28 aqpan. Týǵan kún ıeleri
ESІMDER
176 jyl buryn (1846-1945) aqyn, jyraý, jyrshy Jambyl JABAEV dúnıege kelgen.
Qazirgi Jambyl oblysy Jambyl taýynyń eteginde týǵan. Jasynan óleń-jyrǵa qanyp ósken, óz anasy Uldannyń aqyndyq talantyn boıyna sińirgen, «Meniń pirim - Súıinbaı...» dep Jambyldyń ózi jyrǵa qosqandaı, Súıinbaı Aronuly sııaqty jyr dańǵylynan tálim-tárbıe alǵan. Jambyl 1919 jyly Jetisý halyq aqyndary bas qosqan sletke qatysty. 1934 jyly respýblıkalyq óner sheberleriniń tuńǵysh sletinde jyr tolǵap, taǵy bir kózge tústi. «Zamana aǵymy», «Belsendilerge», «Qazaqstan toıyna», «Jastar aldyndaǵy sóz» sııaqty arnaý, tolǵaýlary osy tusta jyrlandy. Onyń úzdik shyǵarmalary 40-tan astam shet elder tilderine aýdaryldy. Uly jyraý qazaq halqyn, onyń poezııasyn búkil álemge jarııa etti. 1938 jyly Jambyldyń shyǵarmashylyq óneriniń 75 jyldyǵyn toılaǵanda, oǵan álemniń ár túkpirinen quttyqtaýlar keldi. Romen Rollan, Martın Andersen, Nekse, Katarına Sýsanna Prıchard sııaqty ataqty sýretkerler Jambyl poezııasyna óte joǵary baǵa berdi. Jambyl týraly júzdegen óleń-jyrlar jazyldy. HH ǵasyrdaǵy halyq aqyndaryna Jambyldyń áseri óte zor boldy. Bul qatarda Kenen Ázirbaev, Úmbetáli Káribaev, Ábdiǵalı Sarıev, Nartaı Bekejanov, Doskeı Álimbaev, Saıadil Kerimbekov, Orynbaı Taımanov sııaqty belgili ımprovızatorlar bar. 1941 jyly Stalındik (keıin KSRO Memlekettik) syılyǵynyń laýreaty atanǵan. І saılanǵan Qazaq KSR Joǵarǵy Keńesiniń depýtaty, KSRO jáne Qazaqstan Jazýshylar odaǵynyń múshesi boldy. Jambyldyń esimi Qazaqstannyń bir oblysyna, birneshe aýdandarǵa, birqatar eldi mekenderge, mekemeler men oqý oryndaryna, óner ordalaryna, mektepterge, kóshelerge berilgen. Qazaq halqy Jambyldyń 100 jyldyq, 125 jyldyq, 150 jyldyq, 160 jyldyq toılaryn halyqaralyq deńgeıde saltanatty túrde atap ótti. Bıyl Qazaqstan halqy Jambyldyń 175 jyldyq meerıtoıyn keń aýqymda atap ótedi. Mereıtoılyq is-sharalardyń jalpyrespýblıkalyq josparyna sáıkes, bıyl respýblıka boıynsha 500-ge jýyq áleýmettik, ımıdjdik, ǵylymı, tanymdyq is-sharalar ótkiziledi. Budan bólek, aqyn ómirinen derekti fılm túsirý, óleńderiniń jańa jınaqtaryn shyǵarý, aıtystar men ádebı konkýrstardy, kitap kórmelerin uıymdastyrý, mereıtoılyq moneta, poshta markasyn ázirleý jáne basqa da sharalar ótkizý kózdelip otyr.
58 jyl buryn (1964 ) Qazaqstan Respýblıkasy Bas prokýrorynyń birinshi orynbasary Berik Noǵaıuly ASYLOV dúnıege keldi.
