27 myń elordalyq júrgizýshiniń 1 mlrd teńgeden astam aıyppul bereshegi bar
«Іshki ister mınıstriniń tapsyrmasymen patrýldik polıtsııa qyzmetkerleriniń planshetterge «Sergek» beınekameralarymen biriktirilgen «Qorǵaý» júıesi qosymshasy ázirlendi. «Qorǵaý» engizilgennen beri jalǵan memlekettik júrgizýshi kýáligi bar 101 júrgizýshi anyqtaldy. Sonymen qatar kólik basqarý quqyǵynan aıyrylǵan 1 296 adam ustaldy. 903 kólik aıypturaqqa qoıyldy. 27 229 myń júrgizýshige 1 mlrd teńgeden astam aıyppul bereshegi bar ekeni habarlandy», - dedi Astana qalalyq Ákimshilik polıtsııa basqarmasynyń bólim basshysy Baýyrjan Toǵjumanov BAQ ókilderiniń qatysýymen ótken brıfıngide.
Sonymen birge ol jyl basynan elorda aýmaǵynda 110 jol-kólik oqıǵasy tirkelip, saldarynan 6 adam qaza tapqanyn aıtty. Buǵan qosa, 123 adam ártúrli dene jaraqatyn alǵan.
Baýyrjan Toǵjumanovtyń dereginshe, bıyl Astanada jol erejesin saqtamaýdyń 94 044 faktisi anyqtalyp, 729 mln teńgeden astam somaǵa aıyppul salyndy.