3 aqpan. Tulǵalar týǵan kún
Búgin, 3 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
71 jyl buryn (1954) estrada ánshisi, Qazaqstannyń halyq ártisi Naǵıma Qabylqyzy ESQALIEVA dúnıege keldi.
Almaty oblysynyń Jambyl aýdanynda týǵan. Respýblıkalyq estrada-tsırk óneri stýdııasyn, Almaty mýzykalyq ýchılışesin bitirgen.
1977-1985 jyldary «Qazaqkontsert» janyndaǵy mýzykalyq ansamblder birlestiginiń, «Gúlder» ansambliniń ánshisi bolǵan. 1985 jyldan Almaty oblystyq fılarmonııasy estradalyq trýppasynyń jetekshisi qyzmetin atqarǵan. Qazirgi ýaqytta T.Júrgenov atyndaǵy Óner akademııasynda oqytýshy. Halyqaralyq estrada ánshileriniń «Altyn Orfeı» baıqaýynyń, Qazaqstan Komsomol syılyǵynyń laýreaty atanǵan.
58 jyl buryn (1967) Qazaqstan Respýblıkasy Aýyl sharýashylyǵy mınıstrliginiń apparat basshysy Marat Áblahatuly ORAZAEV dúnıege keldi.
Semeı oblysynda týǵan. 1991 jyly Almaty halyq sharýashylyǵy ınstıtýtyn bitirgen, ınjener-ekonomıst.
Eńbek joly: 1991 jyldan — Qazaq ekonomıka jáne agroónerkásip keshenin uıymdastyrý ǵylymı-zertteý ınstıtýtynyń ekonomısi. 1993 jyldan — QR Qarjy mınıstrligi Ortalyq apparaty Agroónerkásiptik keshenderdi qarjylandyrý jáne tabıǵatty qorǵaý basqarmasynyń jetekshi ekonomısi, bas ekonomısi, bólim bastyǵy, bastyqtyń orynbasary, bastyǵy. 1997 jyldan — QR Qarjy mınıstrligi Bıýdjet departamenti Bıýdjettiń oryndalýy men eseptiligin qalyptastyrý men taldaý basqarmasy bastyǵynyń orynbasary, Bıýdjet saıasaty basqarmasynyń bastyǵy. 1999 jyldan — QR Aýyl sharýashylyǵy mınıstrligi Qarjy departamenti dırektorynyń orynbasary. 2002 jyldan — QR Aýyl sharýashylyǵy mınıstrligi Qarjylyq qamtamasyz etý departamentiniń dırektory. 2008 jyldan QR Aýyl sharýashylyǵy vıtse-mınıstri. 2011-2012 jyldary Qazaqstan Respýblıkasy Prezıdentiniń is basqarýshynyń orynbasary, 2012-2019 jyldar aralyǵynda «Astana EKSPO-2017» Ulttyq kompanııasynyń ekonomıka jáne bıýdjetti josparlaý departamentiniń dırektory, 2019-2021 jyldary Qazaqstan Respýblıkasy Aýyl sharýashylyǵy mınıstrliginiń jaýapty hatshysy.
2021 jyldyń qańtar aıynan bastap qazirgi qyzmetinde.
«Qazaqstan Respýblıkasy Konstıtýtsııasyna 10 jyl» medalimen; Qazaqstan Respýblıkasynyń Qurmet gramotasymen (2005) marapattalǵan.
47 jyl buryn (1978) Qazaqstan Respýblıkasy Parlamenti Májilisiniń VIII shaqyrylym depýtaty, Agrarlyq máseleler komıtetiniń múshesi Qazybek Qurmanǵalıuly ÁLІShEV dúnıege keldi.
Aqtóbe oblysy Muǵaljar aýdany Taldysaı aýylynda týǵan. 1995-1999 jyldary «Nur» Aqtóbe memlekettik emes menedjment, bıznes jáne quqyq ınstıtýtynda, 1996-1999 jyldary Máskeý memlekettik ekonomıka, statıstıka jáne ınformatıka ýnıversıtetinde bilim alǵan.