Jambyl oblysy Moıynqum aýdany Birlik aýylynda týǵan. 1991-1992 jyldary Almaty qalasy Alataý aýdany prokýratýrasynyń taǵylymdamashysy, 1992 jyldyń 17 naýryzynda Alataý aýdan prokýrasynyń aǵa tergeýshisi qyzmetin atqarǵan. 1993 jyly Bas prokýratýra tergeýshisi, aǵa tergeýshisi, 1995-1996 jyldar aralyǵynda Almaty áýe kólik prokýrorynyń orynbasary boldy. 1996 jyldyń sáýiri men jeltoqsany aralyǵynda Memlekettik tergeý komıteti, Ulttyq qaýipsizdik komıteti, Qorǵanys mınıstrliginiń áskerı barlaý qyzmetinde, Prezıdent kúzeti qyzmet organdarynda jedel-izdestirý qyzmetiniń zańdylyǵyn qadaǵalaý boıynsha bólim bastyǵy laýazymynda qyzmet atqardy. 1996 jyldyń jeltoqsan aıynda QR Bas prokýratýrasynyń jedel- izdestirý qyzmetiniń zańdylyǵyn qadaǵalaý boıynsha bóliminiń aǵa prokýrory bolyp taǵaıyndaldy. Sol jyly atalǵan bólimniń bastyǵy laýazymyna usynylyp, onda 2001 jylǵa deıin qyzmet etti. 2001 jyldyń qańtarynan 2003 jyldyń sáýirine deıin Shymkent qalasynyń prokýrory, 2003-2005 jyldary Ońtústik Qazaqstan oblysy prokýrorynyń orynbasary, 2005-2006 jyldary oblys prokýrorynyń birinshi orynbasary qyzmetterin atqardy. 2006-2008 jyldary Batys aımaqtyq kólik prokýrory, 2008 jyldyń naýryzynan 2010 jyldyń maýsymyna deıin Aqtóbe oblysynyń prokýrory boldy. 2010 jyldyń maýsym aıynan 2011 jylǵa deıin - Qazaqstan Respýblıkasy Bas prokýrorynyń orynbasary. 2011-2017 jyldary - Almaty qalasynyń Bas prokýrory. 2017-2019 jyldary – Soltústik Qazaqstan oblysynyń prokýrory. «Eren eńbegi úshin» medalimen, «Astananyń 10 jyldyǵy» mereıtoılyq medalimen jáne «Ulttyq qaýipsizdikti qamtamasyz etýdegi úlesi úshin» medalimen marapattalǵan. 2011 jyldyń mamyr aıynda Qazaqstan Respýblıkasy Prezıdentiniń Jarlyǵymen 3 dárejeli «Memlekettik ádilet keńesshisi» shenine ıe boldy. Qazirgi qyzmetinde 2019 jyldyń naýryz aıynan bastap.
47 jyl buryn (1975) Qazaqstan Respýblıkasy Bas prokýratýrasy janyndaǵy Quqyq qorǵaý organdary akademııasynyń basshysy SÚLEIMENOV Tımýr Qaıyrbekuly dúnıege keldi.
Reseı Federatsııasynyń Novosibir oblysynda Kýıbyshev qalasynda týǵan. Ál-Farabı atyndaǵy Qazaq ulttyq ýnıversıtetin «halyqaralyq quqyq» mamandyǵy boıynsha bitirgen. Eńbek jolyn 1997 jyly Almaty qalasy Almaly aýdandyq prokýratýrasynda Quqyqtyq statıstıka jáne aqparat ortalyǵynda prokýror kómekshisi bolyp bastaǵan. 2008-2013 jyldary Almaly aýdany prokýrorynyń aǵa kómekshisi, Almaty qalalyq prokýratýrasynda Jedel-izdestirý, tergeý jáne anyqtaý zańdylyǵyn qadaǵalaý jónindegi basqarmasynyń prokýrory, Almaty qalasy prokýrorynyń birinshi orynbasary qyzmetterin atqardy. 2013 jyldyń qazan aıynan 2017 jyldyń tamyzyna deıin Astana qalasy prokýrorynyń birinshi orynbasary boldy. 2017-2021 jyldary Qostanaı oblysynyń prokýrory. 2021 jyldyń mamyr aıynan bastap qazirgi qyzmetinde.
«Eren eńbegi úshin» medalimen marapattalǵan.
42 jyl buryn (29 aqpan) Qazaqstan Respýblıkasy Parlamenti Májilisiniń VII shaqyrylym depýtaty, Qarjy jáne bıýdjet komıtetiniń múshesi Aıbek Mınaımbekuly PAıAEV dúnıege keldi.
