Búgin eldiń soltústiginde burshaq jaýyp, ońtústikte jel kúsheıedi

ASTANA. KAZINFORM - Qazgıdromet sınoptıkteri 29 sáýir, dúısenbige arnalǵan aýa raıy boljamyn jarııalady. 

Elimizdiń basym bóliginde turaqsyz aýa-raıy saqtalady. Naızaǵaımen jańbyr, ońtústik-shyǵystyń taýly aımaqtarynda jańbyr men qar túrinde jaýyn-shashyn jaýady.

Tek elimizdiń ońtústik-batysyna, soltústik-batysynda, ortalyǵyna antıtsıklon jotasy áserinen jaýyn-shashynsyz aýa-raıy kútiledi.

Respýblıka boıynsha jeldiń kúsheıýi, batysy men soltústiginde burshaq, ońtústik-batysy men ońtústiginde daýyl, shańdy daýyl, ońtústik-shyǵysynda tuman kútiledi.

Túnde Jambyl oblysynyń shyǵysynda, taýly aýdandarynda 2 gradýs úsik kútiledi.

Mańǵystaý oblysynyń basym bóliginde, Qyzylorda oblysynyń ortalyǵynda, ońtústiginde, Túrkistan oblysynyń soltústiginde, Atyraý oblysynyń ońtústiginde, Jetisý oblysynyń soltústiginde, Abaı, Qaraǵandy oblystarynyń ońtústiginde joǵary órt qaýipi saqtalady.