29 tamyz. Tulǵalar týǵan kún

NUR-SULTAN. QazAqparat – QazAqparat 29 tamyzǵa arnalǵan «Týǵan kún ıeleri» kúntizbesin usynady.

ESІMDER

161 jyl buryn (1861-1933) qazaqtyń halyq kompozıtory, kúıshi, qazaq dombyra mektebiniń negizin salýshylardyń biri Seıtek ORAZALYULY dúnıege kelgen.

Batys Qazaqstan oblysynda týǵan. Bala kúninen mýzykaǵa qabiletin baıqatty. Dombyra tartýdy óz aǵasy Sultanǵalıdan úırendi, kúı oryndaýdy Dáýletkereıdiń shákirtterinen úırendi. «Arpalys», «Orǵytpa», «Shárıpa», «Bes qyz», «Jantaza», «Qarashash», «Qanatym», «Kókala at» t.b. kúıleri bar. Erkindik ıdeıalary úshin qýǵynǵa ushyrady. Orda, Irkýtsk, Qarabaıly, Astrahan, Máskeý túrmelerine qamaldy. Revolıýtsııashyl orys jumysshylarmen baılanysy bar degen aıyppen saıası senimsiz adam retinde Sibirge aıdaldy. Osy kezde «Aıdaý», «Túńildim», «Arman» kúıleri týdy. 1905 jyly elge oraldy. «Joqtaý», «Ǵazız», «Meń-zeń» «Sary dala» kúıleri osy kezde týdy. 1905 jylǵy revolıýtsııaǵa arnalǵan «Jiger», 1916 jyl oqıǵalaryna ún qosqan «16 jyl» kúıleri bar. Seıtek shyǵarmalarynyń shyńy – «Zaman-aı» kúıi, Oktıabr revolıýtsııasy ony «17 jyl», «Erkindik», «Partsezd» kúılerin shyǵarýǵa jigerlendirdi. A. Zataevıch Seıtek kúılerin «Qazaq halqynyń 1000 áni» jınaǵyna engizdi. Táken Álimqulovtyń «Seıtek saryny» povesi Seıtektiń ómiri men shyǵarmashylyǵyna arnalǵan. Seıtektiń kóptegen kúıleri Qurmanǵazy atyndaǵy memlekettik akademııalyq halyq aspaptary orkestriniń repertýarynda.

54 jyl buryn (1968) Qazaqstan Respýblıkasy Parlamenti Májilisiniń VII shaqyrylymynyń depýtaty, ekologııa máseleleri jáne tabıǵat paıdalaný komıtetiniń múshesi Ǵanı Ábdýǵanıuly TAShQARAEV dúnıege keldi.

Shymkent qalasynda týǵan. 1991 jyly Qazaq hımııa-tehnologııalyq ınstıtýtyn, 2000 jyly Qazaq memlekettik zań ýnıversıtetin, 2008 jyly Reseı Federatsııasy Úkimeti janyndaǵy Halyq Sharýashylyǵy Akademııasyn MBA baǵdarlamasy boıynsha bitirgen. 2009 jyly DBA baǵdarlamasy boıynsha Reseı Federatsııasy Úkimeti janyndaǵy Halyq sharýashylyǵy akademııasyn bitirdi.

Eńbek jolyn 1988 jyly Shymkent qalasy «Taýba» QQ dırektorynyń orynbasary bolyp bastaǵan. 1992-1993 jj. – Shymkent qalasy «Taýba» MP dırektory. 1993-1994 jj. – Shymkent qalasy «Ońtústik» APSSK ınjeneri. 1994-2018 jj. – Shymkent qalasy «Munaı Investment Grýp» AQ Basqarma tóraǵasy. 2007 jyldan bastap qalalyq máslıhattyń IV, V, VI saılanyń depýtaty. 2018-2021 jj. – Shymkent qalalyq máslıhatynyń hatshysy.

2021 jylǵy 14 qańtardan bastap qazirgi qyzmetinde.

