27 naýryz. Týǵan kún ıeleri

NUR-SULTAN. QazAqparat – Búgin, ıaǵnı 27 naýryzda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

65 jyl buryn (1957) tehnıka ǵylymdarynyń doktory, Qazaqstan Respýblıkasy Ulttyq Ǵylym akademııasynyń akademıgi, Qazaqstannyń eńbek sińirgen ǵylym jáne tehnıka qaıratkeri Ǵalymqaıyr Mutanuly MUTANOV dúnıege keldi.

Semeı oblysy Jarma aýdany Belterek aýylynda týǵan. 1979 jyly Qazaq polıtehnıkalyq ınstıtýtyn «Avtomatıka jáne telemehanıka» mamandyǵy boıynsha bitirgen.

Eńbek qyzmetin Rýdnyı ındýstrııalyq ınstıtýtynda bastady.

Máskeý bolat jáne qorytpalar ınstıtýtynyń «Tústi jáne sırek metaldardyń tehnologııalyq úderisterin avtomattandyrý» kafedrasynda eki jyldyq ǵylymı synaq merziminen ótti.

Máskeý memlekettik ken ýnıversıtetiniń «Avtomattandyrylǵan basqarý júıeleri» kafedrasynda aspırantýra men doktorantýrada oqydy. 1995 jyly Soltústik Qazaqstan memlekettik ýnıversıtetiniń rektory bolyp taǵaıyndaldy.

2002 jyly QR Bilim jáne ǵylym birinshi vıtse-mınıstri boldy. 2003 jylǵy shilde aıynda - D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń rektory bolyp taǵaıyndaldy. Ǵ.Mutanov 10 halyqaralyq akademııalardyń akademıgi bolyp tabylady.

Ol áleýmettik-ekonomıkalyq úderister aıasyndaǵy taqyryptarǵa jazylǵan 400-den artyq ǵylymı jarııalanymnyń, sonyń ishinde 10 monografııanyń, oqýlyqtardyń, oqý quraldarynyń, ádistemelik ázirlemelerdiń avtory.

Sondaı-aq 35-ten astam patenttiń, ónertabystyń avtory. 2010 jyly 7 qazanda Memleket basshysynyń ókimimen ál-Farabı atyndaǵy Qazaq ulttyq ýnıversıtetiniń rektory bolyp taǵaıyndaldy.

Qazaqstan Respýblıkasynyń eńbek sińirgen ǵylym jáne tehnıka qaıratkeri, «Parasat» ordenimen, «Qazaqstan Respýblıkasynyń Táýelsizdigine 10 jyl», «Qazaqstan Parlamentine 10 jyl» merekelik medaldarymen, «QR Prezıdentiniń erekshe belgisi», «Qazaqstan Respýblıkasynyń halyqqa bilim berý úzdigi», «Qazaqstan Respýblıkasynyń qurmetti bilim berý qyzmetkeri», «QR qurmetti ınjeneri» tósbelgilerimen marapattalǵan.

56 jyl buryn (1966) Qazaqstan Respýblıkasy Joǵarǵy sot sýdıasy Serik Ahashuly ÁBDІRAHMANOV dúnıege keldi.

Pavlodar oblysy Baıanaýyl aýdany Baıanaýyl aýylynda týǵan. Qaraǵandy memlekettik ýnıversıtetiniń zań fakýltetin bitirgen (1990), zańger.

Eńbek ótilin 1990 jyldary Almaty qalasynda Frýnze aýdany prokýrorynyń kómekshisi bolyp bastaǵan.

Keıinnen Almaty oblysy prokýratýrasynyń aǵa tergeýshisi, 1995-1996 jyldary Almaty qalasy sotynyń arbıtraj sýdıasy, Almaty qalasy sotynyń sýdıasy (1996-2004) boldy. 2004-2005 jyldary QR Prezıdenti Ákimshiligi sot úıesindegi memlekettik-quqyqtyq basqarma máseleleri boıynsha bólimniń aǵa sarapshysy, 2005-2007 jyldary QR Joǵarǵy sot tóraǵasynyń keńesshisi boldy.

Almaty oblysynda mamandandyrylǵan aýdanaralyq ekonomıkalyq sot tóraǵasy (2007-2008), Almaty qalasynda mamandandyrylǵan ekonomıkalyq sot tóraǵasy (2008-2010), Almaty qalalyq soty apellıatsııalyq sot alqasynyń tóraǵasy (2010-2014) boldy.

50 jyl buryn (1972) Qaraǵandy ​​oblystyq sotynyń qylmystyq ister jónindegi sot alqasynyń tóraǵasy Rashıd Amantaıuly NURMAǴAMBETOV dúnıege keldi.

Qaraǵandy ​​qalasynda týǵan. E.A. Bóketov atyndaǵy Qaraǵandy ​​memlekettik ýnıversıtetin bitirgen, zańger (1998).

Eńbek joly: Qaraǵandy ​​oblysy Nura aýdandyq sotynyń sot oryndaýshysy (1994-1997); Kırov aýdany ákiminiń apparaty janyndaǵy sanıtarlyq jasaqtyń múshesi, Qaraǵandy ​​oblysy Kırov aýdandyq sotynyń sot oryndaýshysy, aǵa sot oryndaýshy (1997-1998); Qaraǵandy ​​oblysy boıynsha Sot qaýlylaryn oryndaý komıteti keńestik aýmaqtyq bóliminiń aǵa sot oryndaýshysy (1998-1999); Qaraǵandy oblysy № 2 aýdandyq sotynyń sýdıasy. Qaraǵandy ​​oblysynyń Qazybek bı (1999-2007); Qaraǵandy ​​oblysy Abaı aýdandyq sotynyń tóraǵasy (2007-2009); Qaraǵandy ​​oblysy Shahtınsk qalasy sotynyń tóraǵasy (2009-2015).

Qazirgi qyzmetin 2015 jyldyń jeltoqsan aıynan beri atqaryp keledi.