26 qarasha. Tulǵalar týǵan kún
Búgin, 26 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
54 jyl buryn (1970) Qazaqstan Respýblıkasynyń Slovakııa Respýblıkasyndaǵy Tótenshe jáne Ókiletti Elshisi Tólejan Tursynuly BARLYBAEV dúnıege keldi.
Qaraǵandy oblysynyń Temirtaý qalasynda týǵan. 1992 jyly Reseı memlekettik gýmanıtarlyq ýnıversıtetin, QR prezıdenti janyndaǵy memlekettik basqarý ınstıtýty Dıplomatııa akademııasyn támamdaǵan.
Ár jyldary QR Syrtqy ister mınıstrliginde, QR Prezıdent Ákimshiliginde laýazymdy qyzmetter atqarǵan.
Eńbek joly: 1994-1997 jyldary Ýkraınadaǵy Qazaqstan Elshiliginiń úshinshi, ekinshi hatshysy. 1998-2002 jyldary QR SІM syrtqy saıasattaǵy is-sharalardy josparlaý jáne aqparattyq taldaý basqarmasynyń І hatshysy, Ýkraınadaǵy Qazaqstan elshisiniń keńesshisi, І hatshy. 2002-2003 jyldary SІM Eýropa men Amerıka departamenti jalpysaıası problemalar bóliminiń basshysy, SІM taldaý hatshylyǵynyń bólim basshysy. 2003 jyly SІM halyqaralyq kelisimder men halyqaralyq quqyqtyq departament basshysy. 2003-2007 jyldary QR Polshadaǵy elshisiniń keńesshisi. 2007-2008 jyldary QR Prezıdenti ákimshiliginde bas ınspektor, 2008-2009 jyldary sektor meńgerýshisi, 2009-2012 jyldary sektor meńgerýshisiniń orynbasary. 2012-2017 jyldary QR Prezıdenti ákimshiligi syrtqy saıasat ortalyǵy meńgerýshisi bolyp qyzmet atqarǵan.
2022 jyldyń naýryz aıynan bastap qazirgi qyzmetinde.
48 jyl buryn (1976) Jambyl oblysynyń ákimi Erbol Shyraqpaıuly QARAShÓKEEV dúnıege keldi.
Almaty oblysynda týǵan. Ál-Farabı atyndaǵy Qazaq memlekettik ulttyq ýnıversıtetiniń quqyqtaný bakalavryn bitirgen (1997), ál-Farabı atyndaǵy Qazaq ulttyq ýnıversıteti ekonomıka jáne quqyq ınstıtýtynyń ekonomıka magıstri (1999).
Eńbek joly: 1998-1999 jyldary QR Statıstıka agenttigi taldaý jáne konıýnktýralyq zertteýler basqarmasynyń bas mamany. 1999-2001 jyldary QR Prezıdenti Ákimshiliginiń Áleýmettik-ekonomıkalyq taldaý bóliminiń konsýltanty. 2002-2003 jyldary «Medıkýs Tsentr» JShS BK qarjy dırektory, Aqtóbe qalasyndaǵy fılıal dırektory, batys óńiri boıynsha dırektory. 2003-2006 jyldary qarjy departamentiniń dırektory - «Eksporttyq kredıtter men ınvestıtsııalardy saqtandyrý jónindegi memlekettik saqtandyrý korporatsııasy» AQ basqarma múshesi. 2006-2007 jyldary QR Qarjy mınıstrligi jıyntyq-taldaý departamentiniń dırektory. 2007 jyly «QazAgro» Ulttyq basqarýshy holdıngi» AQ basqarýshy dırektory. 2007-2009 jyldary «Aýyl sharýashylyǵyn qarjylaı qoldaý qory» AQ basqarma tóraǵasy. 2010-2012 jyldary Respýblıkalyq bıýdjettiń atqarylýyn baqylaý jónindegi esep komıtetiniń «Qarjylyq buzýshylyqtardy zertteý ortalyǵy» RMK bas dırektory. 2012-2013 jyldary «QBTÝ munaı-gaz ınjınırıngi jáne aqparattyq tehnologııalar ınstıtýty» JShS, «Samuryq-Qazyna» UÁQ bas dırektory. 2013-2016 jyldary «Qazaqstannyń turǵyn úı qurylys jınaq banki» AQ Basqarma tóraǵasynyń orynbasary. 2016-2019 jyldary QR Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary. 2019 jyly QR Qarjy mınıstrligi Qazynashylyq komıtetiniń tóraǵasy. 2019-2021 jyldary «QazAgro» Holdıngi» AQ Basqarma tóraǵasy. 2021 jyly QR Qarjy vıtse-mınıstri, 2021-2023 jyldary QR Aýyl sharýashylyǵy mınıstriniń mindetin atqarýshy - vıtse-mınıstr.
2023 jyldyń qyrkúıek aıynan bastap qazirgi qyzmetinde.
45 jyl buryn (1979) Astana qalasy mamandandyrylǵan aýdanaralyq tergeý sotynyń sýdıasy Almat Meshitbaıuly BABATOV dúnıege kelgen.
Qyzylorda qalasynda týǵan. Qazaq memlekettik zań akademııasyn bitirgen (2001).
