29 qańtarda joldaǵy ahýal qandaı

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

2026 jylǵy 29 qańtar saǵat 08:00-degi jaǵdaı boıynsha, aýa raıynyń nasharlaýyna baılanysty Mańǵystaý oblysynda respýblıkalyq mańyzy bar avtojoldyń bir ýchaskesinde kólik qozǵalysy shektelgen:

• «Dossor – Qulsary – Beıneý – Saı-Ótes – Shetpe – Jetibaı – Aqtaý» respýblıkalyq avtojolynyń 338-718-shaqyrymy aralyǵy (Beıneý aýyly – Jetibaı aýyly ýchaskesi).

Sondaı-aq Pavlodar oblysynda «Astana – Shiderti – Pavlodar – Ýspenka – RF shekarasy» avtojolyndaǵy kópir ótkeliniń shetki arqalyqtary zaqymdanýyna baılanysty «Qalqaman» jol aıryǵy ýchaskesi – Qalqaman aýylyna kireberis jáne Astana baǵytyna shyǵatyn jol jabyldy.

Eske salaıyq, 29 qańtarda sınoptıkter Qazaqstannyń barlyq óńiri boıynsha aýa raıyna baılanysty eskertý jasady.