29 tamyz. Tulǵalar týǵan kún

ASTANA. QazAqparat – Búgin, 29 tamyz tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

54 jyl buryn (1969) Aqmola oblysynyń ákimi Ermek Boranbaıuly MARJYQPAEV dúnıege keldi.

Tselınograd qalasynda týǵan. 1994 jyly S. Seıfýllın atyndaǵy Tselınograd pedagogıkalyq ınstıtýtyn, 2001 jyly «Turan» ýnıversıtetin, 2009 jyly Kókshetaý ýnıversıtetin támámdaǵan.

Eńbek jolyn orta mektepte ustazdyqtan bastady. 1992-1994 jyldar aralyǵynda «Shonaı» shaǵyn kásipornynyń dırektory, keıin «Býrabaı» JShS dırektory qyzmetin atqardy. 2008-2013 jyldar aralyǵynda – Arshaly, Zerendi aýdandarynyń ákimi. 2013 jyldyń qyrkúıek aıynda Aqmola oblysy ákiminiń orynbasary bolyp taǵaıyndaldy. 2014 jyldyń maýsym aıynan bastap – QR Prezıdenti Ákimshiliginiń memlekettik ınspektory. 2015-2019 jyldary – Kókshetaý qalasynyń ákimi.

2019 jyldyń naýryz aıynan bastap qazirgi qyzmetinde.

53 jyl buryn (1970) Shyǵys Qazaqstan oblysy ákiminiń orynbasary Baqytjan Kákenqajyuly BAIAHMETOV dúnıege keldi.

Semeı oblysy, Aıagóz qalasynda týǵan. 1992 jyly Qazaqtyń Eńbek Qyzyl Tý ordeni aýylsharýashylyq ınstıtýtyn (ınjener-elektrık), 2008 jyly Almaty Ortalyq Azııa ýnıversıtetin ekonomıst mamandyǵy boıynsha bitirgen.

Eńbek joly: 1992-1999 jyldary «Altaıenergo» mekemesiniń, Aıagóz elektr torabynyń ınjeneri, 1999-2000 jyldary Jergilikti avtomatıkalyq relelik qorǵaý qyzmetiniń bastyǵy, 2000 jyly «VK REK» jabyq aktsıonerlik qoǵamynyń tehnıkalyq qamsyzdandyrý jáne relelik avtomatıkalyq qorǵaý bóliminiń basshysy, 2000-2001 jyldary «VK REK» jabyq aktsıonerlik qoǵamnyń bas dıspetcheri, 2001-2002 jyldary Aýdandyq elektr torabynyń bólim basshysy, 2002-2004 jyldary Aýdandyq elektr torabynyń bastyǵy, 2004 jyly «VKREK» jabyq aktsıonerlik qoǵamynyń Aıagóz aımaǵynyń múdiri, Aýdandyq elektr torabynyń bastyǵy, 2004-2005 jyldary Borodýlıha aýdanynyń elektr torabynyń bastyǵy, 2005-2008 jyldary Aıagóz aýdany ákiminiń orynbasary, 2008-2009 jyldary «Dana-Aıagóz» jaýapkershiligi shekteýli seriktestiginiń atqarýshy dırektory, 2009 jylǵy aqpan aıynan bastap Qazaqstan Respýblıkasynyń Mádenıet jáne aqparat mınıstrliginiń memlekettik satyp alý jáne quqyqtyq jumysty uıymdastyrý basqarmasynyń bastyǵy, 2009 jyldyń sáýirinen Qazaqstan Respýblıkasynyń mádenıet jáne aqparat mınıstrliginiń aqparat jáne muraǵat komıtetiniń esep basqarmasynyń bas eksperti, 2009 jylǵy maýsymnan Qorshaǵan ortany qorǵaý mınıstrliginiń bıýdjettik josparlaý jáne memlekettik satyp alý basqarmasynyń bas eksperti, 2009 jylǵy qazanynan bastap Óskemen qalasynyń qurylys bóliminiń bastyǵy qyzmetterin atqarǵan. 2010 jyldyń qarashasynan – Aıagóz qalasynyń ákimi. 2014 jyldyń shildesinen Ulan aýdanynyń ákimi qyzmetine taǵaıyndaldy. 2014 jyldyń jeltoqsan aıynan 2019 jylǵy sáýirge deıin – Aıagóz aýdanynyń ákimi. 2019-2021 jyldary – Shyǵys Qazaqstan oblysy ákiminiń orynbasary. 2021-2022 jyldary – Semeı qalasynyń ákimi. 02.2023-07.2023 – Shyǵys Qazaqstan oblysy ákiminiń apparat basshysy.

2023 jyldyń shildesinen qazirgi qyzmetin atqaryp keledi.

