Nur Otan» partııasynyń múshesi (2003 jyldan beri).
38 jyl buryn (1986) sportshy, Qazaqstannyń eńbek sińirgen sport sheberi, erkin kúresten Qazaqstannyń 4 dúrkin chempıony, Olımpıada júldegeri, birneshe dúrkin halyqaralyq jarystar jeńimpazy Aqjúrek Dostyquly TAŃATAROV dúnıege keldi.
Taraz qalasynda týǵan. 2012 jyly Londondaǵy Jazǵy Olımpıada oıyndarynda 66 kg salmaq dárejesinde Qazaqstannyń namysyn qorǵap, qola júldeger atandy.
95 jyl buryn (1929-2020) fılologııa ǵylymdarynyń doktory, professor, ádebı synshy, QR Memlekettik syılyǵynyń laýreaty Sherıazdan Rústemuly ELEÝKENOV dúnıege kelgen.
Shyǵys Qazaqstan oblysynda týǵan. Qazaq memlekettik ýnıversıtetin bitirgen. Jýrnalıstik jáne ǵylymı-pedagogıkalyq qyzmetpen aınalysty.
Eńbek joly: 1971-1986 jyldary Memlekettik baspa, polıgrafııa, jáne kitap saýdasy komıtetiniń tóraǵasy, 1986-1988 jyldary Ádebıet jáne óner ınstıtýtynyń dırektory, 1988-1996 jyldary osy ınstıtýttyń orys ádebıeti bóliminiń meńgerýshisi, aǵa ǵylymı qyzmetker, oǵan qosa ál-Farabı atyndaǵy QazUÝ professory qyzmetin atqarǵan. «Qazaq romany jáne qazirgi dáýir», «Zamandas parasaty», «Folklordan roman-epopeıaǵa deıin», «Maǵjan» sııaqty ǵylym eńbekterdiń, «Kitaptaný negizderi», «Gazet janrlary», «Qazaq kitabynyń tarıhy» jáne basqa da oqýlyqtardyń avtory.
«Qurmet belgisi» ordenimen, kóptegen medalmen marapattalǵan.
85 jyl buryn (1939-1991) qazaq qypshaqtanýshysy, ǵalym-arheolog Serjan AQYNJANOV dúnıege kelgen.
Almaty qalasynda týǵan. Máskeý memlekettik ýnıversıtetin bitirgen.
Qazaq SSR Ǵylym akademııasynyń Sh.Ýálıhanov atyndaǵy Tarıh, arheologııa jáne etnografııa ınstıtýtynda qyzmet istedi. Otandyq tarıh, arheologııa, ejelgi jáne orta ǵasyrlardaǵy Qazaqstan mádenıetine arnalǵan elýden astam ǵylymı eńbek jazdy. «Ortaǵasyrlyq Qazaqstan tarıhyndaǵy qypshaqtar» atty qypshaqtardyń qoǵamdyq qurylysy, memlekettik qurylymdary men mal sharýashylyq túrleri jónindegi kólemdi eńbegi jaryqqa shyqty. Ońtústik Qazaqstan keshendi arheologııa ekspedıtsııasyna, Shúlbi, Ońtústik Qazaqstan arheologııalyq ekspedıtsııalaryna, sondaı-aq Qazaqstan arheologııasy tarıhynda tuńǵysh qurylǵan qazaq-amerıkan halyqaralyq arheologııalyq-etnografııalyq ekspedıtsııasyna jetekshilik etti. Sh.Ýálıhanov atyndaǵy Tarıh, arheologııa jáne etnografııa ınstıtýtynyń arheologııalyq tehnologııa zerthanasyn basqarǵan.
76 jyl buryn (1948-2014) Fızıka-matematıka ǵylymdarynyń doktory, QR Memlekettik syılyǵynyń laýreaty Narǵozy Tursynbaıuly DANAEV dúnıege kelgen.
Jambyl oblysy Talas aýdany Maıtóbe aýylynda týǵan. 1972 jyly QazMÝ-dy (qazirgi QazUÝ) támamdaǵan.
Eńbek joly: 1972-1974 jyldary KSRO Ǵylym akademııasynyń Sibir bólimshesi esepteý ortalyǵynda stajer-zertteýshi, 1974-1977 jyldary sonda aspırant, 1977-1982 jyldary aǵa ınjener qyzmetinde boldy. 1985-1992 jyldary QazMÝ-dyń aǵa oqytýshysy, dotsenti, 1995-1997 jyldary (jáne 2000 jyldan) QazMÝ janyndaǵy Matematıka jáne mehanıka ınstıtýtynyń dırektory, 1997-2000 jyldary QazMÝ-da dekan qyzmetin atqarǵan. boldy. Negizgi ǵylymı-zertteý jumystary esepteý matematıkasyna, sondaı-aq suıyqtyq, gaz jáne plazma mehanıkasyna arnalǵan.
QR Memlekettik syılyǵynyń laýreaty (1994).
