26 qańtar. Tulǵalar týǵan kún
Búgin, 26 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
63 jyl buryn (1961) Qazaqstan Respýblıkasy Parlamenti Senatynyń depýtaty, Qarjy jáne bıýdjet komıtetiniń múshesi Sultanbek Almasbekuly MÁKEJANOV dúnıege keldi.
Jambyl oblysy Merki aýdanynda týǵan. Tselınograd ınjener-qurylys ınstıtýtyn, Halyqaralyq eńbek akademııasyn támamdaǵan.
Eńbek joly: 1993-1998 jyldary «Astana-bank» AQ basqarma tóraǵasynyń orynbasary, «Qazaqınvest» korporatsııasynyń vıtse-prezıdenti qyzmetin atqardy. 1998-2002 jyldary kásipkerlikpen aınalysty. 2002-2004 jyldary - Mańǵystaý oblysy ákiminiń kómekshisi, apparat basshysy, 2004-2006 jyldary «Nur Otan» partııasy Mańǵystaý oblystyq fılıalynyń tóraǵasy, Mańǵystaý oblysy ákiminiń orynbasary, Almaty qalasy ákimi apparaty jetekshisiniń orynbasary qyzmetterin atqarǵan. 2006-2010 jyldary Almaty qalasy tabıǵı resýrstar jáne tabıǵatty paıdalanýdy retteý basqarmasynyń bastyǵy, 2010-2016 jyldary Almaty qalasy Medeý aýdanynyń ákimi, 2016-2019 jyldary Almaty qalasy ákiminiń orynbasary, 2019-2020 jyldary Almaty qalasy Medeý aýdanynyń ákimi qyzmetinde boldy. 2020-2022 jyldary QR Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi boldy.
Qazirgi qyzmetin 2022 jyldyń qańtar aıynan bastap atqaryp keledi.
«Qurmet», «Parasat» ordenderimen marapattalǵan.
62 jyl buryn (1962) Qazaqstan Respýblıkasynyń memleket qaıratkeri Darhan Qamzabekuly MYŃBAI dúnıege keldi.
Ońtústik Qazaqstan oblysynyń Túlkibas aýdanynda týǵan. 1985 jyly M.V. Lomonosov atyndaǵy Máskeý memlekettik ýnıversıtetin jýrnalıst mamandyǵy boıynsha, 2006 jyly Shymkent ýnıversıtetin ekonomıst mamandyǵy boıynsha bitirgen. Tehnıka ǵylymdarynyń kandıdaty.
Eńbek joly: 1978-1979 jyldary Shymkent oblysy Saıram aýdany «Qaınarbulaq» ujymsharynyń V.I.Lenın atyndaǵy bólimshesinde jumysshy boldy. 1985-1990 jyldary KSR Mınıstrler Keńesi janyndaǵy Aqparattyq agenttiktiń (QazTAG) redaktory, aǵa redaktory, aǵa ádebı baqylaýshy redaktory,
1990-1994 jyldary QR Joǵarǵy Keńesiniń apparatynda aǵa konsýltant, aǵa referent, 1994-1996 jyldary «Órken-Gorızont» respýblıkalyq gazetteriniń bas redaktory, 1996-1997 jyldary «Qazaqstannyń televıdenıesi men radıosy» respýblıkalyq korporatsııasynyń vıtse-prezıdenti, 1997-2002 jyldary Ońtústik Qazaqstan oblysy ákiminiń orynbasary bolyp qyzmet atqarǵan. 2002-2004 jyldary Ońtústik Qazaqstan oblysy Іshki saıasat jáne jastar isi jónindegi departamentiniń bastyǵy, 2004-2006 jyldary Ońtústik Qazaqstan oblysyndaǵy Túlkibas aýdanynyń ákimi, 2006-2008 jyldary Ońtústik Qazaqstan oblysy ákiminiń orynbasary, 2008 jyly QR mádenıet jáne aqparat vıtse-mınıstri qyzmetinde boldy. 2008-2012 jyldary QR Prezıdenti Ákimshiligi Іshki saıasat bóliminiń meńgerýshisi,
2012 jyldyń qańtar aıynda QR Mádenıet jáne aqparat mınıstri bolyp taǵaıyndaldy. 2013-2017 jyldary QR Ulttyq murajaıynyń dırektory, 2017-2018 jyldary Qazaqstan halqy Assambleıasy tóraǵasynyń orybasary, QR Prezıdenti Ákimshiliginiń QHA Hatshylyǵynyń meńgerýshisi, 2018-2021 jyldary QR Parlament Májilisi VI shaqyrylym depýtaty, Ekologııa jáne tabıǵatty paıdalaný máseleleri komıtetiniń múshesi, 2021-2023 jyldary QR Parlament Májilisi VII shaqyrylymynyń depýtaty, Áleýmettik-mádenı damý komıtetiniń hatshysy qyzmetin atqarǵan.
