27 naýryz. Tulǵalar týǵan kún
Búgin, 27 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
68 jyl buryn (1957) qazaqstandyq ǵalym, tehnıka ǵylymdarynyń doktory, professor, QR UǴA akademıgi Ǵalymqaıyr Mutanuly MUTANOV dúnıege keldi.
Semeı oblysy (qazirgi Abaı oblysy) Jarma aýdany Belterek aýylynda dúnıege keldi.
1979 jyly Qazaq polıtehnıkalyq ınstıtýtyn «Avtomatıka jáne telemehanıka» mamandaǵy boıynsha támamdady.
1979-1980 jyldary Rýdnyı ındýstrııalyq ınstıtýtynda assıstent bolyp qyzmet atqardy. 1980-1982 jyldary Máskeý bolat jáne qorytpalar ınstıtýtynda synaq merziminen ótken. 1982-1983 jyldary Rýdnyı ındýstrııalyq ınstıtýtynda muǵalimdik qyzmetin atqardy. 1983-1987 jyldary Máskeý memlekettik ken ýnıversıtetiniń aspıranty boldy. 1987-1991 jyldary Rýdnyı ındýstrııalyq ınstıtýtynda aǵa oqytýshy, dotsent jáne kafedra meńgerýshisi qyzmetinde boldy. 1991-1993 jyldary Máskeý memlekettik ken ýnıversıtetiniń doktorantýrasyn aıaqtap, doktorlyq dıssertatsııasyn qorǵady. 1993-1995 jyldary Rýdnyı ındýstrııalyq ınstıtýtynda professor jáne kafedra meńgerýshisi qyzmetterin atqardy. 1995-1996 jyldary Petropavl qalasyndaǵy joǵarǵy tehnıkalyq kolledjiniń rektory bolyp qyzmet atqarǵan. 1996-2002 jyldary Soltústik Qazaqstan memlekettik ýnıversıtetiniń rektory boldy. 1998 jyly «Qazaqstan Respýblıkasynyńqurmetti bilim jáne ǵylym qaıratkeri» ataǵyna ıe boldy. 2002-2003 jyldary QR bilim jáne ǵylym birinshi vıtse-mınıstri laýazymynda jumys istedi. 2003-2010 jyldary D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń rektory boldy.
2010-2021 jyldary ál-Farabı atyndaǵy Qazaq ulttyq ýnıversıtetiniń rektory boldy.
59 jyl buryn (1966) Qazaqstan Respýblıkasy Joǵarǵy sot sýdıasy Serik Ahashuly ÁBDІRAHMANOV dúnıege keldi.
Pavlodar oblysy Baıanaýyl aýdany Baıanaýyl aýylynda týǵan. 1990 jyly Qaraǵandy memlekettik ýnıversıtetiniń zań fakýltetin bitirgen, zańger.
Eńbek jolyn 1990 jyldary Almaty qalasynda Frýnze aýdany prokýrorynyń kómekshisi bolyp bastaǵan. Keıinnen Almaty oblysy prokýratýrasynyń aǵa tergeýshisi, 1995-1996 jyldary Almaty qalasy sotynyń arbıtraj sýdıasy, 1996-2004 jyldary Almaty qalasy sotynyń sýdıasy boldy. 2004-2005 jyldary QR Prezıdenti Ákimshiligi sot júıesindegi memlekettik-quqyqtyq basqarma máseleleri boıynsha bólimniń aǵa sarapshysy, 2005-2007 jyldary QR Joǵarǵy sot tóraǵasynyń keńesshisi bolyp qyzmet atqarǵan. 2007-2008 jyldary Almaty oblysynda mamandandyrylǵan aýdanaralyq ekonomıkalyq sot tóraǵasy, 2008-2010 jyldary Almaty qalasynda mamandandyrylǵan ekonomıkalyq sot tóraǵasy, 2010-2014 jyldary Almaty qalalyq soty apellıatsııalyq sot alqasynyń tóraǵasy qyzmetinde boldy.
2014 jyldyń mamyr aıynan beri qazirgi qyzmetinde.
55 jyl buryn (1970) Qazaqstan Respýblıkasy Ulttyq akademııalyq kitaphanasynyń dırektory Kúmis Qarsaqbaıqyzy SEIІTOVA dúnıege keldi.
