27 qyrkúıek. Tulǵalar týǵan kún

ASTANA. QazAqparat – Búgin, ıaǵnı 27 qyrkúıek kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

59 jyl buryn (1963) Qazaqstan Respýblıkasy Kásipodaqtar federatsııasy tóraǵasynyń birinshi orynbasary Muhtar Bákiruly TІNІKEEV dúnıege keldi.

Qaraǵandyda týǵan. Qaraǵandy memlekettik tehnıkalyq ýnıversıtetin taý-ken ınjener-qurylysshy mamandyǵy boıynsha jáne E.A. Bóketov atyndaǵy Qaraǵandy memlekettik ýnıversıtetin zańger mamandyǵy boıynsha bitirgen. Qaraǵandy tehnıkalyq ýnıversıtetiniń tehnıka ǵylymdarynyń qurmetti doktory. Eńbek joly: 1980-1981 jyldary – «Qaraǵandy kómir» ÓB № 22 shahtasynda elektr slesar, 1981-1983 jyldary –áskerı qyzmet, vzvod komandıriniń orynbasary, Polsha Halyq Respýblıkasynda Soltústik áskerler toby, 1983-1990 jyldary – «Qaraǵandy kómir» ÓB «Kırov» shahtasynyń № 4 ýchaskesinde tazalaý kenishiniń taý-ken jumysshysy, 1990-1993 jyldary – HІІ saılanǵan Qazaq KSR Joǵarǵy Keńesiniń halyq depýtaty. 1994-1995 jyldary – HІІІ saılanǵan Qazaq KSR Joǵarǵy Keńesiniń depýtaty. 2002-2004 jyldary – ІІ saılanǵan Qazaqstan Respýblıkasy Parlamenti Májilisiniń depýtaty. 2004-2007 jyldary – ІІІ saılanǵan Qazaqstan Respýblıkasy Parlamenti Májilisiniń depýtaty. 2007-2011 jyldary – ІV saılanǵan Qazaqstan Respýblıkasy Parlamenti Májilisiniń depýtaty. 2012 jylǵy 20 qańtardan bastap V saılanǵan Qazaqstan Respýblıkasy Parlamenti Májilisiniń depýtaty.

Qazirgi qyzmetinde – 2017 jyldyń jeltoqsanynan.

46 jyl buryn (1976) Nur-Sultan qalasy ákimdiginiń Ádep jónindegi ýákili Rýslan Rahmetuly SEGІZBAEV dúnıege keldi.

Almaty qalasynda týǵan. 1998 jyly Qazaq memlekettik basqarý akademııasyn, 2008 jyly Eýrazııa naryq ınstıtýtyn bitirgen.

Eńbek joly: 1999-2007 jyldary – QR Statıstıka agenttiginiń Aýyl, orman jáne sý sharýashylyǵy basqarmasy bóliminiń jetekshi mamany. 2007-2009 jyldary – QR Statıstıka agenttigi ulttyq esep júrgizý departamenti ekonomıkalyq balans jáne qurylymdyq statıstıka basqarmasynyń qurylymdyq statıstıka bóliminiń bastyǵy. 2009-2012 jyldary – Qazaqstan Respýblıkasy Statıstıka agenttigi Tirkelimder jáne synyptamalar departamenti áleýmettik esepke alý bóliminiń bas mamany. 2012-2013 jyldary – Qazaqstan Respýblıkasy Prezıdenti Ákimshiligi Strategııalyq zertteýler jáne taldaý ortalyǵynyń sarapshysy. 2014-2014 jyldary – Qazaqstan Respýblıkasy Premer-Mınıstri orynbasarynyń keńesshisi. 2014-2016 jyldary – Qazaqstan Respýblıkasy Qarjy mınıstrligi Memlekettik qarjy esebi jáne statıstıka jónindegi dırektordyń orynbasary. 2016-2017 jyldary – Qazaqstan Respýblıkasy Qarjy mınıstrligi Strategııalyq damý departamentiniń dırektory. 2017-2018 jyldary – Qazaqstan Respýblıkasy Qarjy mınıstrligi Kadrlyq menedjment jáne strategııa departamentiniń dırektory.

Qazirgi qyzmetinde 2018 jyldyń qarashasynan bastap.

40 jyl buryn (1982) Qazaqstan Respýblıkasynyń Indýstrııa jáne ınfraqurylymdyq damý vıtse-mınıstri Dınara Rınatqyzy ŞEGLOVA dúnıege keldi.

Semeı qalasynda dúnıege kelgen. L. N. Gýmılev atyndaǵy Eýrazııa ulttyq ýnıversıtetin bitirgen, halyqaralyq quqyq (2004); Qazaq ekonomıkalyq ýnıversıteti, menedjment (2007); Qazaq ekonomıkalyq ýnıversıteti, aqparattyq júıeler (2011).

Eńbek joly: «IT Research Center» JShS joba menedjeri (2001-2004); Qazaqstan Respýblıkasy aqparattandyrý jáne baılanys agenttiginde aqparattandyrý departamentiniń jetekshi mamany (2004-2006); «Futurtech halyqaralyq aqparattyq tehnologııalar ınstıtýty» JShS bas dırektorynyń orynbasary (2006-2008); IBM kompanııasynyń Qazaqstandaǵy ókildiginde satý bóliminiń basshysy (2008-2011); «Ulttyq ınfokommýnıkatsııalyq Holdıng» AQ aqparattandyrýdyń servıstik modeli departamentiniń dırektory, ınfraqurylymdyq jobalar monıtorıngi departamentiniń bas menedjeri; «Zerde» ulttyq ınfokommýnıkatsııa holdıngi» AQ basqarýshy dırektory (2017-2018); «Zerde» ulttyq ınfokommýnıkatsııa holdıngi» AQ tóraǵasynyń orynbasary – basqarma múshesi (01.2018-06.2018); Qazaqstan Respýblıkasynyń aqparat jáne kommýnıkatsııalar vıtse-mınıstri (2018-2019); Qazaqstan Respýblıkasy Premer-Mınıstriniń keńesshisi 2019-2020).

Qazirgi qyzmetinde – 2020 jyldyń aqpan aıynan beri.