27 qańtar. Tulǵalar týǵan kún

ASTANA. QazAqparat - Búgin, ıaǵnı 27 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

75 jyl buryn (1948) «Astana Opera» memlekettik opera jáne balet teatry dırektorynyń birinshi orynbasary Tóleýbek Nyǵmetuly ÁLPIEV dúnıege keldi.

Máskeý konservatorııasy janyndaǵy P.Chaıkovskıı atyndaǵy mýzykalyq ýchılışesi (1964) men Qurmanǵazy atyndaǵy Almaty memlekettik konservatorııasyn skrıpka synyby boıynsha úzdik bitirgen (1977).

Eńbek jolyn 1970 jyly Frýnze qalasynda Qyrǵyz KSR Televıdenıe jáne Radıosy sımfonııalyq orkestriniń ártisi bolyp bastady. 1977-1985 jyldar aralyǵynda Jambyl atyndaǵy Memlekettik fılarmonııasy sımfonııalyq orkestriniń ártisi boldy (Almaty). 1985-1988 jyldary – «Qazaqkontsert» gastroldik-kontserttik birlestigi bas dırektorynyń orynbasary. 1988-1989 jyldary – Jambyl atyndaǵy Memlekettik fılarmonııasynyń dırektory–kórkemdik jetekshisi. 1989-1992 jyldary – Qazaq KSR Mınıstrler keńesi janyndaǵy Mádenıet isteri jónindegi memlekettik komıteti tóraǵasynyń orynbasary. 1992-1995 jyldary – Qazaqstan Respýblıkasy Mádenıet mınıstriniń orynbasary. 1995-2000 jyldary – QR Mádenıet jáne qoǵamdyq kelisim mınıstrliginiń Mádenıet komıteti janyndaǵy Respýblıkalyq jáne halyqaralyq mádenı baǵdarlamalar dırektsııasynyń bas dırektory. 2000-2013 jyldary Qazaqstannyń jańa astanasyndaǵy opera-balet óneriniń damýyna negiz bolǵan K.Baıseıitova atyndaǵy Ulttyq opera jáne balet teatryn basqardy. 2013-2014 jyldary – «Astana Opera» memlekettik opera jáne balet teatry dırektorynyń birinshi orynbasary. 2014 – 2016 jyldary – «Astana Opera» MOBT dırektory.

2016 jylǵy 28 qyrkúıekten bastap qazirgi ýaqytqa deıin – «Astana Opera» MOBT dırektorynyń birinshi orynbasary.

Marapattary: «Qazaqstannyń eńbek sińirgen qaıratkeri» ataǵy (1998), «Qurmet» (2005) jáne «Parasat»» (2011) ordenderi, «Dostastyq juldyzy» halyqaralyq syılyǵynyń laýreaty (2017), «Qazaqstan polıtsııasyna 25 jyl» tósbelgisi (2017), «Qazaq handyǵynyń 550 jyldyǵy», «Astananyń 20 jyldyǵy» medaldary bar. A.Jubanov pen L.Hamıdıdiń «Abaı» operasynyń qoıylymy úshin Qazaqstan Respýblıkasy Memlekettik syılyǵynyń laýreaty (2018).

58 jyl buryn (1965) Jambyl oblystyq sotynyń tóraǵasy Erbol Ulataıuly AHMETJANOV dúnıege keldi.

1990 jyly - Almaty qalasyndaǵy S.M.Kırov atyndaǵy Qazaq memlekettik ýnıversıtetiniń zań fakýltetin bitirgen. 2005-2009 jyldary - Almaty garnızony áskerı sotynyń sýdıasy. 2009-2014 jyldary Almaty qalasyndaǵy qylmystyq ister jónindegi mamandyrylǵan aýdanaralyq áskerı sotynyń sýdıasy. 2014-2017 jyldary Qylmystyq ister jónindegi mamandandyrylǵan aýdanaralyq áskerı sotynyń tóraǵasy. 2017-2020 jyldary – Qazaqstan Respýblıkasy Áskerı sotynyń azamattyq ister jónindegi apellıatsııalyq sot alqasynyń tóraǵasy.

Qazirgi qyzmetinde – 2020 jyldyń aqpan aıynan bastap.

58 jyl buryn (1965) Qazaqstan Respýblıkasynyń memleket qaıratkeri Marat Ápsemetuly QUSAIYNOV dúnıege keldi.

Ońtústik Qazaqstan oblysynda týǵan. 1988 jyly Almaty halyq sharýashylyǵy ınstıtýtyn «Ónerkásipti josparlaý» mamandyǵy boıynsha, 1997 jyly Qazaqstan Respýblıkasy Prezıdentiniń janyndaǵy Memlekettik basqarý Ulttyq joǵary mektebin «Memlekettik basqarý» mamandyǵy boıynsha oqyp bitirdi.

