3 qazan. Tulǵalar týǵan kún
Búgin, 3 qazan tulǵalardan kimder dúnıege kelgen? QazAqparat oqyrmandaryna esimder kúntizbesin usynady.
65 jyl buryn (1958) QR qoǵam jáne saıasat qaıratkeri Zaǵıpa ıAhııaqyzy BALIEVA dúnıege keldi.
Almaty oblysy Kegen aýdanynyń Jalańash aýylynda týǵan. S.M. Kırov atyndaǵy Qazaq memlekettik ýnıversıtetin, T. Rysqulov atyndaǵy Qazaq ekonomıkalyq ýnıversıtetin bitirgen, ekonomıst-halyqaralyq maman.
Eńbek joly: 1975-1976 jyldary SKTÝ-de zerthanashy bolyp jumys istegen. 1981-1982 jyldary Jambyl oblystyq qurylys bankinde zańger-keńesshi, 1982-1986 jyldary Jambyl qalalyq atqarý komıtetinde zańger, 1986-1992 jyldary Almaty qalalyq atqarý komıtetiniń turǵyn úıdi esepke alý jáne bólý basqarmasynyń ınspektory, bólim meńgerýshisi bolyp qyzmet atqardy. 1992-1994 jyldary Almaty qalasy ákimshiligi basshysy apparatynyń zań bóliminiń meńgerýshisi, 1994-1995 jyldary XIII saılanǵan Qazaqstan Respýblıkasy Joǵarǵy Keńesiniń depýtaty, Qazaqstan Respýblıkasy Joǵarǵy Keńesiniń Ekonomıkalyq reforma jónindegi komıteti tóraǵasynyń orynbasary, 1995-1996 jyldary QR Ortalyq saılaý komıssııasynyń hatshysy boldy. 1996-2005 jyldary QR Ortalyq saılaý komıssııasynyń tóraıymy, 2005-2009 jyldary QR Ádilet mınıstri, 2009-2011 jyldary IV saılanǵan Qazaqstan Respýblıkasy Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi, 2012-2016 jyldary V saılanǵan Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi boldy. 2016-2021 jyldary QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi.
«Qurmet», «Parasat», «Kúmis alqa», ordenderimen, «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Konstıtýtsııasyna 10 jyl», «Qazaqstan Respýblıkasynyń Táýelsizdigine 20 jyl» merekelik medaldarymen marapattalǵan.
45 jyl buryn (1978) Aqtóbe qalasynyń ákimi Ashat Berleshuly ShAHAROV dúnıege keldi.
Orynbor oblysynda (RKFSR) dúnıege kelgen. 1999 jyly Qazaq memlekettik Sport jáne týrızm akademııasyn bitirgen, dene shynyqtyrý pániniń oqytýshysy - sport jattyqtyrýshysy. 2002 jyly T. Rysqulov atyndaǵy Qazaq ekonomıkalyq ýnıversıtetin halyqaralyq ekonomıst mamandyǵy boıynsha támamdaǵan. 2013 jyly RF Prezıdenti janyndaǵy Reseı halyq sharýashylyǵy jáne memlekettik qyzmet akademııasynyń aspırantýrasyn bitirdi.
Eńbek joly: 2000-2004 jyldary Aqtóbe Memlekettik Ýnıversıteti sport pánderi kafedrasynyń oqytýshysy, Q. Jubanov atyndaǵy Aqtóbe memlekettik pedagogıkalyq ınstıtýtynyń oqytýshysy, 2004-2007 jyldary Aqtóbe oblysynyń olımpıadalyq rezervti daıarlaý ortalyǵynyń dırektory, 2013-2017 jyldary Batys Qazaqstan oblysy Qaratóbe aýdanynyń ákimi, 2017-2020 jyldary Batys Qazaqstan oblysy Zelenov aýdanynyń ákimi qyzmetin atqardy.
2020 jyldyń naýryz aıynan bastap qazirgi qyzmetinde.
43 jyl buryn (1980) QR Joǵary Sot Keńesiniń hatshysy - Joǵary Sot Keńesi apparatynyń basshysy Ánýar Jolamanuly SABYROV dúnıege keldi.
