29 shilde. Tulǵalar týǵan kún
Búgin, 29 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
75 jyl buryn (1949) memleket jáne qoǵam qaıratkeri, QR Parlament Senatynyń janyndaǵy Senatorlar keńesiniń múshesi Ermek Jıanshyuly JUMABAEV dúnıege keldi.
Pavlodar oblysynda týǵan. S.M.Kırov atyndaǵy Qazaq memlekettik ýnıversıtetin bitirgen. Zań ǵylymdarynyń kandıdaty. Eńbek jolyn Pavlodar oblysynda segiz jyldyq mekteptiń muǵalimi bolyp bastaǵan. Pavlodar oblysyndaǵy Jelezın aýdanynyń prokýrory bolyp qyzmet istegen. Qazaqstan Respýblıkasy Parlamentiniń birinshi shaqyrylymynda Senat depýtaty bolyp saılanǵan, 1999 jylǵy jeltoqsannan 2005 jylǵy jeltoqsanǵa deıin Zańdar jáne quqyqtyq reforma komıtetiniń tóraǵasy. 2005-2007 jyldary Memlekettik qurylys jáne quqyqtyq saıasat komıtetiniń tóraǵasy. Qazaqstan Respýblıkasy Prezıdentiniń janyndaǵy Quqyqtyq saıasat jónindegi keńestiń, Qazaqstan Respýblıkasy Prezıdentiniń janyndaǵy Ulttyq Keńestiń, Zańdar jınaǵyn jasaý jónindegi Úkimettik komıssııanyń múshesi. Parlamentaralyq Odaqtyń, Ulybrıtanııa jáne Soltústik Irlandııa Qurama koroldiginiń Parlamentimen yntymaqtasý tobynyń múshesi boldy.
45 jyl buryn (1979) Atyraý oblysynyń ákimi Serik Jambyluly ShAPKENOV dúnıege keldi.
M. Ótemisov atyndaǵy Batys Qazaqstan memlekettik ýnıversıtetiniń ekonomıkalyq kıbernetıka fakýltetin bitirgen (2000), ekonomıst-matematık. «Nur Otan» partııasynyń múshesi (2005 jyldan).
Eńbek joly: 2000 jyldan M.Ótemisov atyndaǵy Batys Qazaqstan memlekettik ýnıversıtetiniń oqytýshysy. 2001 jyldan Batys Qazaqstan oblystyq qorshaǵan ortany qorǵaý qorynyń jetekshi mamany. 2002 jyldyń maýsymynan Batys Qazaqstan Qarjy basqarmasynyń jetekshi mamany, 2003 jyldan bas mamany. 2006 jyldyń qańtarynan BQO Ekonomıka jáne bıýdjettik josparlaý departamenti shynaıy sektordy damytý bóliminiń bastyǵy. 2006 jyldyń naýryzynan - BQO Aýyl sharýashylyǵy departamenti ákimshilik bóliminiń bastyǵy. 2007 jyldyń qańtarynan BQO Aýyl sharýashylyǵy departamenti dırektorynyń orynbasary. 2007 jyldyń qazanynan BQO Ekonomıka jáne bıýdjettik josparlaý departamenti bastyǵynyń orynbasary. 2009 jyldyń qyrkúıeginen Batys Qazaqstan oblysy Ekonomıka jáne bıýdjettik josparlaý basqarmasynyń bastyǵy. 2014 jyldan QR Prezıdenti ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory. 2016-2018 jyldary Atyraý qalasynyń ákimi. Atyraý oblysy ákiminiń orynbasary (2018-2020). Qazaqstan Respýblıkasy Eńbek jáne halyqty áleýmettik qorǵaý vıtse-mınıstri (2020-2021). Qazaqstan Respýblıkasy Eńbek jáne halyqty áleýmettik qorǵaý mınıstri (2021-2022).
2022 jyldyń sáýir aıynan bastap qazirgi qyzmetinde.
43 jyl buryn (1981) Qazaqstan Respýblıkasynyń Gonkong arnaıy ákimshilik aýdanyndaǵy (QHR) Bas konsýly Rashıd Káribaıuly ERIShEV dúnıege keldi.
Aqmola oblysynyń Kókshetaý qalasynda týǵan. Qazaq memlekettik zań akademııasyn halyqaralyq quqyq mamandyǵy (2002), Dıplomatııalyq akademııany, halyqaralyq qatynastar mamandyǵy boıynsha (2005) támamdaǵan.
Eńbek joly: QR SІM Azııa jáne Afrıka departamentinde attashe, úshinshi hatshy (2005-2007), Qazaqstan Respýblıkasynyń Ystanbuldaǵy Bas konsýldyǵynda úshinshi hatshy (04.2007-11.2007), Qazaqstan Respýblıkasynyń Venadaǵy halyqaralyq uıymdar janyndaǵy turaqty ókildiginde úshinshi hatshy, ekinshi hatshy (2007-2011), QR SІM Eýropa departamentiniń ekinshi hatshysy (2011-2012), Qazaqstan Respýblıkasynyń Izraıl memleketindegi Elshiliginiń birinshi hatshysy (2012-2015), QR SІM Syrtqysaıası taldaý jáne boljam departamentiniń keńesshisi (2015-2017); Qazaqstan Respýblıkasy Syrtqy ister mınıstri hatshylyǵynyń basshysy (2017-2019).
Qazirgi qyzmetin 2019 jyldyń shilde aıynan bastap atqaryp keledi.
42 jyl buryn (1982) VIII saılanǵan Qazaqstan Respýblıkasy Parlamenti Májilisiniń depýtaty, Qazaqstan Respýblıkasy Prezıdentiniń janyndaǵy halyqtyń áleýmettik osal sanattarynyń quqyqtary jónindegi ýákil Kenjeǵul Sotsıaluly SEITJAN dúnıege keldi.
Qostanaı oblysy Amangeldi aýdanynda týǵan. Ál-Farabı atyndaǵy Qazaq ulttyq ýnıversıtetin "Tarıh. Quqyq jáne ekonomıka negizderi" fakýltetin bitirgen (2007); University of Reading (Anglııa), "Education (Leadership and Management)" magıstri (2015).
Eńbek joly: Almaty qalasy, Medeý aýdanynyń № 7 jalpy bilim beretin mektebinde tarıh pániniń muǵalimi (2007); múgedek balalarǵa arnalǵan "Meıirim" ońaltý ortalyǵynda áleýmettik baǵdarlamalar boıynsha menedjer (2017-2022); qonaq úı bıznesiniń dırektory (2017-2022); "Qazaqstan golbol federatsııasy" ZTB Bas hatshysy (2016-2022); RQB prezıdenti "Qazaqstan Paravelosport Federatsııasy" (2021-2023).
2024 jylǵy aqpannan bastap qazirgi qyzmetinde.
