27 tamyzda elordada ótetin mańyzdy sharalar ańdatpasy
NUR-SULTAN
10.00-de Úkimet úıinde kezekti Úkimet otyrysy ótedi. Kún tártibinde Qazaqstan Respýblıkasynyń 2023-2027 jyldarǵa arnalǵan áleýmettik-ekonomıkalyq damý boljamy, «2023-2025 jyldarǵa arnalǵan respýblıkalyq bıýdjet týraly», «Qazaqstan Respýblıkasynyń Ulttyq qorynan 2023-2025 jyldarǵa arnalǵan kepildendirilgen transfert týraly», «Respýblıkalyq jáne oblystyq bıýdjetter, respýblıkalyq mańyzy bar qala, astana bıýdjetteri arasyndaǵy 2022-2025 jyldarǵa arnalǵan jalpy sıpattaǵy transfertterdiń kólemi týraly QR zańdarynyń jobalary jáne qant salasyn damytý máselesi qaralady.
11.00-de «Aq jol» partııasynda Memlekettiń ishki qundylyqtary men eksportqa beıimdelgen óndiristerdi damytý baǵdarlamasy talqylanady.
11.00-de Nur-sultan qalasynyń 68665 áskerı bóliminde (desanttyq-shabýyldaý brıgadasy) merzimdi qyzmettegi áskerı qyzmetshilerdiń ata-analarymen beınekópir ótedi.
11.00-de «Astana-Arena» stadıonynyń qasynda Túrkistan oblysynyń aýyl sharýashylyǵy ónimderiniń jármeńkesi bastalady.
12.00-de QR Prezıdenti janyndaǵy Ortalyq kommýnıkatsııalar qyzmetinde «Halyqqa medıtsınalyq kómek kórsetý sapasy: problemalary, sheshý joldary»atty baspasóz máslıhaty ótedi. Spıkerler: QR Densaýlyq saqtaý vıtse-mınıstri Jandos Búrkitbaev; MÁMS tóraǵasynyń orynbasary Іlııas Muhamedjan; Medıtsınalyq jáne farmatsevtıkalyq baqylaý komıtetiniń tóraǵasy Baýyrjan Baıserkın; Nur-Sultan qalasy boıynsha Komıtetiniń departament basshysy Darhan Turlybekov; Medıtsınalyq kómekti uıymdastyrý departamentiniń dırektory Azamat Dúısenov; Ǵylym jáne adamı resýrstar departamentiniń dırektory Dáýlet Aldynǵurov; Dárilik saıasat departamentiniń dırektory Baýyrjan Djúsipov; Ana men bala densaýlyǵyn qorǵaý departamenti dırektorynyń orynbasary Oljas Ysqaqov. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz
15.00-de QR Prezıdenti janyndaǵy Ortalyq kommýnıkatsııalar qyzmetinde jańa oqý jylyna daıyndyq týraly baspasóz máslıhaty ótedi. Spıkerler: QR Oqý-aǵartý vıtse-mınıstri Karınova Sholpan Tańatqyzy; QR Oqý-aǵartý vıtse-mınıstri Beısembaev Ǵanı Bektaıuly; QR Ǵylym jáne joǵary bilim vıtse-mınıstri Eshenqulov Talǵat Іlııasuly. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz
19.00-de «Astana Opera» teatrynda Túrkistan mýzykalyq-dramalyq teatry «Qorqyt týraly ańyz» plastıkalyq spektaklin kórsetedi.