2002 jyly Ekaterınbýrg qalasyndaǵy Oral memlekettik zań akademııasyn zańger mamandyǵy boıynsha bitirdi.
Eńbek jolyn 2002 jyly QR Zań shyǵarý ınstıtýtynda bastady. 2003 jyly Ádilet mınıstrligi Nashaqorlyqqa jáne esirtki bıznesine qarsy kúres komıtetiniń jetekshi mamany, 2004 jyly Ádilet mınıstrligi Zańǵa táýeldi aktiler departamentiniń jetekshi mamany boldy. 2004-2009 jyldary Joǵary Sot apparatynda aǵa sarapshy, bas sarapshy, bas keńesshi, sektor meńgerýshisi qyzmetin atqardy. 2009 jyly QR Prezıdenti Ákimshiligi Memlekettik quqyq bóliminiń ınspektory, 2011 jyly sektor meńgerýshisi bolyp taǵaıyndaldy.
2014 jyly «Eren eńbegi úshin» medalimen marapattalǵan.
2015 jyldan beri qazirgi qyzmetinde.
43 jyl buryn (1980) Túrkistan qalasynyń prokýrory Jannur Asqarbekuly AHMETBEK dúnıege keldi.
Qostanaı oblysynda týǵan. L.N. Gýmelev atyndaǵy Eýrazııa ulttyq ýnıversıtetin halyqaralyq quqyq mamandyǵy boıynsha bitirgen.
Eńbek joly: 2005 jyly Astana qalasy Almaty aýdany prokýratýrasynyń bas mamany, 2012-2015 jyldary Astana qalasy Almaty aýdany prokýratýrasynda prokýrordyń kómekshisi, bas prokýratýranyń áleýmettik-ekonomıkalyq saladaǵy zańdylyqty qadaǵalaý basqarmasynyń aǵa prokýrory qyzmetin atqardy. 2015-2017 jyldary Batys Qazaqstan oblysy prokýratýrasynyń áleýmettik-ekonomıkalyq saladaǵy zańdylyqty qadaǵalaý basqarmasynyń bastyǵy, 2017-2019 jyldary Ońtústik Qazaqstan oblysy Túlkibas aýdanynyń prokýrory boldy.
2019 jyldyń qyrkúıek aıynan beri qazirgi qyzmetinde.
35 jyl buryn (1988) Túrkistan oblysy ákiminiń orynbasary Ermek KENJEHANULY dúnıege keldi.
Ońtústik Qazaqstan oblysynda (qazirgi Túrkistan) dúnıege keldi. «Bolashaq» halyqaralyq stıpendııasy baǵdarlamasy aıasynda Ulybrıtanııanyń Redıng ýnıversıtetin «aýyl sharýashylyǵy salasyndaǵy ekonomıst» mamandyǵy boıynsha, Koreıanyń Adjý ýnıversıtetin «ekonomıka jáne bıznes magıstri» mamandyǵy boıynsha támamdaǵan.
Eńbek jolyn «QazAgro» ulttyq basqarýshy holdıngi» AQ nesıelik ónimderdi ázirleý departamentiniń menedjeri bolyp bastaǵan. Ár túrli jyldary Qaraǵandy oblysy Aqtoǵaı aýdany ákiminiń apparat basshysy, QR Aýyl sharýashylyǵy mınıstrliginiń ınvestıtsııalyq jobalar jáne qarjylyq quraldar departamentiniń ınvestıtsııa basqarmasynyń basshysy, QR Aýyl sharýashylyǵy mınıstrliginiń halyqaralyq yntymaqtastyq jáne ekonomıkalyq ıntegratsııa departamentiniń halyqaralyq yntymaqtastyq basqarmasyn, Aqtóbe oblysy syrtqy baılanystar jáne týrızm basqarmasyn, Aqtóbe oblysy aqparattandyrý jáne syrtqy baılanystar basqarmasyn basqardy. 2019-2021 jyldary Aqtóbe oblysyndaǵy Martyq aýdanynyń ákimi qyzmetin atqardy.
2021 jyldyń naýryz aıynan bastap qazirgi qyzmetinde.
123 jyl buryn (1900-1940) qazaqtyń halyq aqyny, ánshi, ártis, dombyrashy, kompozıtor Isa BAIZAQOV dúnıege keldi.
