26 qyrkúıek. Tulǵalar týǵan kún

Búgin, 26 qyrkúıek tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

66 jyl buryn (1957) qazaq trombonshysy, kompozıtor jáne mýzykalyq pedagog, dırıjer, Qazaqstan Respýblıkasynyń eńbek sińirgen qaıratkeri Qanat Muǵynuly AHMETOV dúnıege keldi.

Qaraǵandy qalasynyń týmasy. Máskeý memlekettik konservatorııasynyń orkestrlik fakýltetin (trombon synyby boıynsha, 1981 jyly) bitirip, Reseı memlekettik úrlemeli aspaptar orkestri quramynda stajırovkadan (1987 – 1988 jyldary) ótken.

1994 jyly Qazaq ulttyq konservatorııasynyń aspırantýrasyn bitirdi. 1982 jyldan osy konservatorııada pedagogıkalyq qyzmetpen (2000 jyldan professor) aınalysty.

1990 jyldan Qazaq memlekettik fılarmonııasyna qarasty Úrmeli aspaptar orkestriniń kórkemdik jetekshisi ári bas dırıjeri bolyp, orkestrdiń kórkemdik-shyǵarmalyq deńgeıin kóterýge eleýli eńbek sińirdi.

Úrlemeli orkestr quramynda gastroldik saparmen Ispanııa, Frantsııa, Reseı jáne Taıvanda (1998 jyly), t.b. elderde bolyp, halyqaralyq festıvaldar men kongresterde óner kórsetti.

Halyqaralyq trombonshylar assotsıatsııasy (ІTA) men ıÝNESKO-nyń qoldaýyndaǵy dúnıejúzilik úrlemeli aspaptar orkestri assotsıatsııasynyń (WASBE) múshesi. 1995 jyly «Abylaıdyń joryǵy» jáne «Azııa daýysy» atty kompakt-dıskileri, al 1996 jyly úrmeli aspaptar orkestri boıynsha qazaq kompozıtorlary shyǵarmalaryn oqý oryndarynda ótýden jazǵan eńbegi Avstrııada basylyp shyqty.

52 jyl buryn Qazaqstan Respýblıkasy Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary Laýra Mustafaqyzy AHMETNIıAZOVA dúnıege keldi.

Shyǵys Qazaqstan oblysynda týǵan. Aqtóbe memlekettik medıtsına ınstıtýtyn, Ońtústik Qazaqstan memlekettik medıtsına akademııasyn bitirgen.

Eńbek joly: «Fosfor» medıtsınalyq bólimshesiniń ýchaskelik terapevti, Shymkent (1993); Mindetti medıtsınalyq saqtandyrý qory Ońtústik Qazaqstan oblysy boıynsha fılıalynyń bas mamany (1997-2000); Ońtústik Qazaqstan oblysy densaýlyq saqtaý basqarmasynyń bas mamany (2000-2005); medıtsınalyq qyzmet kórsetý sapasyn baqylaý komıtetiniń Aqmola oblystyq departamentiniń bólim meńgerýshisi (2005-2006); QR Densaýlyq saqtaý mınıstrligi Medıtsınalyq qyzmettiń sapasyn baqylaý komıtetiniń departament basshysy (2006-2008); «Ulttyq medıtsınalyq holdıng» AQ menedjeri (2008-2009); QR Densaýlyq saqtaý mınıstrligi Medıtsınalyq qyzmet kórsetý salasyndaǵy baqylaý komıteti departamentiniń basshysy (2009-2010); Astana qalalyq densaýlyq saqtaý basqarmasy basshysynyń orynbasary (2010-2011); QR Densaýlyq saqtaý mınıstrliginiń Strategııalyq damý departamenti dırektorynyń orynbasary (2011-2013); QR Densaýlyq saqtaý mınıstrligi Medıtsınalyq jáne farmatsevtıkalyq qyzmetti baqylaý komıtetiniń tóraǵasy (2013-2014); QR Densaýlyq saqtaý jáne áleýmettik damý mınıstrligi Strategııalyq damý departamenti dırektorynyń orynbasary (2014-2017); QR Densaýlyq saqtaý mınıstrligi Medıtsınalyq kómekti uıymdastyrý departamentiniń dırektory (2017-2018); QR Densaýlyq saqtaý mınıstrligi Qoǵamdyq densaýlyqty qorǵaý komıteti tóraǵasynyń orynbasary (2018-2019); QR Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary – QR Medıtsınalyq qyzmet kórsetý salasyndaǵy baqylaý jónindegi bas memlekettik ınspektor (2019 jyldan bastap).

«Qazaqstan Respýblıkasy densaýlyq saqtaý isiniń úzdigi» tósbelgisimen, Qazaqstan Táýelsizdiginiń 20 jáne 25 jyldyǵyna arnalǵan medaldarmen, Qazaqstan Respýblıkasynyń Qurmet gramotasymen marapattalǵan.

46 jyl buryn (1977) Qazaqstan Respýblıkasy Prezıdenti baspasóz hatshysynyń orynbasary Shalqar Muqashuly QOJAEV dúnıege keldi.

Ál-Farabı atyndaǵy Qazaq ulttyq ýnıversıtetin halyqaralyq jýrnalıstıka mamandyǵy boıynsha, Qazaq ınnovatsııalyq gýmanıtarlyq-zań ýnıversıtetin bıznes ákimshilik mamandyǵy boıynsha támamdaǵan.

Eńbek joly: Semeı qalasynyń jergilikti telearnasynyń jýrnalısti; «Qazaqstan-Semeı» QTRK tilshisi, ShQO (2005-2011); «Eýrazııa» telearnasynyń tilshisi; «Habar» arnasynyń bas redaktory, jańalyqtar qyzmetiniń bas redaktory (2012-2017); «Habar 24» telearnasynyń shef-redaktory (2017-2021).

