28 naýryz. Tulǵalar týǵan kún
Búgin, 28 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
69 jyl buryn (1957) Qazaqstan Respýblıkasy koloproktologtar qaýymdastyǵynyń prezıdenti Marat Shadybaıuly ABDÝLLAEV dúnıege keldi.
Qyzylorda (qazirgi Qyzylorda) qalasynda týǵan. Almaty memlekettik medıtsına ınstıtýtyn «Dáriger» mamandyǵy boıynsha bitirgen (1980), medıtsına ǵylymynyń doktory (1997).
Eńbek joly: Qyzylorda oblystyq aýrýhanasynda ordınator, hırýrg (1980-1983); № 1 Almaty qalalyq klınıkalyq aýrýhanasynyń hırýrg dárigeri (1983-1985); Qazaq klınıkalyq-eksperımenttik hırýrgııa ǵylymı-zertteý ınstıtýtynyń rezıdenti (1985-1987); Qazaq onkologııa jáne radıologııa ǵylymı-zertteý ınstıtýtynda aǵa laborant (1987-1989); Almaty ortalyq qalalyq aýrýhanasynyń dárigeri, proktologııa bóliminiń meńgerýshisi (1989-2005); Almaty medıtsına kadrlarynyń biliktiligin arttyrý ınstıtýtynyń professory (1998-2005); Qyzylorda oblystyq densaýlyq saqtaý basqarmasynyń dırektory (2005-2007); «Almaty memlekettik medıtsına bilimin jetildirý ınstıtýty» sharýashylyq júrgizý quqyǵyndaǵy respýblıkalyq memlekettik pedagogıkalyq ýnıversıtetiniń proktologııa kýrsynyń meńgerýshisi (2007-2008); Ambýlatorııalyq hırýrgııa jáne proktologııa kafedrasynyń meńgerýshisi, «Almaty memlekettik medıtsına bilimin jetildirý ınstıtýty» sharýashylyq júrgizý quqyǵyndaǵy respýblıkalyq memlekettik pedagogıkalyq ýnıversıtetiniń proktologııa kýrsynyń professory (2008-2011); Almaty qalalyq densaýlyq saqtaý basqarmasynyń «Ortalyq qalalyq klınıkalyq aýrýhana» sharýashylyq júrgizý quqyǵyndaǵy memlekettik kásipornynyń dırektory (2012-2017); «№ 7 qalalyq klınıkalyq aýrýhanasy» sharýashylyq júrgizý quqyǵyndaǵy memlekettik qazynalyq kásipornynyń dırektory, Almaty qalasy (2017-2019); Almaty ortalyq qalalyq klınıkalyq aýrýhanasy Proktologııa ortalyǵynyń dırektory (2019-2020); Almaty qalasynyń Ortalyq qalalyq klınıkalyq aýrýhanasynyń meńgerýshisi (2020).
66 jyl buryn (1960) Qyzylorda oblysy ústel tennısi federatsııasynyń tóraǵasy, Qazaqstan Respýblıkasynyń memleket jáne qoǵam qaıratkeri, Qazaqstannyń Eńbek Eri Abzal Jumashuly ERALIEV dúnıege keldi.
Qyzylorda oblysynda týǵan. 1982 jyly Jambyl gıdromelıoratıvtik qurylys ınstıtýtynyń Qyzylorda qalasyndaǵy fılıalyn ınjener-qurylysshy mamandyǵy boıynsha bitirgen.
Eńbek joly: 1984-1994 jyldary Qyzylorda úı qurylys kombınatynda qurylys sheberi, prorab, montajdaý ýchaskesiniń bastyǵy bolyp jumys jasaǵan. 1994-2016 jyldary kúrish ósirýmen aınalysatyn jáne ony óńdeıtin «Abzal jáne Kompanııa» tolyq seriktestiginiń dırektory boldy. 2008 jyldan bastap qoǵamdyq negizde Oblystyq kúrish óndirýshiler jáne óńdeýshiler qaýymdastyǵynyń prezıdenti bolyp saılandy. 2011 jyldan bastap — «Nur Otan» partııasynyń múshesi. 2012-2016 jyldary Qyzylorda oblystyq maslıhatynyń depýtaty boldy. 2016-2021 jyldary QR Parlament Májilisiniń VI shaqyrylym depýtaty, Agrarlyq máseleler komıtetiniń múshesi bolyp qyzmet atqarǵan.