Eńbek jolyn 1988 jyly Qyzylorda qalalyq atqarý komıtetiniń apparatynda bólim nusqaýshysy bolyp bastady. 1997 jylǵy shildeden bastap Qazaqstan Respýblıkasy Premer-Mınıstri Keńsesinde aqparattandyrý bóliminde makroekonomıkalyq taldaý jáne aqparat sektorynyń konsýltanty, odan keıin jınaqtaý taldamalyq bóliminiń konsýltanty boldy. 2000 jyldyń tamyzynan bastap Qazaqstan Respýblıkasy Strategııalyq josparlaý agenttiginiń Áleýmettik-ekonomıkalyq taldaý departamenti dırektorynyń orynbasary, dırektory laýazymdaryn atqardy. Qazaqstan Respýblıkasy Ekonomıka jáne bıýdjettik josparlaý mınıstrliginiń apparatynda 2002 jyldyń jeltoqsanynan bastap departament dırektory laýazymynda qyzmet isteı bastady. 2006 jyldyń aqpanynda Qazaqstan Respýblıkasy Ekonomıka jáne bıýdjettik josparlaý vıtse-mınıstri bolyp taǵaıyndaldy. 2010 jyldyń naýryzynda Qazaqstan Respýblıkasy Ekonomıkalyq damý jáne saýda vıtse-mınıstri bolyp taǵaıyndaldy. 2017-2019 jyldary Qazaqstan Respýblıkasynan Eýrazııa ekonomıkalyq komıssııa alqasynyń múshesi (mınıstr). «Eýrazııa damý banki» basqarma tóraǵasynyń orynbasary (2019-2021). Qazaqstan Respýblıkasy Parlament Májilisiniń VIІ shaqyrylymynyń depýtaty, Qarjy jáne bıýdjet jónindegi komıtet tóraǵasy (2021-2023).

«Qurmet», «Parasat» ordenderimen, «Eren eńbegi úshin», «Qazaqstan Konstıtýtsııasyna 10 jyl», «Qazaqstan Respýblıkasynyń táýelsizdigine 25 jyl», «10 jyl Astana» medaldarymen marapattalǵan.

55 jyl buryn (1968) Ulttyq ulan Bas qolbasshysynyń tyl jónindegi orynbasary, general-maıor Jandos Qastelbekuly OMARQULOV dúnıege keldi.

Jambyl oblysynda týǵan. Keńes Odaǵynyń marshaly I. H. Bagramıan atyndaǵy Gorkov joǵary áskerı ýchılışesin (1989); armııa generaly A. V. Hrýlev atyndaǵy tyl jáne kólik áskerı akademııasyn (2008) bitirgen.

Eńbek joly: azyq - túlik qyzmetiniń ofıtserinen Tyl basqarmasynyń bastyǵyna deıin qyzmetter atqarǵan (1989-2009); Qazaqstan Respýblıkasy ІІM Іshki áskerler komıteti Tyl basqarmasynyń bastyǵy-Tyl bastyǵynyń orynbasary (2009); QR ІІM Іshki áskerler qolbasshysynyń tyl jónindegi orynbasary (2009-2013); QR ІІM Іshki áskerler Bas qolbasshysynyń tyl jónindegi orynbasary (2013-2014).

Qazirgi qyzmetinde - 2014 jyldyń mamyr aıynan bastap.

50 jyl buryn (1973) Shymkent qalasy prokýrorynyń birinshi orynbasary

Nurjan Aqypbekuly SEIDALIEV dúnıege keldi.

Ońtústik Qazaqstan oblysy Maqtaaral aýdany Keńesshil aýylynda dúnıege kelgen.

Bilimi joǵary, Q.A.ıAsaýı atyndaǵy halyqaralyq Qazaq-Túrik ýnıversıtetiniń zań fakýltetin bitirgen.

Eńbek joly: 1991 - 2001 jyldar aralyǵynda Ońtústik Qazaqstan oblysyndaǵy birqatar mekemelerde túrli qyzmetter atqardy.

2001-2005 jyldar aralyǵynda Túrkistan qalasy prokýrorynyń kómekshisi, keıinnen aǵa kómekshisi qyzmetterin atqardy.

2005-2009 jyldarySaryaǵash aýdany prokýrorynyń kómekshisi, aǵa kómekshisi qyzmetterin atqaryp, keıinnen aýdan prokýrorynyń orynbasary bolǵan.

2009-2010 jyldary qylmystyq ister boıynsha sot qaýlylarynyń zańdylyǵyn qadaǵalaý jáne memleket atynan aıypty qoldaý basqarmasy bastyǵynyń orynbasary, basqarma bastyǵy qyzmetterin atqarǵan.

2010-2011 jyldary Ońtústik Qazaqstan oblysy prokýrorynyń halyqaralyq sharttardyń qoldanylýyn qadaǵalaý jónindegi aǵa kómekshisi qyzmetin atqarǵan.

2011-2012 jyldary qylmystyq ister boıynsha sot qaýlylarynyń zańdylyǵyn qadaǵalaý jáne memleket atynan aıypty qoldaý basqarmasynyń bastyǵy qyzmetin atqarǵan.

2012-2017 jyldary Ońtústik Qazaqstan oblysy prokýroratýrasynda túrli basshylyq qyzmetterin atqarǵan.

2018 jyly Ońtústik Qazaqstan oblysy prokýroratýrasynyń qylmystyq qýdalaý basqarmasynyń bastyǵy qyzmetin atqarǵan. Shymkent qalasy Ál-Farabı aýdanynyń prokýrory bolyp qyzmet atqardy.

Qazirgi qyzmetin 2020 jyldyń aqpan aıynan beri atqaryp keledi.