2021 jyldyń aqpanynan bastap qazirgi qyzmetinde.

46 jyl buryn (1977) Qaraǵandy oblysy polıtsııa departamentiniń bastyǵy Sanjar Askenuly ÁDІLOV dúnıege keldi.

Almaty oblysynyń týmasy.

Ál-Farabı atyndaǵy Qazaq memlekettik ulttyq ýnıversıtetin (1999), Ekonomıka jáne quqyq akademııasyn (2006) bitirgen.

Eńbek joly: Almaty qalasy ІІB Áýezov aýdandyq ishki ister bóliminiń tergeýshisi, aǵa tergeýshi (1999-2002); Almaty qalalyq ІІB Bostandyq aýdandyq ishki ister basqarmasy, Almaty qalasy ІІB Áýezov aýdandyq ishki ister basqarmasy bastyǵynyń orynbasary, tergeý bóliminiń bastyǵy (2002-2007); Almaty qalasy Áýezov aýdandyq ishki ister basqarmasynyń tergeý bóliminiń bastyǵy (2005-2007); Almaty qalasy Áýezov aýdandyq ІІB Іshki ister basqarmasy bastyǵynyń tergeý jónindegi orynbasary (2007-2009); Almaty qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń (qarjy polıtsııasy) tergeý basqarmasy bastyǵynyń mindetin atqarýshy (2009-2012); Qazaqstan Respýblıkasy Іshki ister mınıstrligi Áskerı tergeý komıteti bastyǵynyń orynbasary, bastyǵy (2012-2013); Qazaqstan Respýblıkasy Іshki ister mınıstrligi Tergeý komıteti Áskerı tergeý basqarmasynyń bastyǵy (2013 j.); Astana qalasy Іshki ister departamenti bastyǵynyń orynbasary (2013-2019); Qazaqstan Respýblıkasy Іshki ister mınıstrligi Tergeý basqarmasynyń bastyǵy (2019-2023).

Qazirgi qyzmetin2023 jyldyń mamyrynan beri atqaryp keledi.

ІІ dárejeli «Aıbyn» ordenimen marapattalǵan, polıtsııanyń general-maıory.

38 jyl buryn (1985) Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrligi Óńirlerdi tsıfrlyq damytý departamentiniń dırektory Sáken Rústemuly NURTAZAEV dúnıege keldi.

Qazaqstan-Brıtan tehnıkalyq ýnıversıtetin ınjener-tehnolog mamandyǵy (2007), Ulybrıtanııanyń Stırlınsh ýnıversıtetinje «menedjment» mamandyǵy boıynsha bilim alǵan.

Eńbek jolyn 2007 jyly «QazTransGazAımaq» óndiristik deparatmentiniń jetekshi mamany bolyp bastady. QR Memlekettik qyzmeti isteri agenttiginiń taldaý jáne strategııalyq josparlaý basqarmasynyń sarapshysy, QR Prezıdenti qaramaǵyndaǵy memlekettik basqarý akademııasynda sektor meńgerýshisi boldy. Shyǵys Qazaqstan oblysy ákimi apparatynyń bas ınspektory, Semeı qalasy ákiminiń orynbasary qyzmetin atqardy. 2016 jyly Oral qalasy ákimi apparatynyń basshysy qyzmetine taǵaıyndaldy. 2018-2020 j. j. bastap Batys Qazaqstan oblystyq aqparattandyrý, memlekettik qyzmetter jáne arhıvter basqarmasyna jetekshilik etti.

Qazirgi qyzmetin 2020 jyldan beri atqaryp keledi.

115 jyl buryn (1908-1965) aqyn Taır JAROKOV dúnıege keldi.

Batys Qazaqstan oblysynyń Jánibek aýdanynda týǵan. Abaı atyndaǵy Almaty memlekettik ýnıversıtetin, Lenıngradtyń tarıh, fılosofııa jáne ádebıet ınstıtýtynyń aspırantýrasyn bitirgen.

1932-1942 jyldary jańadan qurylǵan Qazaqstan Jazýshylar odaǵy uıymdastyrý komıtetiniń hatshysy, «Qazaq ádebıeti» gazeti redaktorynyń orynbasary, halyq aqyny J. Jabaevtyń ádebı hatshysy qyzmetterin atqarǵan. 1946-1965 jyldary Qazaqstan Jazýshylar odaǵy men Qazaqtyń memlekettik kórkem ádebıet baspasynda (qazirgi «Jazýshy» baspasy) jaýapty qyzmette bolǵan.

Aqynnyń alǵashqy óleńder jınaǵy 1932 jyly «Juldyz jaryǵy» degen atpen basylyp shyqqan.

Ár jyldarda «Nefstan», «Kommýnızm tańynda», «Motor jyry», «Kún til qatty», «Muz tutqyny», «Tasqyn», «Otan daýysy», «Naryn», «Tastaǵy jazý», «Sovet suńqarlary», «Baqyt jyrlary», «Japandy orman jańǵyrtty», «Koster basynda», «Qyrda týǵan qurysh», «Jyr qanaty», «Qumdaǵy daýyl», «Taý jyrlaıdy», «Teńiz balasy», «Tasqynǵa tosqyn» atty kitaptary jaryq kórgen.

Kórkem aýdarma salasynda A. Pýshkınniń «Tsygandar», «Kavkaz tutqyny», «Kolomnadaǵy kishkene úı», «Aǵaıyndy qaraqshylar», M. Lermontovtyń «Cherkester», Grıboedovtyń «Aqyldyń azaby», M. Alıgerdiń «Zoıa» jáne basqa týyndylardy qazaq tiline tárjimalaǵan.

Birneshe ordenmen marapattalǵan.