28 sáýir. Tulǵalar týǵan kún
Búgin, 28 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
55 jyl buryn (1970) Qazaqstan Respýblıkasy Ortalyq saılaý komıssııasynyń múshesi Asylbek Aıjaryquly SMAǴULOV dúnıege keldi.
Aqtóbe oblysy Yrǵyz aýdanynyń Nura keńsharynda týǵan. Zań ǵylymdarynyń doktory, professor.
Eńbek jolyn 1987 jyly jumysshy bolyp bastady. 1988-1990 jyldar aralyǵynda KSRO Qarýly kúshteri qatarynda azamattyq boryshyn ótegen. Quqyq qorǵaý organdaryndaǵy qyzmetin 1991 jyly Aqtóbe qalasy QІІB janyndaǵy PBQ JB mılıtsıoneri laýazymynan bastaǵan. 1991-1992 jyldary KSRO ІІM Sverdlov joǵary mektebiniń tyńdaýshysy; 1992-1995 jyldary QR ІІM Qaraǵandy joǵary mektebiniń tyńdaýshysy, atalǵan mektepti úzdik bitirdi. 1995-2000 jyldary QR ІІM Qaraǵandy joǵary mektebiniń oqytýshysy, adıýnkty, aǵa oqytýshysy bolǵan. 2000-2012 jyldar aralyǵynda QR Qarjy polıtsııasynyń akademııasynda qylmystyq quqyq jáne krımınologııa kafedrasynyń dotsenti, bastyǵy, Akademııa bastyǵynyń ǵylymı-zertteý jumysy jónindegi orynbasary, Akademııa bastyǵynyń oqý-ádistemelik jumysyn uıymdastyrý jónindegi orynbasary qyzmetterin atqarǵan. 2012 — 2016 jyldar aralyǵynda «Qazaqstan Respýblıkasynyń Zańnama ınstıtýty» MM dırektory qyzmetin atqarǵan. 2016-2020 jyldary QR Parlament Májilisiniń VI shaqyrylym depýtaty, Zańnama jáne sot-quqyqtyq reforma komıtetiniń múshesi.
2020 jyldyń qyrkúıek aıynan bastap qazirgi qyzmetinde.
Qazaqstan Respýblıkasy Prezıdentiniń alǵys hatymen, Qazaqstan Respýblıkasy Bilim jáne ǵylym mınıstrliginiń, Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) jáne Ádilet mınıstrliginiń qurmet gramotalarymen, sondaı-aq «Eren eńbegi úshin», «Quqyq tártibin qamtamasyz etýge qosqan úlesi úshin», «Ádilet organdary júıesin damytýǵa qosqan úlesi úshin» medaldarymen marapattalǵan. Ózge de nagradalary bar.
52 jyl buryn (1973) «Respýblıkalyq ǵaryshtyq baılanys ortalyǵy» AQ Basqarma Tóraǵasy Málik Qýanyshbekuly JÚIRІKTAEV dúnıege keldi.
Almaty energetıka ınstıtýtyn, Radıotehnıka jáne baılanys fakýltetin ınjener-elektronshy mamandyǵy jáne Almaty memlekettik ýnıversıtetin ekonomıst-menedjer mamandyǵy boıynsha támamdaǵan.
Eńbek jolyn 1995 jyly Almaty oblystyq Telekommýnıkatsııalar dırektsııasynan bastaǵan. Qatardaǵy ınjenerden bastap, Qazaqstannyń jetekshi baılanys kásiporyndarynyń óńirlik bólimsheleriniń basshysyna deıingi joldan ótti. «Qazaqtelekom» UAK, «Transtelekom» AQ júıesi, jeke qurylymdarda túrli basshylyq laýazymdarynda qyzmet etken. 2017-2019 jyldary «RǴBO» AQ-da kommertsııalyq máseleler jónindegi vıtse-prezıdent, apparat basshysy laýazymdarynda jumys istedi. «Qazaqtelekom» AQ-nyń «Vostoktelekom» JShS Bas dırektorynyń orynbasary qyzmetinde eńbek etti.
Qazirgi laýazymyn 2020 jylǵy qazannan bastap atqaryp keledi.
«Úzdik baılanysshy» qurmetti ataǵynyń ıegeri.
48 jyl buryn (1977) Qazaqstan Respýblıkasy Memlekettik qyzmet isteri agenttigi Atyraý oblysy boıynsha departamentiniń basshysy, Ádep jónindegi keńes tóraǵasy Nurlan Táńirberdiuly ERKEBAEV dúnıege keldi.
Tarazda týǵan.
