27 qyrkúıek. Tulǵalar týǵan kún
Búgin, 27 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
62 jyl buryn (1963) Qazaqstan Respýblıkasy Kásipodaqtar federatsııasy tóraǵasynyń birinshi orynbasary Muhtar Bákiruly TІNІKEEV dúnıege keldi.
Qaraǵandyda týǵan. Qaraǵandy memlekettik tehnıkalyq ýnıversıtetin taý-ken ınjener-qurylysshy mamandyǵy boıynsha jáne E.A. Bóketov atyndaǵy Qaraǵandy memlekettik ýnıversıtetin zańger mamandyǵy boıynsha bitirgen. Qaraǵandy tehnıkalyq ýnıversıtetiniń tehnıka ǵylymdarynyń qurmetti doktory.
Eńbek joly: 1980-1981 jyldary «Qaraǵandy kómir» ÓB № 22 shahtasynda elektr slesari, 1981-1983 jyldary áskerı qyzmet, vzvod komandıriniń orynbasary, Polsha Halyq Respýblıkasynda Soltústik áskerler toby, 1983-1990 jyldary «Qaraǵandy kómir» ÓB «Kırov» shahtasynyń № 4 ýchaskesinde tazalaý kenishiniń taý-ken jumysshysy, 1990-1993 jyldary HІІ saılanǵan Qazaq KSR Joǵarǵy Keńesiniń halyq depýtaty boldy. 1994-1995 jyldary HІІІ saılanǵan Qazaq KSR Joǵarǵy Keńesiniń depýtaty, 2002-2004 jyldary ІІ saılanǵan QR Parlamenti Májilisiniń depýtaty, 2004-2007 jyldary ІІІ saılanǵan QR Parlamenti Májilisiniń depýtaty, 2007-2011 jyldary ІV saılanǵan QR Parlamenti Májilisiniń depýtaty, 2012-2016 jyldary V saılanǵan QR Parlamenti Májilisiniń depýtaty, 2016 jyly VI saılanǵan QR Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi.
«Parasat», «Qurmet», t.b. orden-medaldarmen marapattalǵan.
59 jyl buryn (1966) Halyqty áleýmettik qorǵaýdy retteý jáne baqylaý komıtetiniń Ulytaý oblysy boıynsha departamentiniń basshysy Aınur Qanapıqyzy SATAEVA dúnıege keldi.
Soltústik Qazaqstan oblysynda dúnıege kelgen. Almaty ekonomıka jáne statıstıka ınstıtýtyn býhgalterlik esep jáne aýdıt mamandyǵy boıynsha bitirgen (2002).
Eńbek joly: «Kýstanaıelevatormelstroı» tresiniń Komsomolskaıa PMK-202 zerthanashysy (1986-1987); Ýrıtskıı atyndaǵy tehnıkalyq túgendeý bıýrosynyń túgendeý qyzmetiniń túgendeý tehnıgi (1987-1997); Qostanaı oblystyq eńbek jáne halyqty áleýmettik qorǵaý basqarmasynyń jetekshi mamany (1997-2001); Qazaqstan Respýblıkasy Eńbek jáne halyqty áleýmettik qorǵaý mınıstrliginiń Qostanaı oblysy boıynsha departamentinde bas maman, bólim bastyǵy, bólim bastyǵy (2001-2010); Qostanaı oblysy ákimdiginiń baqylaý jáne áleýmettik qorǵaý departamenti áleýmettik máseleler jónindegi basqarma basshysynyń orynbasary (2010-2017); Qostanaı oblysynyń eńbek jáne halyqty áleýmettik qorǵaý basqarmasy basshysynyń orynbasary (2017-2025).
2025 jyldyń shilde aıynan bastap qazirgi qyzmetinde.
52 jyl buryn (1973) «Qazaqstan halqyna» qaıyrymdylyq qorynyń resmı ókili Marat Ohapuly MUHAMEDSALIEV dúnıege keldi.
Shymkent qalasynda týǵan. 1997 jyly ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin bitirgen.
BAQ jáne PR salasynda 1996 jyldan bastap jumys isteıdi. Ár jyldary «Habar», «Qazaqstan», AstanaTV telearnalarynda jańalyqtar men taldaý baǵdarlamalarynyń redaktory, júrgizýshisi boldy. 2000 jyly «Kazakhoil» UMK Baspasóz qyzmeti basshysynyń orynbasary, 2003 jyly «QazMunaıTeńiz» AQ Qoǵammen baılanys departamentiniń dırektory, 2004-2005 jyldary «QazMunaıGaz» BÓ» AQ-da qyzmet atqardy.
2007-2013 jyldary «KEGOC» AQ baspasóz hatshysy, 2013-2018 jyldary «Samuryq-Energo» AQ, 2018-2020 jyldary «Halyqaralyq jasyl tehnologııalar men ınvestıtsııalyq jobalar ortalyǵy» KEAQ kompanııalarynda baspasóz hatshysy qyzmetinde boldy. 2020-2021 jyldary «Ǵylym qory» AQ qoǵammen baılanys salasynda jumys istedi. 2021-2023 jyldary «Samuryq-Qazyna» Ulttyq ál-aýqat qory» AQ qoǵammen baılanys jáne marketıngtik kommýnıkatsııalar departamentiniń dırektory qyzmetin atqarǵan.
2023 jyldyń shilde aıynan bastap qazirgi qyzmetinde.