«Astananyń 10 jyldyǵy» (2008), «Qazaqstan Respýblıkasynyń Táýelsizdigine 20 jyl» (2011), «Qazaqstan máslıhattaryna 25 jyl» (2019), «Qazaqstan Respýblıkasynyń Táýelsizdigine 25 jyl» (2016), «Qazaqstan halqy Assambleıasyna 25 jyl» (2020) merekelik medaldarymen, «Qaıyrymdylyǵy úshin «SAÝAP» (2010), «Ońtústik Qazaqstan oblysynyń damýyna qosqan erekshe úlesi úshin» (2010) medaldarymen (2011), sonymen qatar «Tólebı aýdanynyń kásipkerlikti damytýdaǵy eńbegi úshin» (2015), «Shymkent qalasynyń damýyna qosqan erekshe úlesi úshin» tósbelgisi (2016), «Reseı SІM-niń ózara is-qımyly úshin» belgisimen (2017) marapattalǵan.

53 jyl buryn (1969) Aqmola oblysynyń ákimi Ermek Boranbaıuly MARJYQPAEV dúnıege keldi.

Tselınograd qalasynda týǵan. 1994 jyly S. Seıfýllın atyndaǵy Tselınograd pedagogıkalyq ınstıtýtyn, 2001 jyly «Turan» ýnıversıtetin, 2009 jyly Kókshetaý ýnıversıtetin támámdaǵan.

Eńbek jolyn orta mektepte ustazdyqtan bastady. 1992-1994 jyldar aralyǵynda «Shonaı» shaǵyn kásipornynyń dırektory, keıin «Býrabaı» JShS dırektory qyzmetin atqardy. 2008-2013 jyldar aralyǵynda – Arshaly, Zerendi aýdandarynyń ákimi. 2013 jyldyń qyrkúıek aıynda Aqmola oblysy ákiminiń orynbasary bolyp taǵaıyndaldy. 2014 jyldyń maýsym aıynan bastap – QR Prezıdenti ákimshiliginiń memlekettik ınspektory. 2015-2019 jyldary – Kókshetaý qalasynyń ákimi.

2019 jyldyń naýryz aıynan bastap qazirgi qyzmetinde.

52 jyl buryn (1970) Semeı qalasynyń ákimi Baqytjan Kákenqajyuly BAIAHMETOV dúnıege keldi.

Semeı oblysy, Aıagóz qalasynda týǵan. 1992 jyly Qazaqtyń Eńbek Qyzyl Tý ordeni aýylsharýashylyq ınstıtýty, ınjener-elektrık, 2008 jyly Almaty Ortalyq Azııa ýnıversıteti, ekonomıst mamandyqtary boıynsha bitirgen.

Eńbek joly: 1992-1999 jyldary «Altaıenergo» mekemesiniń, Aıagóz elektr torabynyń ınjeneri, 1999-2000 jyldary Jergilikti avtomatıkalyq relelik qorǵaý qyzmetiniń bastyǵy, 2000 jyly «VK REK» jabyq aktsıonerlik qoǵamynyń tehnıkalyq qamsyzdandyrý jáne relelik avtomatıkalyq qorǵaý bóliminiń basshysy, 2000-2001 jyldary «VK REK» jabyq aktsıonerlik qoǵamnyń bas dıspetcheri, 2001-2002 jyldary Aýdandyq elektr torabynyń bólim basshysy, 2002-2004 jyldary Aýdandyq elektr torabynyń bastyǵy, 2004 jyly «VKREK» jabyq aktsıonerlik qoǵamynyń Aıagóz aımaǵynyń múdiri, Aýdandyq elektr torabynyń bastyǵy, 2004-2005 jyldary Borodýlıha aýdanynyń elektr torabynyń bastyǵy, 2005-2008 jyldary Aıagóz aýdany ákiminiń orynbasary, 2008-2009 jyldary «Dana-Aıagóz» jaýapkershiligi shekteýli seriktestiginiń atqarýshy dırektory, 2009 jylǵy aqpan aıynan bastap Qazaqstan Respýblıkasynyń Mádenıet jáne aqparat mınıstrliginiń memlekettik satyp alý jáne quqyqtyq jumysty uıymdastyrý basqarmasynyń bastyǵy, 2009 jyldyń sáýirinen Qazaqstan Respýblıkasynyń mádenıet jáne aqparat mınıstrliginiń aqparat jáne muraǵat komıtetiniń esep basqarmasynyń bas eksperti, 2009 jylǵy maýsymnan Qorshaǵan ortany qorǵaý mınıstrliginiń bıýdjettik josparlaý jáne memlekettik satyp alý basqarmasynyń bas eksperti, 2009 jylǵy qazanynan bastap Óskemen qalasynyń qurylys bóliminiń bastyǵy qyzmetterin atqarǵan. 2010 jyldyń qarashasynan – Aıagóz qalasynyń ákimi. 2014 jyldyń shildesinen Ulan aýdanynyń ákimi qyzmetine taǵaıyndaldy. 2014 jyldyń jeltoqsan aıynan 2019 jylǵy sáýirge deıin – Aıagóz aýdanynyń ákimi. 2019-2021 jyldary – Shyǵys Qazaqstan oblysy ákiminiń orynbasary.