49 jyl buryn (1974) QR Bas prokýratýrasy janyndaǵy Quqyq qorǵaý organdary akademııasynyń Qylmystyq qýdalaý jáne jedel-izdestirý qyzmeti kafedrasynyń meńgerýshisi Baǵlan Álkenuly MAKSIMGEREEV dúnıege keldi.

Qaraǵandy qalasynda týǵan. E.A. Bóketov atyndaǵy Qaraǵandy memlekettik ýnıversıtetin támamdaǵan (1997).

Eńbek joly: Astana qalasy Almaty aýdany prokýratýrasynyń sot qaýlylarynyń zańdylyǵyn qadaǵalaý bóliminiń prokýrory (10.2000-02.2001); Astana qalasy prokýratýrasynyń Іshki ister organdary men UQK qyzmetiniń zańdylyǵyn qadaǵalaý basqarmasynyń prokýrory (02.2001-07.2002); Astana qalasy prokýratýrasynyń Іshki ister organdarynda aldyn ala tergeý men anyqtaýdyń zańdylyǵyn qadaǵalaý bóliminiń prokýrory (07.2002-10.2004); Bas prokýratýranyń tergeý jáne anyqtaý zańdylyǵyn qadaǵalaý departamenti ІІM, ÁM QAJK, QR TJM organdarynda jáne kólikte tergeý jáne anyqtaý zańdylyǵyn qadaǵalaý basqarmasynyń aǵa prokýrory qyzmetindegi prokýror (10.2004-04.2005); Qazaqstan Respýblıkasy Bas prokýratýrasynyń tergeý jáne anyqtaý zańdylyǵyn qadaǵalaý departamenti ІІM, ÁM QAJK, QR TJM organdarynda jáne kólikte tergeý jáne anyqtaý zańdylyǵyn qadaǵalaý basqarmasynyń aǵa prokýrory (04.2005-06.2009); Qazaqstan Respýblıkasy Bas prokýratýrasynyń tergeý jáne anyqtaý zańdylyǵyn qadaǵalaý departamenti QR ІІM, QR ÁM QAJK, QR TJM organdarynda jáne kólikte tergeý jáne anyqtaý zańdylyǵyn qadaǵalaý basqarmasynyń aǵa prokýrory(06.2009-06.2010); Qazaqstan Respýblıkasy Bas prokýratýrasynyń tergeý jáne anyqtaý zańdylyǵyn qadaǵalaý departamenti Іshki ister mınıstrligi, QR Ádilet mınıstrliginiń Qylmystyq atqarý júıesi komıteti, QR Tótenshe jaǵdaılar mınıstrligi jáne kólikte tergeý organdarynda tergeý jáne anyqtaý zańdylyǵyn qadaǵalaý basqarmasynyń aǵa prokýrory (06.2010-05.2011); Qazaqstan Respýblıkasy Bas prokýratýrasynyń tergeý jáne anyqtaý zańdylyǵyn qadaǵalaý departamenti Іshki ister mınıstrligi, QR Tótenshe jaǵdaılar mınıstrligi jáne kólikte tergeý organdarynda tergeý jáne anyqtaý zańdylyǵyn qadaǵalaý basqarmasynyń aǵa prokýrory (05.2011-01.2012); Qazaqstan Respýblıkasy Bas prokýratýrasynyń tergeý jáne anyqtaý zańdylyǵyn qadaǵalaý departamenti QR Ulttyq qaýipsizdik komıteti (QR UQK) men Qazaqstan Respýblıksy Bas prokýratýrasynyń qylmystyq protsestiń zańdylyǵyn qadaǵalý bóliminiń basshysy (01.2012-10.2012); Qazaqstan Respýblıkasy Bas prokýrorynyń kómekshisi (10.2012-11.2014); QR QM Memlekettik kirister komıteti Qostanaı oblysy boıynsha Memlekettik kirister departamenti basshysynyń orynbasary (11.2014-2019).

Qazirgi qyzmetin 2019 jyldan atqaryp keledi.

46 jyl buryn (1977) Qazaqstan Respýblıkasy Premer-mınıstriniń eks-keńesshisi Marat Baqytjanuly BEKETAEV dúnıege keldi.

Qazirgi Túrkistan oblysynda týǵan. Qazaq memlekettik zań ınstıtýtyn bitirgen, zańger, London ekonomıka jáne saıası ǵylymdar mektebin bitirgen, halyqaralyq bıznes-quqyq.