2013 jyly QR Prezıdentiniń Jarlyǵymen elge jasaǵan eren eńbegi úshin «Qazaqstannyń Eńbek Eri» ataǵy men «Altyn juldyz» berildi. «Qyzylorda oblysynyń qurmetti azamaty», «Qyzylorda oblysy Syrdarııa aýdanynyń qurmetti azamaty» ataqtarynyń ıegeri.
«Otan», «Qurmet» ordenderimen, «Qazaqstan Konstıtýtsııasyna 10 jyl», «Qazaqstan Respýblıkasynyń táýelsizdigine 20 jyl», «Qazaqstan Konstıtýtsııasyna 20 jyl» merekelik medaldarymen marapattalǵan.
57 jyl buryn (1969) «QazAzot» AQ dırektorlar keńesiniń tóraǵasy Baharıdın Nuǵmanuly ABLÁZІMOV dúnıege keldi.
Ońtústik Qazaqstan oblysynda týǵan.
Eńbek joly: «Ózenmunaıgaz» AQ kommertsııalyq dırektory (2002-2005); «OrdabasyMunaıGaz» bas dırektory, keıin «Maten Petrolıým» (2005-2012); Caspian Oil dırektorlar keńesiniń múshesi (2012-2017).
2021 jyldan bastap qazirgi qyzmetinde.
50 jyl buryn (1976) Qazaqstan Respýblıkasynyń Albanııa Respýblıkasyndaǵy Tótenshe jáne Ókiletti Elshisi Eskendir Júsipuly AISARIEV dúnıege keldi.
Almaty qalasynda týǵan. Abaı atyndaǵy Almaty memlekettik ýnıversıtetin halyqaralyq qatynastar mamandyǵy boıynsha bitirgen (1998). Dıplomatııalyq dárejesi: 1-synypty keńesshi.
Eńbek joly: Qazaqstan Respýblıkasy Syrtqy ister mınıstrligi júıesindegi jumys (1999-2015); Qazaqstan Respýblıkasy Syrtqy ister mınıstrligi Memlekettik hattama qyzmeti bastyǵynyń orynbasary (2015-2019); Qazaqstan Respýblıkasy Syrtqy ister mınıstrligi Memlekettik hattama qyzmetiniń basshysy (2019-2023); Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi Elshisi (2023-2024).
Qazirgi qyzmetinde 2024 jyldyń shildesinen beri.
49 jyl buryn (1977) Qazaqstan Respýblıkasy Densaýlyq saqtaý mınıstrligi Medıtsınalyq jáne farmatsevtıkalyq baqylaý komıteti tóraǵasynyń orynbasary Nurdanat Berkinǵalı dúnıege keldi.
Almaty oblysynda dúnıege kelgen. Almaty memlekettik medıtsınalyq ınstıtýtyn «Jalpy tájirıbe dárigeri (otorınolarıngologııa)» mamandyǵy boıynsha bitirgen (2000); Gannover medıtsınalyq mektebinde doktorantýrada oqyǵan (2008).
Eńbek joly: Almaty qalasyndaǵy jedel járdem feldsheri (1999-2002); Almaty qalasyndaǵy A. N. Syzǵanov atyndaǵy hırýrgııa ǵylymı ortalyǵynda otolarıngolog (2002-2005); Qazaqstan Respýblıkasy Densaýlyq saqtaý mınıstrliginiń kadr bóliminiń sarapshysy, bas sarapshysy (2009-2010); Almaty qalasyndaǵy «Karakas» JShS bas dırektory, Astana qalasyndaǵy «Medicell» JShS dırektory (2010-2017); Batys Qazaqstan oblysy densaýlyq saqtaý departamentiniń basshysy (2018-2020); Qazaqstan Respýblıkasy Densaýlyq saqtaý mınıstrligi Strategııa jáne halyqaralyq yntymaqtastyq departamenti dırektorynyń orynbasary jáne Ǵylym jáne adamı resýrstar departamentiniń dırektory (2020-2021); Astana qalasy «Dostyq» bastapqy medıtsınalyq-sanıtarlyq kómek ortalyǵy» sharýashylyq júrgizý quqyǵyndaǵy memlekettik kommýnaldyq kásipornynyń dırektory (2021-2024); Astana qalasy «Qalalyq jedel járdem stantsııasy» sharýashylyq júrgizý quqyǵyndaǵy memlekettik kommýnaldyq kásipornynyń dırektory (2024-11/2025).