2000-2005 jyldary Jambyl oblysy Jýaly aýdanynda Q.Qoshmambetov atyndaǵy orta mektebiniń muǵalimi bolyp qyzmet etti. 2005-2011 jyldary ár túrli memlekettik laýazymdarda, onyń ishinde Jýaly aýdany ákimi apparatynyń uıymdastyrý-kadrlyq jáne memlekettik-quqyqtyq jumysy bóliminiń bas mamany, Jýaly aýdany ákimi apparatynyń basshysy, Jýaly aýdany ákiminiń keńesshisi, Jýaly aýdany ákimdiginiń turǵyn úı kommýnaldyq sharýashylyǵy, jolaýshylar kóligi jáne avtomobıl joldary bóliminiń bastyǵy, «Nur Otan» HDP Jýaly aýdandyq fılıaly tóraǵasynyń birinshi orynbasary Jýaly aýdany ákimi apparatynyń uıymdastyrý-kadrlyq jáne memlekettik quqyqtyq jumys bóliminiń basshysy, Jambyl oblysy ákimdigi bilim basqarmasynyń bas mamany qyzmetterin atqardy. 2011-2014 jyldary QR Memlekettik qyzmet isteri jónindegi agenttigi Jambyl oblysy boıynsha departamentiniń konsýltanty, 2014-2015 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttigi Jambyl oblysy boıynsha departamentiniń Sybaılas jemqorlyqqa qarsy saýattandyrý jáne jurtshylyqpen ózara is-qımyl jasaý bóliminiń basshysy, 2015-2016 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttigi Jambyl oblysy boıynsha departamentiniń Memlekettik qyzmet jáne sybaılas jemqorlyq profılaktıkasy basqarmasynyń basshysy, 2016-2020 jyldary QR Memlekettik qyzmet isteri Agenttiginiń Jambyl oblysy boıynsha departamenti basshysynyń orynbasary laýazymyn atqarǵan. 2020 -2020 jyldary QR Memlekettik qyzmet isteri Agenttiginiń Strategııalyq jumys jáne halyqaralyq baǵdarlamalar departamentiniń bas konsýltanty, 2020-2021 jyldary QR Memlekettik qyzmet isteri Agenttiginiń Jambyl oblysy boıynsha departamentiniń ákimshilik basqarmasynyń basshysy, 2021-2024 jyldary QR Memlekettik qyzmet isteri Agenttiginiń Shyǵys Qazaqstan oblysy boıynsha departamentiniń basshysy, Ádep jónindegi keńes tóraǵasy qyzmetin atqardy.
Qazirgi laýazymyn 2024 jyldyń tamyz aıynan beri atqaryp keledi.
47 jyl buryn (1978) Abaı oblysy ekonomıkalyq tergeý departamentiniń basshysy Erjan Erǵalıuly BÓLEGENOV dúnıege keldi.
Ońtústik Qazaqstan oblysynda týǵan. Abaı atyndaǵy Almaty memlekettik ulttyq ýnıversıtetiniń zań fakýltetin bitirgen.
Eńbek jolyn Astana qalasynyń prokýratýrasynda bastaǵan. 2009-2015 jyldary Astana qalasynyń Esil aýdany jáne Aqmola oblysy Kókshetaý qalasynyń prokýrory qyzmetterin atqardy. 2015-2018 jyldary Pavlodar qalasynyń prokýrory, 2018-2019 jyldary Ońtústik Qazaqstan oblysy prokýrorynyń orynbasary, 2019-2021 jyldary Túrkistan oblysy prokýrorynyń orynbasary, 2021-2025 jyldary QR Qarjylyq monıtorıng agenttiginiń Qostanaı oblysy boıynsha ekonomıkalyq damý departamentiniń basshysy bolyp jumys istedi.
Qazirgi laýazymyn 2025 jyldyń naýryz aıynan beri atqaryp keledi.
«Jaýyngerlik erligi úshin», «Astananyń 10 jyldyǵy» medaldarimen marapattalǵan.
46 jyl buryn (1979) qazaq shahmatshysy Dármen Qanatuly SÁDÝÁQASOV dúnıege keldi.
L. N. Gýmılev atyndaǵy Eýrazııa ulttyq ýnıversıetin «aýdarma isi» mamandyǵy boıynsha bitirgen. 2009 jyly Carnegie Mellon University Memlekettik basqarý magıstri (AQSh). Qazaqstan-Brıtan tehnıkalyq ýnıversıtetiniń doktarantýrasyn aıaqtady. Kembrıdj Nıderlandy qaıta daıarlaý ınstıtýttarynda «Memlekettik basqarý» mamandyǵy boıynsha oqytý kýrstarynan ótken. Eńbek tájirıbesi: QR Prezıdenti Ákimshiligi Strategııalyq zertteýler jáne taldaý ortalyǵynyń konsýltanty, sektor meńgerýshisi (2009-2011); QR Shahmat federatsııasynyń vıtse-prezıdenti (2011 jyldan bastap). Qazaqstan, AQSh, Indonezııa, Danııa, Reseı, Ýkraına, Latvııa jáne ózge elderdegi grossmeısterlik týrnırlerdiń jeńimpazy.
«Qurmet» ordenimen, medaldarmen marapattalǵan.
41 god jyl buryn (1984) «Báıterek» UBH AQ Basqarma Tóraǵasynyń orynbasary Tımýr Nurlanuly OŃJANOV dúnıege keldi.
Almaty oblysynda týǵan. Sankt-Gallen ýnıversıtetin (Shveıtsarııa), Bern ýnıversıtetin (Shveıtsarııa) bitirgen.