Jızaq oblysynda (Ózbekstan Respýblıkasy) týǵan. Qazaq gýmanıtarlyq-zań ýnıversıtetiniń (2002), «Qaınar» ýnıversıtetin bitirgen. Eńbek joly: 2003-2004 jyldary – Qazaqstan Respýblıkasy Ádilet mınıstrligi Memlekettiń, kelisimsharttardyń múliktik quqyǵyn qorǵaý jáne shaǵymdaný-qýynym jumystary basqarmasy Kelisimsharttar jáne shaǵymdaný-qýynym jumystary bóliminiń jetekshi mamany mindetin atqarýshy, jetekshi maman. 2004-2005 jyldary – Qazaqstan Respýblıkasy Qarjy mınıstrligi Salyq komıtetiniń Zań basqarmasynyń normatıvti quqyqtyq aktiler jobasyn saraptaý jáne quqyqtyq taldaý bóliminiń jetekshi mamany. 2005-2006 jyldary – Qazaqstan Respýblıkasy Qarjy mınıstrligi Salyq komıtetiniń Zań basqarmasynyń quqyqtyq máselelerdi túsindirý, kelisim sharttardy saraptaý jáne taldaý jumystary bóliminiń bas mamany. 2006-2011 jyldary – Qazaqstan Respýblıkasy Qarjy mınıstrligi Salyq komıtetiniń Aktsızderdi ákimshilendirý, Janama salyqtar basqarmalarynyń bas mamany, bastyǵy. 2011-2012 jyldary – Qazaqstan Respýblıkasy Qarjy mınıstrligi Salyq komıtetiniń Aqmola oblysy boıynsha Salyq departamentiniń bastyǵynyń orynbasary. 2012-2014 jyldary – Qazaqstan Respýblıkasy Qarjy mınıstrligi Salyq komıtetiniń Qostanaı oblysy boıynsha Salyq departamentiniń basshysy. 2014-2017 jyldary – Qazaqstan Respýblıkasy Qarjy mınıstrliginiń Memlekettik kiris komıteti Qostanaı oblysy boıynsha Memlekettik kirister departamentiniń basshysy. 2017-2020 jyldary – Qazaqstan Respýblıkasy Qarjy mınıstrliginiń Memlekettik kirister komıteti Aqtóbe oblysy boıynsha Memlekettik kirister departamentiniń basshysy. 2020-2021 jyldary – Qazaqstan Respýblıkasy Qarjy mınıstrliginiń Memlekettik kirister komıteti Pavlodar oblysy boıynsha Memlekettik kirister departamentiniń basshysy. 2021 jylǵy qańtardan bastap – VІІ saılanǵan Qazaqstan Respýblıkasy Parlamenti Májilisiniń depýtaty, Qarjy jáne bıýdjet komıtetiniń múshesi, «Qazaqstan halyq partııasynyń» partııalyq tizimi boıynsha saılanǵan. «Qazaqstan Respýblıkasynyń táýelsizdigine 20 jyl» (2011), «Qazaqstan Respýblıkasynyń Táýelsizdigine 25 jyl» (2016) mereıtoılyq medaldarmen, «Salyq qyzmetiniń úzdigi» (2014), «Qazaqstan Respýblıkasynyń máslıhattaryna 20 jyl» (2014), «Qarjy qyzmetiniń úzdigi» (2016), «Qazaqstan Respýblıkasy Bas prokýratýranyń quqyqtyq statıstıka jáne arnaıy esepke alý organdaryna 20 jyl» (2017), «Qazaqstan Respýblıkasy Ulttyq qaýipsizdiq komıtetine 25 jyl» 2017), «Qazaqstan Respýblıkasyń polıtsııasyna 25 jyl» (2017), «Qazaqstan Respýblıkasy Qarjy mınıstrligi Memlekettik kirister organdarynyń úzdigi» tósbelgilerimen marapattalǵan.
39 jyl buryn (1983) Qazaqstan Respýblıkasy Saýda jáne ıntegratsııa mınıstrligi Saýda komıtetiniń tóraǵasy QAZANBAEV Erjan Qaldybaıuly dúnıege keldi.
Almaty qalasynda týǵan. 2006 jyly Almaty tehnologııalyq ýnıversıtetin, 2008 jyly Aberdın ýnıversıtetin (Ulybrıtanııa) bitirgen. Eńbek jolyn 2008 jyly «Ekspress Bank» AQ-ynda komplaens-baqylaýshy bolyp bastaǵan. 2008-2010 jyldary kommertsııalyq qurylymdarda jumys istedi. 2010-2012 — QR Ekonomıka jáne bıýdjettik josparlaý mınıstrliginiń Investıtsııalyq saıasat departamenti Investıtsııalyq saıasat basqarmasynyń sarapshysynyń m.a., sarapshy. 2012-2013 jyldary — QR Ekonomıkalyq damý jáne saýda mınıstrliginiń Kásipkerlikti qarjylaı qoldaý basqarmasynyń bastyǵy. 2013 jyly — Ekonomıka jáne bıýdjettik josparlaý mınıstrliginiń Memleket mindettemelerin basqarý jáne qarjy sektoryn damytý saıasaty departamenti Memleket mindettemelerin basqararmasynyń saıasat basqarmasynyń basshysy. 2013-2016 jyldary — QR Ekonomıka jáne bıýdjettik josparlaý mınıstrliginiń Ekonomıka salalaryn damytý departamenti dırektorynyń orynbasary, Astana q. 2016-2019 jyldary — QR Ulttyq ekonomıka mınıstrliginiń Ekonomıka salalaryn damytý departamentiniń dırektory. 2019-2020 jyldary — QR Prezıdenti Ákimshiliginiń Áleýmettik-ekonomıkalyq monıtorıng bóliminiń meńgerýshisiniń orynbasary. 2020-2022 jyldary Qazaqstan Respýblıkasy Saýda jáne ıntegratsııa vıtse-mınıstri. 2022 jyldyń qańtar aıynan bastap qazirgi qyzmetinde.