29 qarashada «Bolashaq» baǵdarlamasy boıynsha bilim alǵandar jınalady

ASTANA. 25 qarasha. QazAqparat - «Bolashaq» halyqaralyq stıpendııasynyń 20 jyldyǵyna arnalǵan mereıtoılyq forýmǵa Elbasy Nursultan Nazarbaev qatysady.

Bul týraly búgin QR Prezıdenti janyndaǵy Ortalyq kommýnıkatsııalar qyzmetinde «Bolashaq» baǵdarlamasynyń 20 jyldyǵyna oraı ótken baspasóz máslıhatynda «Halyqaralyq baǵdarlamalar ortalyǵy» AQ prezıdenti Ǵanı Nyǵymetov málim etti. «20 jyl ishinde 10 myń stıpendııa bólindi. Sol on myń adamnyń 6 myń 15-i Qazaqstanǵa oralyp, qazirgi kezde ekonomıkamyzdyń barlyq salasynda eńbek etýde. «Bolashaq» túlekteri elimizdiń damýyna úlken qosyp jatyr»,-dedi ol. 29 qarashada Astanadaǵy Táýelsizdik saraıynda «Bolashaq» halyqaralyq stıpendııasynyń 20 jyldyǵyna arnalǵan mereıtoılyq forým ótedi. Bul ataýly sharaǵa Elbasy qatysady dep kútilýde. Forýmǵa 1 myń 700 adam qatysady jáne onyń 1,5 myńy ár jyldary baǵdarlama boıynsha bilim alǵan túlekter.