27 naýryzda respýblıka joldaryndaǵy ahýal qandaı

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, kelesi avtojoldarda qozǵalysqa shekteý engizildi:

Soltústik Qazaqstan oblysy

• «Tımırıazevo — Sarykól — Qostanaı oblysynyń shekarasy» avtojolynyń 0-30- shaqyrym aralyǵy (Tımırıazevo aýyly — Qostanaı oblysynyń shekarasy ýchaskesi).

Pavlodar oblysy

• «Astana — Shiderti — Pavlodar — Ýspenka — Reseı Federatsııasynyń shekarasy» avtojolynda («Qalqaman» jolaıryǵy — Qalqaman kentine kireberis jáne Astana baǵytyna shyǵaberis ýchaskesi).

Shyǵys Qazaqstan oblysyndaǵy Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde saqtalady.

Eske salaıyq, Tótenshe jaǵdaılar mınıstrligi tuman men kóktaıǵaqqa baılanysty júrgizýshilerge eskertý jasaǵan edi.