2001-2002 jyldary – Almaty qalasynda Brıtandyq keńes quqyq máseleleri boıynsha konsýltanty, QR Syrtqy ister mınıstrliginiń «Dıplomatııalyq ókildiktermen jumys departamenti» RMK sektor meńgerýshisi. 2002-2003 jyldary – QR SІM «Dıplomatııalyq korpýsqa qyzmet kórsetý basqarmasy» JAQ bastyǵy. 2003-2004 jyldary – QR Memlekettik qyzmet isteri agenttiginde bólim bastyǵy, basqarma bastyǵy, tóraǵanyń keńesshisi. 2004-2006 jyldary – QR Memlekettik qyzmet isteri agenttiginiń «Eýrazııalyq memlekettik qyzmetshilerdi oqytý ortalyǵy» RMKK dırektorynyń orynbasary, dırektory. 2006-2007 jyldary – QR Premer-Mınıstri orynbasarynyń keńesshisi. 2007 jyly – QR Premer-Mınıstriniń keńesshisi. 2007-2010 jyldary – QR Ádilet vıtse-mınıstri. 2010-2015 jyldary – QR Ádilet mınıstrliginiń jaýapty hatshysy. 2015-2016 jyldary – QR Prezıdenti Ákimshiligi Basshysynyń orynbasary. Qazaqstan Respýblıkasynyń Ádilet mınıstri (2016-2022).

2022 jyldyń qańtarynan beri Qazaqstan Respýblıkasy Premer-mınıstriniń keńesshisi boldy.

«Qurmet» ordenimen marapattalǵan.

45 jyl buryn (1978) QR Joǵary Aýdıtorlyq palatasynyń múshesi Rasýl Nurlanuly RAHIMOV dúnıege keldi.

Shyǵys Qazaqstan oblysynyń Óskemen qalasynda týǵan.

D.Serikbaev atyndaǵy Shyǵys Qazaqstan memlekettik tehnıkalyq ýnıversıtetin (2000), Shyǵys Qazaqstan memlekettik ýnıversıtetin (2002), Bradenbýrg tehnıkalyq ýnıversıtetin (2004), Oksford ýnıversıtetin (2006) támamdaǵan.

Indýstrııa mınıstrliginiń júıesinde, BUUDB-nyń qorshaǵan ortany qorǵaý jáne energetıka baǵdarlamalarynyń úılestirýshisi, BUUDB-nyń Qazaqstandaǵy Ornyqty damý departamentiniń basshysy, Ulttyq ınnovatsııalyq qordyń basqarýshy dırektory qyzmetterin atqardy.

2018 jylǵy qańtardan bastap Qazaqstan Respýblıkasy Prezıdenti Ákimshiliginiń Strategııalyq josparlaý bólimi meńgerýshisiniń orynbasary, Áleýmettik-ekonomıkalyq monıtorıng bólimi meńgerýshisiniń orynbasary qyzmetterin atqardy. 2021 jyldan 2022 jylǵa deıin Respýblıkalyq bıýdjettiń atqarylýyn baqylaý jónindegi esep komıtetiniń múshesi boldy.

Qazirgi qyzmetin 2022 jyldyń jeltoqsan aıynan beri atqaryp keledi.

Sondaı-aq búgin

162 jyl buryn (1861-1933) qazaqtyń halyq kompozıtory, kúıshi, qazaq dombyra mektebiniń negizin salýshylardyń biri Seıtek ORAZALYULY dúnıege kelgen.

Batys Qazaqstan oblysynda týǵan. Bala kúninen mýzykaǵa qabiletin baıqatty. Dombyra tartýdy óz aǵasy Sultanǵalıdan úırendi, kúı oryndaýdy Dáýletkereıdiń shákirtterinen úırendi. «Arpalys», «Orǵytpa», «Shárıpa», «Bes qyz», «Jantaza», «Qarashash», «Qanatym», «Kókala at» t.b. kúıleri bar. Erkindik ıdeıalary úshin qýǵynǵa ushyrady. Orda, Irkýtsk, Qarabaıly, Astrahan, Máskeý túrmelerine qamaldy. Revolıýtsııashyl orys jumysshylarmen baılanysy bar degen aıyppen saıası senimsiz adam retinde Sibirge aıdaldy. Osy kezde «Aıdaý», «Túńildim», «Arman» kúıleri týdy. 1905 jyly elge oraldy. «Joqtaý», «Ǵazız», «Meń-zeń» «Sary dala» kúıleri osy kezde týdy. 1905 jylǵy revolıýtsııaǵa arnalǵan «Jiger», 1916 jyl oqıǵalaryna ún qosqan «16 jyl» kúıleri bar. Seıtek shyǵarmalarynyń shyńy – «Zaman-aı» kúıi, Oktıabr revolıýtsııasy ony «17 jyl», «Erkindik», «Partsezd» kúılerin shyǵarýǵa jigerlendirdi. A. Zataevıch Seıtek kúılerin «Qazaq halqynyń 1000 áni» jınaǵyna engizdi. Táken Álimqulovtyń «Seıtek saryny» povesi Seıtektiń ómiri men shyǵarmashylyǵyna arnalǵan. Seıtektiń kóptegen kúıleri Qurmanǵazy atyndaǵy memlekettik akademııalyq halyq aspaptary orkestriniń repertýarynda.