Qaraǵandy oblysy Shet aýdanynda dúnıege kelgen. Jezqazǵan pedagogıkalyq ınstıtýtyn «Qazaq synyptaryndaǵy orys tili men ádebıeti muǵalimi» mamandyǵy boıynsha bitirgen (1993).
Eńbek joly: Qazaqstan Jastar odaǵy Jezqazǵan oblystyq komıtetiniń ekinshi hatshysy; Jezqazǵan oblystyq tarıhı-ólketaný mýzeıiniń tarıh jáne etnografııa bóliminiń kishi, aǵa ǵylymı qyzmetkeri; Jezqazǵan tarıhı-arheologııalyq murajaıynyń ekskýrsııalyq-buqaralyq sektorynyń aǵa ǵylymı qyzmetkeri, dırektorynyń orynbasary, kommertsııalyq máseleler jónindegi birinshi orynbasary; «Qazaqstan Respýblıkasy Ádilet organdary, memlekettik jáne basqa da uıymdar qyzmetkerleriniń biliktiligin arttyrý ınstıtýty» JAQ ádistemelik, oqý-ádistemelik ortalyǵynyń jetekshi mamany; «Qazaqstan Respýblıkasynyń ádilet organdary, memlekettik jáne basqa da uıymdary qyzmetkerleriniń biliktiligin arttyrý ınstıtýty» JAQ Uıymdastyrý-kadr jumysy bóliminiń basshysy; Qazaqstan Respýblıkasy Mádenıet, aqparat jáne sport mınıstrligi Tarıhı-mádenı mura departamenti Tarıhı-mádenı mura, murajaılar jáne kitaphanalar departamenti eskertkishterdi qorǵaý jáne esepke alý bóliminiń bas sarapshysynyń m.a.; Qazaqstan Respýblıkasy Mádenıet, aqparat jáne sport mınıstrligi Tarıhı-mádenı mura departamenti Tarıhı-mádenı mura, murajaılar jáne kitaphanalar basqarmasynyń bas sarapshysy, eskertkishterdi qorǵaý jáne esepke alý bóliminiń bastyǵy; Qazaqstan Respýblıkasy Mádenıet jáne aqparat mınıstrligi Tarıhı-mádenı mura departamenti dırektorynyń orynbasary; Qazaqstan Respýblıkasy Mádenıet jáne aqparat mınıstrligi Mádenıet jáne tilderdi damytý departamenti Strategııalyq damý basqarmasynyń bas sarapshysy; Qazaqstan Respýblıkasy Mádenıet jáne aqparat mınıstrligi Aqparat jáne muraǵattar komıteti Býhgalterlik esep basqarmasynyń bas sarapshysy; Qazaqstan Respýblıkasy Mádenıet mınıstrligi Mádenıet komıtetiniń Kınematografııa jáne teatr óneri basqarmasynyń bastyǵy; Qazaqstan Respýblıkasy Mádenıet jáne sport mınıstrligi Mádenıet jáne óner departamentiniń Kınematografııa jáne teatr óneri basqarmasynyń bastyǵy; Qazaqstan Respýblıkasy Mádenıet jáne sport mınıstrligi Mádenıet jáne óner departamenti dırektorynyń orynbasary (2015-2017); Qazaqstan Respýblıkasy Mádenıet jáne sport mınıstrligi Zań qyzmeti departamentiniń dırektory (2017-2019); Qazaqstan Respýblıkasy Mádenıet jáne sport mınıstrligi Mádenıet jáne óner departamentiniń dırektory (2019-2021); Qazaqstan Respýblıkasy Mádenıet jáne sport mınıstrligi Mádenıet komıteti tóraǵasynyń orynbasary (2021-2023); Qazaqstan Respýblıkasy Mádenıet jáne sport mınıstrligi Mádenıet komıtetiniń tóraǵasy (2023); Qazaqstan Respýblıkasy Mádenıet jáne aqparat mınıstrligi Mádenıet komıtetiniń tóraǵasy (2023-2025).
2025 jyldyń aqpan aıynan bastap qazirgi qyzmetinde.
«Qurmet» ordenimen marapattalǵan (2024).
54 jyl buryn (1971) «ıAdrolyq fızıka ınstıtýty» RMK bas dırektory Saıabek Qýanyshbekuly SAHIEV dúnıege keldi.