Eńbek jolyn 1998 jyly sot oryndaýshysy bolyp bastaǵan. 2000-2003 jyldary Aqtóbe oblysy Qobda jáne Muǵaljar aýdandary prokýrorynyń kómekshisi, 2003-2005 jyldary Aqtóbe oblysy Temir aýdany prokýrorynyń orynbasary, 2006-2008 jyldary «Bulan» JShS Bas dırektorynyń keńesshisi, 2008-2010 jyldary «IGS-Sıchım» JShS BK Korporatıvtik bıznesti damytý jónindegi dırektory, 2010 jyly Atyraý oblysy ákimi apparatynyń memlekettik-quqyqtyq bóliminiń bas mamanynyń mindetin atqarýshy bolyp qyzmet atqarǵan. 2010-2011 jyldary Atyraý oblysy ákimi apparatynyń qujattamanyń oryndalýyn baqylaý bóliminiń meńgerýshisi, 2011-2012 jyldary Atyraý oblysy úılestirý jáne áleýmettik baǵdarlamalar basqarmasynyń sheteldik jumys kúshin tartý bóliminiń basshysy, 2013-2018 jyldary «ACRB LTD» JShS kommertsııalyq dırektory, 2018-2023 jyldary «Arman-M» ShQ basshysy boldy.
Qazirgi qyzmetin 2023 jylǵy naýryzdan beri atqaryp keledi.
III dárejeli «Eńbek Dańqy» tósbelgisimen, «Qazaqstan Respýblıkasynyń Táýelsizdigine 30 jyl» mereıtoılyq medalimen, III dárejeli «Adal eńbegi úshin» medalimen, «Oblysqa sińirgen eńbegi úshin» tósbelgisimen, «Qazaqstan polıtsııasyna 30 jyl» estelik tósbelgisimen, QR Prezıdentiniń Alǵys hattarymen marapattalǵan.
43 jyl buryn (1982) Qazaqstan Respýblıkasy Parlamenti Májilisiniń VIII shaqyrylym depýtaty, Halyqaralyq ister, qorǵanys jáne qaýipsizdik komıtetiniń múshesi ıÝlııa Vladımırovna KÝChINSKAıA dúnıege keldi.
Tselınograd qalasynda dúnıege kelgen. L. N. Gýmılev atyndaǵy Eýrazııa ulttyq ýnıversıtetin, Halyqaralyq qatynastar ınstıtýtyn, Qazaq gýmanıtarlyq-zań ýnıversıtetin bitirgen.
Eńbek jolyn 2002 jyly «TsESSI-Qazaqstan «Salystyrmaly áleýmettik zertteýler ınstıtýty» JAQ jobalar menedjeri bolyp bastady. 2004-2009 jyldary «TsESSI-Qazaqstan «Salystyrmaly áleýmettik zertteýler ınstıtýty» JShS áleýmettik zertteýler bóliminiń basshysy. 2009-2010 jyldary «Qazaqstan áleýmettanýshylary qaýymdastyǵy» QB dırektorynyń orynbasary, 2011-2016 jyldary L. N. Gýmılev atyndaǵy Eýrazııa ulttyq ýnıversıteti Áleýmettaný kafedrasynyń dotsenti m. a. boldy. 2016 jyly «Jastar» ǵylymı-zertteý ortalyǵy» JShS dırektory, 2016-2018 jyldary «Nur Otan partııasynyń Saıası taldaý jáne strategııalyq zertteýler ortalyǵy» JM dırektory, 2018 jyly «Nur Otan» partııasynyń Taldaý, boljaý jáne strategııalyq bastamalar ınstıtýty» JM dırektory, 2018 jyly «Nur Otan» partııasynyń strategııalyq bastamalar ınstıtýty» JM dırektorynyń birinshi orynbasary — Strategııalyq bastamalar ortalyǵynyń basshysy, 2018-2019 jyldary «Nur Otan» partııasynyń qoǵamdyq saıasat ınstıtýty» JM dırektorynyń orynbasary, 2019 jyly «Nur Otan» partııasy Ortalyq apparatynyń josparlaý jáne monıtorıng departamentiniń dırektory, 2019-2021 jyldary «Nur Otan» partııasynyń qoǵamdyq saıasat ınstıtýty» JM dırektory qyzmetin atqarǵan. Qazaqstan Respýblıkasy Parlamenti Májilisiniń VII shaqyrylym depýtaty, Halyqaralyq ister, qorǵanys jáne qaýipsizdik komıtetiniń múshesi boldy.
Qazirgi laýazymyn 2023 jyldyń naýryz aıynan beri atqaryp keledi.
QR BǴM «Qazaqstan Respýblıkasynda ǵylymdy damytýǵa sińirgen eńbegi úshin tósbelgisimen (2014), «Eren eńbegi úshin» medalimen (2017) marapattalǵan.