28 aqpanda Qazaqstan jerine ǵaryshkerleri bar «Soıýz» kapsýlasy qonady

ASTANA. QazAqparat - 2018 jyldyń 28 aqpany kúni «Soıýz MS-06» kóliktik basqarylatyn kemesiniń túsýshi apparaty Qazaqstan jerine kelip qonady, dep habarlaıdy QazAqparat tilshisi.

Jarty jylǵa jýyq ýaqytqa sozylǵan ǵaryshtyq vahtadan keıin MKS-53/54 ekspedıtsııasynyń músheleri - reseılik ǵaryshker Aleksandr Mısýrkın, amerıkalyq astronavtar Djozef Akaba men Mark Vande Haı Jerge oralady.

Roskosmostyń baspasóz qyzmetiniń málimetinshe, apparat 28 aqpan kúni jergilikti ýaqyt boıynsha tańerteńgi 8.31-de Jezqazǵan qalasynyń mańyna, dalaly jerge qonatyn bolady.

Jerge túsýshi apparattyń qonýy men kosmonavtardy evakýatsııalaý sátin online.roscosmos.ru saıtynan nemese Roskosmostyń VKontakte áleýmettik jelisindegi resmı paraqshasynan tikeleı kórýge bolady.