Eńbek joly: 2001-2002 jyldary Astana qalasy Ádilet departamenti normatıvtik-quqyqtyq aktilerdi tirkeý bóliminde jetekshi mamany. 2002-2003 jyldary Pavlodar oblysy Ádilet basqarmasynyń jetekshi, bas mamany. 2003-2005 jyldary QR Ádilet mınıstrligi Zańnama departamentiniń jetekshi, bas mamany. 2005-2006 jyldary Astana qalasy Sottar ákimshisiniń sot oryndaýshysy. 2006 jyly Astana qalalyq sotynyń bas mamany. 2006-2007 jyldary Astana qalasy Sottar ákimshisiniń sot oryndaýshysy. 2007 jyly QR Tótenshe jaǵdaılar mınıstrliginiń normatıvtik-quqyqtyq aktilerin qamtamasyz etý bóliminiń bas mamany. 2007-2008 jyldary QR Joǵarǵy Soty janyndaǵy Sot ákimshiligi jónindegi komıteti kadr jumysy bóliminiń bas mamany. 2008 jyly QR Joǵarǵy Soty janyndaǵy Sot ákimshiligi jónindegi komıteti sottardyń qyzmetin uıymdastyrý basqarmasynyń sarapshysy. 2008-2009 jyldary QR Básekelestikti qorǵaý agenttiginiń Aqmola, Qaraǵandy oblystary jáne Astana qalasy boıynsha óńiraralyq ınspektsııasynyń bas mamany. 2009-2013 jyldary Astana qalasy Almaty aýdandyq sotynyń sýdıasy. 2013-2017 jyldary Qyzylorda qalalyq sotynyń tóraǵasy. 2017-2020 jyldary Aqmola garnızony áskerı sotynyń tóraǵasy. 2020-2022 jyldary Nur-Sultan qalasy mamandandyrylǵan aýdanaralyq tergeý sotynyń sýdıasy.
2020 jyldyń qyrkúıek aıynan bastap qazirgi qyzmetin atqaryp keledi.
45 jyl buryn (1979) Qazaqstan Respýblıkasy Ádilet vıtse-mınıstri Danıel Mereıuly ÝAISOV dúnıege keldi.
Almaty qalasynda týǵan. Quqyqtaný akademııasyn – «Ádilet» joǵary zań mektebin bitirgen (2001); T.Rysqulov atyndaǵy Qazaq ekonomıkalyq ýnıversıtetin (2004), Gýbkın atyndaǵy Reseı memlekettik munaı jáne gaz ýnıversıtetin bitirgen, Іskerlik basqarý magıstri (2018).
Eńbek joly: «Kazakhstan Legal Group» JShS zańgeri, TuranÁlem Banki (1999-2002), Qazaqstan Respýblıkasy Qarjy mınıstrligi, Qazaqstan Respýblıkasy Memlekettik kiris mınıstrligi Salyq komıtetiniń bas mamany (2002-2003), «QazMunaıGaz» UK» AQ bas zańgeri, aǵa zańger-dırektordyń orynbasary, «Adjıp KKO» mekemesiniń tehnıkalyq tobynda zańger, London, aǵa zańger, bas zańger, birinshi sanatty zańger (2003-2010), Qazaqstan Respýblıkasy Munaı jáne gaz mınıstrligi Zań qyzmeti departamentiniń dırektory (2010), «PSA» JShS quqyqtyq qamtamasyz etý jónindegi basqarýshy dırektory (2010-2017), Ákimshilik-quqyqtyq qamtamasyz etý jónindegi basqarýshy dırektor, «PSA» JShS dırektorlar keńesiniń múshesi (2017-2023).
2023 jyldyń aqpan aıynan beri qazirgi qyzmetinde.
«Qurmet» ordenimen marapattalǵan.
41 jyl buryn (1983) VIII saılanǵan Qazaqstan Respýblıkasy Parlamenti Májilisiniń depýtaty, Agrarlyq máseleler jónindegi komıtet múshesi Aıdarbek Asanuly QOJANAZAROV dúnıege keldi.
Qyzylorda oblysynda týǵan. T. Rysqulov atyndaǵy qazaq ekonomıkalyq ýnıversıtetin, Dandı qalasynyń Ýnıversıtetin (Shotlandııa), Garvard bıznes mektebin aıaqtaǵan.
Eńbek joly: 2006 jyly Islamic Banking BTA bank basqarma bastyǵy. 2009-2015 jyldary BTA bankiniń BAÁ Dýbaı qalasyndaǵy ókildiginiń basshysy, «Olzha Holding» quramyna kiretin kompanııalar tobyndaǵy basqarýshy qyzmet atqardy. 2015-2016 jyldary «QazAgro» Ulttyq basqarý holdıngi» AQ basqarma tóraǵasynyń orynbasary; 2016-2017 jyldary «Astana» áleýmettik-kásipkerlik korporatsııasy» AQ basqarma tóraǵasy. 2017-2023 jyldary «Ivolga-Holdıng», «Olja Agro» JShS bas dırektory.
Qazirgi qyzmetin 2023 jyldyń naýryz aıynan beri atqaryp keledi.
«Qurmet» ordenimen (2022), «Eren eńbegi úshin» (2017); «Halyq alǵysy» (2020), «Qazaqstan Respýblıkasynyń Táýelsizdigine 30 jyl» medaldarymen marapattalǵan.