2021 jyldyń maýsymynan beri qazirgi qyzmetinde.

45 jyl buryn (1977) Qazaqstan Respýblıkasy Premer-mınıstriniń keńesshisi Marat Baqytjanuly BEKETAEV dúnıege keldi.

Qazirgi Túrkistan oblysynda týǵan. Qazaq memlekettik zań ınstıtýtyn bitirgen, zańger, London ekonomıka jáne saıası ǵylymdar mektebin bitirgen, halyqaralyq bıznes-quqyq.

2001-2002 jyldary – Almaty qalasynda Brıtandyq keńes quqyq máseleleri boıynsha konsýltanty, QR Syrtqy ister mınıstrliginiń «Dıplomatııalyq ókildiktermen jumys departamenti» RMK sektor meńgerýshisi. 2002-2003 jyldary – QR SІM «Dıplomatııalyq korpýsqa qyzmet kórsetý basqarmasy» JAQ bastyǵy. 2003-2004 jyldary – QR Memlekettik qyzmet isteri agenttiginde bólim bastyǵy, basqarma bastyǵy, tóraǵanyń keńesshisi. 2004-2006 jyldary – QR Memlekettik qyzmet isteri agenttiginiń «Eýrazııalyq memlekettik qyzmetshilerdi oqytý ortalyǵy» RMKK dırektorynyń orynbasary, dırektory. 2006-2007 jyldary – QR Premer-Mınıstri orynbasarynyń keńesshisi. 2007 jyly – QR Premer-Mınıstriniń keńesshisi. 2007-2010 jyldary – QR Ádilet vıtse-mınıstri. 2010-2015 jyldary – QR Ádilet mınıstrliginiń jaýapty hatshysy. 2015-2016 jyldary – QR Prezıdenti Ákimshiligi Basshysynyń orynbasary. Qazaqstan Respýblıkasynyń Ádilet mınıstri (2016-2022).

Qazirgi qyzmetinde 2022 jyldyń qańtarynan beri.

«Qurmet» ordenimen marapattalǵan.

44 jyl buryn (1978) Respýblıkalyq bıýdjettiń atqarylýyn baqylaý jónindegi esep komıtetiniń múshesi Rasýl Nurlanuly RAHIMOV dúnıege keldi.

Shyǵys Qazaqstan oblysynyń Óskemen qalasynda dúnıege keldi. Ol «Bolashak» halyqaralyq stıpendııasynyń túlegi, qazaqstandyq jáne sheteldik joǵary oqý oryndarynda bilim aldy.

Indýstrııa mınıstrliginiń júıesinde, BUUDB-nyń qorshaǵan ortany qorǵaý jáne energetıka baǵdarlamalarynyń úılestirýshisi, BUUDB-nyń Qazaqstandaǵy Ornyqty damý departamentiniń basshysy, Ulttyq ınnovatsııalyq qordyń basqarýshy dırektory qyzmetterin atqardy.

2018 jylǵy qańtardan bastap Qazaqstan Respýblıkasy Prezıdenti Ákimshiliginiń Strategııalyq josparlaý bólimi meńgerýshisiniń orynbasary, Áleýmettik-ekonomıkalyq monıtorıng bólimi meńgerýshisiniń orynbasary qyzmetterin atqardy.

Qazirgi qyzmetin 2021 jyldyń qazan aıynan beri atqaryp keledi.