26 qytaılyq Qazaqstan aýmaǵynan shyǵaryldy

Jambyl oblysynda kóshi-qony salasyndaǵy zańnamasyn buzǵan 26 Qytaı azamattaryna qatysty sot úkimi shyqty. Bul týraly Jambyl oblysynyń Sarysý aýdandyq sotynan habarlandy.

«2024 jyly qyrkúıek aıynda Qytaı azamattary tıisti ruqsatty almaı, salynyp jatqan zaýyttyń aýmaǵynda jumys istegen. Sotta quqyq buzýshylar kinálaryn moıyndamaı, biri týrıst retinde kelgenin, al biri jumys izdeý maqsatynda kelgenin aıtyp kórsetken. QR ruqsatsyz eńbek qyzmetin júzege asyrý faktisi ákimshilik quqyq buzýshylyq týraly hattamalarmen, sondaı-aq is boıynsha jınalǵan materıaldarymen rastaldy», - delingen habarlamada.

Sot qaýlylarymen qytaılyqtar kináli dep tanylyp, olar Qazaqstan aýmaǵynan shyǵaryldy.

Qaýlylar zańdy kúshine endi.