292 kúdikti qamaýda otyr - qańtar oqıǵasy

NUR-SULTAN. QazAqparat – Qańtar oqıǵasyna qatysty 292 kúdikti qamaýda otyr. Bul týraly QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

«Qazirgi ýaqytta 292 kúdikti adam qamaýda otyr. Olardyń qıratýlarǵa, ǵımarattardy órteýde, qarýlardy jymqyrýda, memlekettik obektilerge jáne quqyq qorǵaý organdary qyzmetkerlerine qarýly shabýyl jasaýda jáne basqa da qylmystarǵa belsendi túrde qatysqandyǵy týraly tergeýde jetkilikti málimetter bar. Olardyń barlyǵyna qorǵalý quqyǵy, sanıtarlyq normalar, tamaqtaný, dári-dármekter jáne ustaýdyń tıisti jaǵdaılary qamtamasyz etilýde», - dedi ol Ortalyq kommýnıkatsııalar qyzmetindegi brıfıng barysynda.