Pavlodar oblysynyń Ertis aýdanynda týǵan. Orynbor qalasyndaǵy Qazaq halyq aǵartý ınstıtýtyn, Abaı atyndaǵy Qazaq pedagogıkalyq ınstıtýtyn (qazirgi Abaı atyndaǵy Qazaq ulttyq pedagogıkalyq ýnıversıteti) bitirgen.
Jastaıynan sýyryp salma aqyndyq, ánshilik, dombyrashylyq ónerimen kózge túsedi. 1919-1920 jyldary el ishinde Baǵıt, Qudaıbergen degen aqyndarmen aıtysyp, jeńedi. Alǵashqy óleńderi 1924 jyly jarııalandy. 1926 jyly Qyzylordada qazaqtyń tuńǵysh teatry ashylǵanda, M. Áýezovtiń «Eńlik-Kebegi» men «Báıbishe-toqalynda» basty rólderde oınady. 40-tan astam halyq ánderiniń sózin jańa zamanǵa, ómir saltyna sáıkes qaıta jazdy. Repertýaryndaǵy halyq ánderiniń kópshiligi «Qyz Jibek», «Aıman-Sholpan», «Er Tarǵyn» operalaryna endi. 1931-1940 jyldary Almaty, Qaraǵandy, Semeı qalalarynda radıoda, Jazýshylar odaǵynda qyzmet etti.
Ońtústik Qazaqstan oblysynda turyp aýyl-aýyldy aralap jalyndy óleńimen, asqaq ónerimen úgitshilik qyzmet atqardy. Onyń ataqty «Jeldirmesi» (bes jeldirme) halyq arasyna keńinen tarady. Shyǵarmalary birneshe ret jeke kitap bolyp basylyp, orys tilinde de jaryq kórdi.
Jazýshy N. Anov «Án qanaty» romanynda, osy attas kınofılmde ánshi-aqynnyń kórkem beınesin jasady. Eńbek Qyzyl Tý ordenimen jáne medaldarmen marapattalǵan. 1980 jyly respýblıkalyq deńgeıde alǵashqy ret qazaqtyń halyq aqyny Isa Baızaqovtyń týǵan kúni atalyp ótti.
I. Baızaqovtyń 80 jyldyq mereıtoıynda «Belovodskıı» ujymsharynyń ataýy Isa Baızaqov atyndaǵy aýyl bolyp ózgertildi. Ertis aýdanyndaǵy Mádenıet úıiniń aldynda Isa Baızaqovtyń bıýst eskertkishi ornatyldy. Onyń esimi aýdan ortalyǵynyń kóshelerine berildi. Isa Baızaqovtyń 100 jyldyq mereıtoıy saltanatty jaǵdaıda Astana, Pavlodar qalalarynda jáne Ertis aýdany men onyń týǵan jerinde atap ótildi. 2010 jyldyń tamyz aıynda Pavlodar oblysynda Isa Baızaqovtyń 110 jyldyq mereıtoıyna arnalǵan saltanatty sharalar ótti.
82 jyl buryn (1941-2012) jazýshy, aýdarmashy Baqytjan MOMYShULY dúnıege keldi.
Almaty qalasynda týǵan. Almaty shet tilder pedagogıkalyq ınstıtýtyn bitirgen.
Eńbek jolyn Jambyl oblysynyń Jýaly aýdandyq gazetinde tilshi bolyp bastap, Jambyl oblystyq gazetinde, «Lenınskaıa smena» gazetinde eńbek etti. Shyǵarmashylyq jolyn aýdarmashylyqtan bastap, Sh. Murtazanyń «Tabylǵan teńiz», «Bultsyz kúngi naızaǵaı» povesterin, J. Moldaǵalıevtiń, D. Dosjanovtyń, O.Bókeevtiń, Q. Naımanbaevtyń, B. Bodaýbaevtyń, B. Toǵysbaevtyń, M. Aıymbetovtyń, K. Toqaevtyń, t.b. jazýshylardyń týyndylaryn aýdarǵan. Óziniń «Janymnyń jaryq juldyzy», «Qasymda sen barda», «Ákege qurmet», t.b. kitaptary jaryq kórgen.