Shymkentte týǵan. Ál-Farabı atyndaǵy Qazaq memlekettik ýnıversıtetin fızıka mamandyǵy boıynsha úzdik bitirgen (1996); E.A.Bóketov atyndaǵy Qaraǵandy ýnıversıtetin «Quqyqtaný» mamandyǵy boıynsha bitirgen (2005). Fızıka-matematıka ǵylymdarynyń doktory, Qazaq ulttyq jaratylystaný ǵylymdary akademııasynyń akademıgi.
Eńbek joly: Ál-Farabı atyndaǵy Qazaq memlekettik ýnıversıtetiniń aǵa oqytýshysy (1995-2000); Qazaqstan Respýblıkasy Bilim jáne ǵylym mınıstrliginiń bas mamany, bólim bastyǵy, basqarma basshysynyń orynbasary, basqarma bastyǵy (2000-2001); Qazaqstan Respýblıkasy Bilim jáne ǵylym mınıstrligi Joǵary jáne orta kásiptik bilim departamenti Memlekettik standarttar jáne memlekettik tapsyrystardy qalyptastyrý bóliminiń bas mamany (2001-2002); Qazaqstan Respýblıkasy Bilim jáne ǵylym mınıstrligi Joǵary jáne orta kásiptik bilim departamenti lıtsenzııalaý bóliminiń bas mamany (2002); Ǵylym departamenti Ǵylymı-tehnıkalyq baǵdarlamalar men ınnovatsııalyq qyzmetti boljaý jáne damytý dırektsııasynyń ǵylymı-tehnıkalyq baǵdarlamalar jáne ınnovatsııalyq qyzmet bóliminiń bastyǵy (2002); Qazaqstan Respýblıkasy Bilim jáne ǵylym mınıstrligi Joǵary jáne joǵary oqý ornynan keıingi bilim departamenti Memlekettik tapsyrys jáne bilim berý standarttary departamenti Memlekettik bilim berý standarttary basqarmasynyń bastyǵy (2002-2003); Memlekettik standarttar basqarmasynyń bastyǵy – Qazaqstan Respýblıkasy Bilim jáne ǵylym mınıstrligi Joǵary jáne joǵary oqý ornynan keıingi kásiptik bilim departamentiniń uıymdyq-ádistemelik qamtamasyz etý basqarmasy bastyǵynyń orynbasary (2003-2004); Qazaqstan Respýblıkasy Bilim jáne ǵylym mınıstrligi Joǵary jáne joǵary oqý ornynan keıingi kásiptik bilim departamentiniń memlekettik standarttar, uıymdyq-ádistemelik qamtamasyz etý basqarmasynyń bastyǵy (2004); Qazaqstan Respýblıkasy Bilim jáne ǵylym mınıstrligi Bilim basqarmasynyń kadr jáne uıymdastyrý jumysy bóliminiń bastyǵy (2004-2005); «Otan» partııasy tóraǵasynyń kómekshisi (2005-2006); «Otan» partııasy ortalyq apparaty áleýmettik-ekonomıkalyq saıasat departamentiniń dırektory (2006); «Otan» Respýblıkalyq saıası partııasy Ideologııalyq jumys departamenti partııanyń baǵdarlamalyq qujattarynyń oryndalýyn baqylaý departamenti dırektorynyń orynbasary-basshysy (2006-2007); «Nur Otan» HDP Monıtorıng baǵdarlamalary jáne syrtqy baılanystar departamentiniń dırektory (2007-2008); «Nur Otan» HDP Jastar saıasaty jáne syrtqy baılanystar bóliminiń syrtqy baılanystar bóliminiń meńgerýshisi (2008); «Nur Otan» HDP Syrtqy baılanystar bóliminiń meńgerýshisi (2008-2013); «Nur Otan» HDP Ortalyq apparaty Hatshylyǵy Hattamasynyń halyqaralyq yntymaqtastyq bóliminiń meńgerýshisi (2013); QazIITÝ ǵylymı-óndiristik kesheni zańdy tulǵalar birlestiginiń prezıdenti (2013-2015); Qazaqstan Respýblıkasy Energetıka mınıstrliginiń «ıAdrolyq fızıka ınstıtýty» sharýashylyq júrgizý quqyǵyndaǵy respýblıkalyq memlekettik kásipornynyń bas dırektory (2015-2016); QazIITÝ ǵylymı-óndiristik kesheni zańdy tulǵalar birlestiginiń prezıdenti (2016-2017); Abaı atyndaǵy Qazaq ulttyq pedagogıkalyq ýnıversıteti ǵylym departamentiniń dırektory (2017-2020); Abaı atyndaǵy Qazaq ulttyq pedagogıkalyq ýnıversıtetiniń ǵylymı jumystar jáne tsıfrlandyrý jónindegi prorektory (2020-2021); Qazaq ulttyq ǵylymı agrarlyq ýnıversıtetiniń agrotehnıkalyq habynyń dırektory (2021-2022).