2025 jyldyń qarasha aıynan beri qazirgi qyzmetinde.
40 jyl buryn (1986) Ulytaý aımaǵynyń ekonomıka bóliminiń bastyǵy Nurlan Erbolatuly ÁBDÚKÁLІMOV dúnıege keldi.
Almaty ekonomıka jáne statıstıka akademııasyn bitirgen (2008).
Eńbek joly: Astana qalasyndaǵy «№ 1 qalalyq aýrýhanasy» memlekettik kommýnaldyq kásipornynyń býhgalteri (2009); Qazaqstan Respýblıkasy Qarjy mınıstrliginiń Memlekettik bıýdjetti oryndaýdy taldaý jáne ádisnama departamentiniń Jergilikti bıýdjetterdiń shyǵystaryn oryndaý bóliminiń sarapshysy (2009-2010); Qazaqstan Respýblıkasy Qarjy mınıstrliginiń Qarjy júıeleriniń ınfraqurylymyn damytýdy úılestirý jáne ádisnama departamentiniń Qarjy júıeleriniń ınfraqurylymyn qalyptastyrý bóliminiń sarapshysy (2010); Qazaqstan Respýblıkasy Qarjy mınıstrliginiń Materıaldyq óndiris salasyndaǵy bıýdjettik baǵdarlamalardy josparlaý, taldaý jáne iske asyrýdy baǵalaý departamentiniń Ónerkásiptik jáne otyn-energetıkalyq keshender departamentiniń sarapshysy (2010-2012); Qazaqstan Respýblıkasy Qarjy mınıstrliginiń Materıaldyq óndiris salasyndaǵy bıýdjettik baǵdarlamalardy iske asyrýdy josparlaý, taldaý jáne baǵalaý, ónerkásip jáne otyn-energetıkalyq keshenderdegi bıýdjettik baǵdarlamalardy josparlaý departamentiniń Ónerkásiptik jáne otyn-energetıkalyq keshender dırektsııalarynyń bas sarapshysy (2012-2014); Qazaqstan Respýblıkasy Qarjy mınıstrliginiń Ónerkásip, kólik jáne kommýnıkatsııalar bıýdjet departamentiniń Ónerkásiptik jáne otyn-energetıkalyq keshender bıýdjettik dırektsııasynyń bas sarapshysy (2014-2019); «Astana Ekspo-2017» Ulttyq kompanııasy» AQ ekonomıka jáne bıýdjettik josparlaý departamentiniń dırektorynyń orynbasary (2019-2021); «QazExpo Congress» Ulttyq kompanııasy» AQ ekonomıka jáne býhgalterlik esep departamentiniń dırektory (2021-2023); Almaty oblysynyń energetıka jáne turǵyn úı-kommýnaldyq sharýashylyq departamenti basshysynyń orynbasary (2023-2024); Ulytaý aýdanynyń qarjy departamentiniń basshysy (2024).
2024 jyldyń qazan aıynan bastap qazirgi qyzmetinde.
146 jyl buryn (1880-1924) halyq aqyny, ánshi-kompozıtor, Qaz daýysty Qazybek bıdiń urpaǵy Mádı BÁPIULY dúnıege kelgen.
Qaraǵandy oblysynda týǵan.
Aqan seri, Birjan sal, Balýan Sholaq, Úkili Ybyraı sııaqty sańlaqtarmen kezdesip, ónege alǵan. Jala jabylyp, abaqtyǵa túsken. Túrmede elin, jerin saǵynyp, ádiletsiz zamanǵa nalyǵan Mádı «Qarakesek» ánin shyǵardy. Budan basqa onyń «Úshqara», «Shirkin-aı», «Mádı» atty ánderi bar. Olardyń deni keıin «Qarakesek», «Er Tarǵyn», «Qyz Jibek» qazaq operalarynda paıdalanyldy. Mádı 1916 jyly azattyq jolyndaǵy halyq kóterilisine ún qosty. Patshanyń jergilikti ákimderiniń ozbyrlyǵyn áshkereleıtin jyrlar tolǵady. Mádıdiń án mátinderinen basqa óleńderi áli de jınaqtalmaǵan. Onyń shyǵarmalary týraly Ahmet Jubanov zertteý eńbekterinde, Áljappar Ábishev «Naızaǵaı», Áıip Bektasov «Mádı» atty kitaptarynda jazdy.