46 jyl buryn (1979) ShQO Din isteri basqarmasynyń basshysy Janat Jumaǵazınqyzy MEKEEVA dúnıege keldi.
Shyǵys Qazaqstan oblysy, Samara aýdany, Samar aýylynda dúnıege kelgen. S.Amanjolov atyndaǵy Shyǵys Qazaqstan memlekettik ýnıversıtetin qazaq tili men ádebıeti jáne quqyqtaný mamandyǵy boıynsha bitirgen.
Eńbek joly: Densaýlyq saqtaý, bilim berý basqarmalarynda, Shyǵys Qazaqstan oblysy ákiminiń apparatynda jumys istegen; «Shyǵys Qazaqstan oblysynyń ishki saıasat basqarmasy» memlekettik mekemesi basshysynyń orynbasary (2016-2022); «Shyǵys Qazaqstan oblysynyń ishki saıasat basqarmasy» memlekettik mekemesiniń basshysy (2022-2023); Shyǵys Qazaqstan oblysy ákiminiń keńesshisi (2023-2024).
2024 jyldyń aqpan aıynan beri qazirgi qyzmetinde.
45 jyl buryn (1980) Atyraý oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Polymbet Maksımuly HASANOV dúnıege keldi.
Inder aýdany, Inder aýylynda týǵan. Qazirgi zamanǵy gýmanıtarlyq ýnıversıtetin zańger mamandyǵy boıynsha bitirgen.
Eńbek joly: Atyraý oblysy Іshki ister departamenti júıesinde jumys istegen (2002-2005); kásipkerlik jáne ónerkásip basqarmasynyń bas mamany (2005-2006); Atyraý oblysy ákiminiń bas mamany, bas ınspektory (2006-2010); aýdan ákimi apparatynyń meńgerýshisi, Maqat aýdany ákiminiń orynbasary (2010-2014); oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary (2014); Atyraý qalasy ákimi apparatynyń basshysy, ákiminiń orynbasary (2014-2019); Atyraý oblysy ákimi apparaty basshysynyń orynbasary (2019-2021); Atyraý oblysy Isataı aýdanynyń ákimi (2021– 2023); Atyraý oblysynyń Kásipkerlik jáne ónerkásip basqarmasynyń basshysy (2023-2024).
2024 jyldyń jeltoqsan aıynan bastap qazirgi qyzmetinde.
43 jyl buryn (1982) Túrkistan oblysy prokýrorynyń orynbasary Dáýlet Bekbashuly TІLEMІSOV dúnıege keldi.
Túrkistan oblysy Túlkibas aýdanynda týǵan. Qazaq gýmanıtarlyq-zań ýnıversıtetin «quqyqtaný» mamandyǵy boıynsha bitirgen.
Jumys tájirıbesi: Ońtústik Qazaqstan oblysy Saıram aýdany prokýrorynyń kómekshisi (2005-2010); Ońtústik Qazaqstan oblysy prokýratýrasynda departament jáne ákimshilik prokýrory, oblys prokýrorynyń kómekshisi (2010-2016); Shymkent qalasy Saryaǵash jáne Abaı aýdandary prokýrorynyń orynbasary (2016-2020); Túrkistan oblysy Tólebı aýdanynyń prokýrory (2020-2021); Túrkistan oblysy Saıram aýdanynyń prokýrory (2021-2025).
2025 jyldyń shilde aıynan bastap qazirgi qyzmetinde.
43 jyl buryn (1982) Qazaqstan Respýblıkasynyń Ǵylym jáne joǵary bilim vıtse-mınıstri Dınara Rınatqyzy ŞEGLOVA dúnıege keldi.
Semeı qalasynda dúnıege týǵan. 2004 jyly Eýrazııa ulttyq ýnıversıtetin bitirgen. L. N. Gýmılev atyndaǵy Eýrazııa ulttyq ýnıversıtetin "Halyqaralyq quqyq" mamandyǵy boıynsha, 2007 jyly - Qazaq ekonomıkalyq ýnıversıtetin "Menedjment" mamandyǵy boıynsha, 2011 jyly - Qazaq ekonomıka, qarjy jáne halyqaralyq saýda ýnıversıtetin "Aqparattyq júıeler" mamandyǵy boıynsha támamdaǵan.
Eńbek joly: 2004-2006 jyldary QR Aqparattandyrý jáne baılanys Agenttiginiń jobalardy basqarý bóliminiń bas mamany bolyp jumys istedi. Ár jyldary kommertsııalyq qurylymdarda jumys istedi. 2011 jyldan bastap "Zerde "ulttyq ınfokommýnıkatsııa holdıngi" AQ-da ınfraqurylymdyq jobalar monıtorıngi departamentiniń bas menedjeri laýazymynda jumys isteı bastady, keıin aqparattandyrýdyń servıstik modeli departamentiniń dırektory laýazymyna aýystyryldy. 2017 jyly Basqarýshy dırektor laýazymyna taǵaıyndaldy, sodan keıin "Zerde "UAH"AQ Basqarma tóraǵasynyń orynbasary laýazymyn atqardy. 2018-2019 jyldary QR Aqparat jáne kommýnıkatsııalar vıtse-mınıstri qyzmetin atqarǵan. 2019-2020 jyldary QR Premer-Mınıstriniń keńesshisi, 2020-2023 jyldary QR Indýstrııa jáne ınfraqurylymdyq damý vıtse-mınıstri laýazymyn atqardy.
Qazirgi qyzmetine 2023 jylǵy 27 qarashada kiristi.