2022 jyldyń sáýir aıynan bastap qazirgi qyzmetinde.
53 jyl buryn (1972) Qaraǵandy oblystyq sotynyń qylmystyq ister jónindegi sot alqasynyń tóraǵasy Rashıd Amantaıuly NURMAǴAMBETOV dúnıege keldi.
Qaraǵandy qalasynda týǵan. 1998 jyly E.A. Bóketov atyndaǵy Qaraǵandy memlekettik ýnıversıtetin zańger mamandyǵy boıynsha bitirgen.
Eńbek joly: 1994-1997 jyldary Qaraǵandy oblysy Nura aýdandyq sotynyń sot oryndaýshysy, 1997-1998 jyldary Kırov aýdany ákiminiń apparaty janyndaǵy sanıtarlyq jasaqtyń múshesi, Qaraǵandy oblysy Kırov aýdandyq sotynyń sot oryndaýshysy, aǵa sot oryndaýshy, 1998-1999 jyldary Qaraǵandy oblysy boıynsha Sot qaýlylaryn oryndaý komıteti keńestik aýmaqtyq bóliminiń aǵa sot oryndaýshysy, 1999-2007 jyldary Qaraǵandy oblysy Qazybek bı atyndaǵy № 2 aýdandyq sotynyń sýdıasy qyzmetin atqarǵan. 2007-2009 jyldary Qaraǵandy oblysy Abaı aýdandyq sotynyń tóraǵasy, 2009-2015 jyldary Qaraǵandy oblysy Shahtınsk qalasy sotynyń tóraǵasy boldy.
Qazirgi qyzmetin 2015 jyldyń jeltoqsan aıynan beri atqaryp keledi.
52 jyl buryn (1973) Qoldanbaly etnosaıası zertteýler ınstıtýty dırektorynyń orynbasary Aıgúl Kákimbekqyzy SADÝAQASOVA dúnıege keldi.
L.N. Gýmılev atyndaǵy Eýrazııa ulttyq ýnıversıtetin bitirgen.
Eńbek joly: 1995-1997 jyldary Seıfýllın atyndaǵy Agrarlyq ýnıversıtettiń áleýmettaný kafedrasynyń oqytýshysy, 2001-2002 jyldary QR Mádenıet, aqparat jáne qoǵamdyq kelisim mınıstrligi BAQ bóliminiń bas mamany, 2002 jyly QR Mádenıet, aqparat jáne qoǵamdyq kelisim mınıstrligi BAQ departamentiniń BAQ esebi jáne monıtorıngi basqarmasynyń bastyǵy qyzmetinde boldy. 2002-2003 jyldary QR Prezıdentiniń janyndaǵy Memlekettik basqarý akademııasynyń Memlekettik basqarý jáne memlekettik qyzmet teorııasy men tájirıbesi ǵylymı-zertteý ınstıtýty dırektorynyń orynbasary, 2005-2006 jyldary QR Prezıdentiniń janyndaǵy Memlekettik basqarý akademııasynyń áleýmettaný ortalyǵynyń meńgerýshisi, 2006-2007 jyldary QR Prezıdentiniń janyndaǵy Memlekettik basqarý akademııasy saıası tehnologııalar kafedrasynyń dotsenti, «KazEnergy» birlestiginde sarapshy-analıtık bolyp qyzmet atqarǵan. 2007-2010 jyldary «Nur Otan» HDP Parlamentarızm ınstıtýtynda sotsıologııalyq zertteýler bóliminiń meńgerýshisi, 2011-2020 jyldary QR Prezıdentiniń janyndaǵy Memlekettik basqarý akademııasy Ortalyq Afrıka Respýblıkasyndaǵy Etnosaralyq jáne konfessııaaralyq qatynastardy zertteý ortalyǵynyń basshysy boldy.
2020 jyldyń maýsym aıynan bastap qazirgi qyzmetinde.