26 tamyzda Almatyda sýyq sý óshiriledi
ALMATY. KAZINFORM – Almatyda sý qubyry jelilerinde tehnologııalyq jabdyqtardy aýystyrý jumystary jalǵasyp jatyr. Osyǵan baılanysty qala turǵyndary men qonaqtaryna erteń, 26 ýaqytsha sýyq sý ýaqytsha berilmeıtini eskertildi.
«Almaty Sý» sharýashylyq júrgizý quqyǵyndaǵy memlekettik kommýnaldyq kásiporynnyń málimetinshe, 26 tamyzda saǵat 00:00-den 24:00-ge deıin Áýezov, Bostandyq jáne Naýryzbaı aýdandaryndaǵy turǵyn úıler men ákimshilik ǵımarattarǵa sýyq sý berý ýaqytsha toqtatylady.
Shekteýler kelesi kósheler aýmaǵynda engiziledi:
• Abylaı dańǵyly – Saıyn kóshesi – Shalıapın kóshesi – Áshimov kóshesi;
• Shalıapın kóshesi – Saıyn kóshesi – Jandosov kóshesi – ıAssaýı kóshesi;
• Jandosov kóshesi – Úlken Almaty ózeni – ál-Farabı dańǵyly – Saıyn kóshesi;
• Jandosov kóshesi – Saıyn kóshesi – Asqarov kóshesi – Qarǵaly ózeni;
• Dýlatı kóshesi, Han-Táńiri yqshamaýdany.
Mamandardyń habarlaýynsha, jumystardy júrgizý kezinde Altynsarın dańǵyly – Shalıapın kóshesi – Saıyn kóshesi – Abylaı dańǵyly aýdandarynda sýdyń qysymy tómendeýi múmkin.
– «Almaty Sý» sharýashylyq júrgizý quqyǵyndaǵy memlekettik kommýnaldyq kásiporny ýaqytsha keltirilgen qolaısyzdyqtar úshin keshirim suraıdy jáne tutynýshylardan tehnıkalyq jumystardy júrgizýge baılanysty týyndaǵan ýaqytsha shekteýlerge túsinistikpen qaraýdy suraıdy, - delingen habarlamada.
Qala turǵyndary qosymsha aqparat alý úshin 274-66-66 nómirine habarlasa alady.
Eske salaıyq, buǵan deıin Almatyda sý qubyryn aýystyrý jumystaryna baılanysty Myńbaev kóshesiniń jekelegen bólikterinde avtokólik qozǵalysyna ýaqytsha shekteýler engiziletinin habarlaǵan edik.