Eńbek joly: 2013-2016 jyldary Deutsche Bank AG (Frankfýrt, Germanııa) jobalyq qarjylandyrý mámilelerin uıymdastyrý boıynsha qurylymdyq saýda-eksporttyq qarjylandyrý bóliminde satý boıynsha menedjeri boldy. 2016-2024 jyldary «Astana» halyqaralyq qarjy ortalyǵynda (AHQO) jumys istep, onda aktıvterdi jáne iri jeke kapıtaldy basqarý jónindegi qyzmetter naryǵyn damytý departamenti dırektorynyń orynbasary, aktıvterdi jáne iri jeke kapıtaldy basqarý jónindegi qyzmetter naryǵyn damytý departamentiniń dırektory, bıznesti damytý jónindegi basqarýshy dırektor, Bas dırektordyń Halyqaralyq bıznes pen yntymaqtastyqty damytý jónindegi birinshi orynbasary, sondaı-aq AHQO ákimshiliginiń qarjy sektory boıynsha bas ókil — atqarýshy dırektory laýazymdaryn atqardy.
Qazirgi laýazymyn 2024 jyldyń maýsym aıynan bastap atqaryp keledi.
41 jyl buryn (1984) CNPC International Kazakhstan aktsıonerlerimen jumys jónindegi basqarýshy dırektor Erjan Dovýlbaıuly ÁBІLHANOV dúnıege keldi.
Jańaózen qalasynda dúnıege kelgen. Almaty qalasyndaǵy Respýblıkalyq fızıka-matematıka mektebin bitirgen. 2006 jyly Q.Sátbaev atyndaǵy Qazaq ulttyq tehnıkalyq ýnıversıtetiniń munaı jáne gaz fakýltetin bitirip, «Munaı jáne gaz ken oryndaryn ıgerý jáne paıdalaný» mamandyǵy boıynsha bilim alǵan. 2009 jyly Malaızııa tehnologııalyq ýnıversıtetinde munaı ǵylymy salasynyń magıstri dárejesin alǵan.
Túrli ınjenerlik-basqarý qyzmetterinde jumys istegen:
ken orny, aǵa jáne jetekshi ınjener, odan keıin CMOC B.V. tehnıkalyq dırektory,
Atyraý oblysy ákiminiń orynbasary QR Energetıka mınıstrligi Jer qoınaýyn paıdalaný departamentiniń dırektory,
«Munaı jáne gaz aqparattyq-taldaý ortalyǵy» AQ bas dırektorynyń orynbasary,
QPO (Karachaganak Petroleum Operating) konsortsıýmynyń qazaqstandyq bıznesti damytý jónindegi basqarýshysy. 2023-2025 jyldary «QazMunaıGaz» UK AQ Munaı jáne gaz óndirý departamentiniń dırektory qyzmetin atqardy.
Qazirgi laýazymyn 2025 jyldyń naýryz aıynan beri atqaryp keledi.
39 jyl buryn (1986) Alphabet Limited ı Phoenix Fund Limited Partnership Bas dırektory Ernur Búrkitbaıuly RYSMAǴAMBETOV dúnıege keldi.
Jezqazǵan qalasynda dúnıege kelgen. Kalıfornııa tehnologııalyq ınstıtýtyn; London Ýnıversıtettik kolledjin bitirgen, dıplomdy qarjy taldaýshysy (CFA Charterholder).
Eńbek joly: JP Morgan Chase ınvestıtsııalyq bankiniń taldaý bólimshelerinde jáne Wilshire Associates, Inc ınvestıtsııalyq kompanııasynda jumys istedi, 2017-2019 jyldary AHQO úzdiksiz kásibı damytý bıýrosynyń dırektory (AIFC BCPD), 2019-2020 jyldary «AHQO Ákimshiligi» AQ basqarma tóraǵasynyń orynbasary, 2020-2024 jyldary Astana halyqaralyq qarjy ortalyǵy (AHQO) ákimshiliginiń basqarma tóraǵasy laýazymyn atqarǵan.
2024 jyldyń maýsym aıynan bastap qazirgi qyzmetinde.
121 jyl buryn (1904-1974) tarıhshy, ǵalym Halel Muhamedjanuly ÁDІLGEREEV dúnıege kelgen.
Batys Qazaqstan oblysynda týǵan. Qazan shyǵys pedagogıkalyq ınstıtýtyn bitirgen. Abaı atyndaǵy Qazaq pedagogıkalyq ınstıtýtynyń, Shymkent muǵalimder ınstıtýtynyń dekany, dırektory, kafedra meńgerýshisi, dotsenti qyzmetterin atqarǵan. Ǵalym qazaq ádebıettanýshylary men tarıhshylarynyń turpaıy sotsıalıstik ádistemelerine qarsy shyǵyp, shoqantanýdy bastaýshylardyń, S. Aspandııarov týraly alǵash qalam tartqandardyń biri boldy. Kenesary han bastaǵan qazaq halqynyń ult-azattyq qozǵalysy jóninde tarıhshy E.Bekmahanovtyń tujyrymdamasyn qoldaǵany úshin saıası qýǵynǵa ushyraǵan. Tarıh ǵylymynyń kandıdaty, Ekinshi dúnıejúzilik soǵys ardageri.