«Qurmet» ordenimen (2009), «Astana» (1998), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Qazaqstan Parlamentine 10 jyl» (2006) medaldarymen marapattalǵan.
61 jyl buryn (1963) «Elıtqurylys grýpp» JShS dırektorlar keńesiniń tóraǵasy Bekzat Qazıuly SARMANOV dúnıege keldi.
Omby qalasynda dúnıege keldi.
Qazaq bas sáýlet-qurylys akademııasynyń jalpy qurylys fakýltetin «Ónerkásiptik, azamattyq qurylys jáne qala sharýashylyǵy» mamandyǵy boıynsha támamdaǵan.
Eńbek joly: 1999-2007 jyldary «Elıtqurylys» JShS bas dırektory, 2007 jyly «Elıtqurylysgrýpp» JShS dırektorlar keńesiniń tóraǵasy, 2007 jyly Qazaq bas sáýlet-qurylys akademııasy qamqorshylyq keńesiniń múshesi, 2007 jyly «FILA» Senatorlyq klýbynyń múshesi boldy. 2005-2008 jyldary Qazaqstan Kúres assotsıatsııasynyń prezıdenti, 2008 jyly «Grek-rım, erkin jáne áıelder kúresi federatsııasynyń» prezıdenti bolyp qyzmet atqarǵan.
2010 jyldan – Kúres federatsııasynyń Qurmetti prezıdenti.
54 jyl buryn (1970) «Qazaqstan Respýblıkasy tarıf sarapshylary qaýymdastyǵy» zańdy tulǵalar birlestiginiń basshysy Erkin Semetaıuly JÝSANBAEV dúnıege keldi.
Tselınograd qalasynda dúnıege kelgen.
M.V.Lomonosov atyndaǵy Máskeý memlekettik ýnıversıtetin mehanıka, qoldanbaly matematıka mamandyǵy boıynsha támamdaǵan.
Eńbek jolyn 1992 jyly Qaz KSR Mehanıka jáne mashına jasaý ǴA-da ınjenerlikten bastaǵan. 1994-1998 jyldary QR Ulttyq Aeroǵarysh agenttiginde maman, jetekshi maman, bas maman bolyp qyzmet etken. Budan keıin Japondyq «Marýbenı Korporeıshn» kompanııasynyń ókildiginde kommertsııalyq qyzmetker retinde eńbek etti. 1998-2002 jyldary «Qazaqstan temir joly» RMK qurylymynda basshylyq qyzmetterde boldy. 2002-2007 jyldary «Synergy Co» JShS basqarýshy dırektory, QR Tabıǵı monopolııalardy retteý agenttiginde Temir jol salasyn baqylaý jáne retteý departamenti dırektorynyń orynbasary qyzmetin atqardy. 2007-2008 jyldary «QTJ» UK» AQ Prezıdentiniń tarıftik saıasat jónindegi keńesshisi, 2008-2017 jyldary «QTJ» UK» AQ-nyń Korporatıvtik damý jónindegi basqarýshy dırektory, 2017 jyly «QTJ» ÚK» AQ Prezıdentiniń keńesshisi qyzmetinde boldy.
34 jyl buryn (1990) Astana qalasy Esil aýdany ákiminiń orynbasary Tımýr Mýhambetovıch Chýdrov dúnıege keldi.
Batys Qazaqstan oblysynda týǵan.
Reseı Federatsııasy Azamattyq qorǵanys, tótenshe jaǵdaılar jáne tabıǵı apattar saldaryn joıý isteri boıynsha mınıstrligi janyndaǵy Memlekettik órtke qarsy qyzmet akademııasyn, Búkilreseılik memlekettik zań ýnıversıtetin bitirgen.
Eńbek joly: 2007-2020 jyldary Azamattyq qorǵaý organdarynda qyzmet etti, QR Parlamenti Senaty depýtatynyń kómekshisi retinde issaparǵa jiberildi. 2020 jyly Astana qalasynyń Qalalyq orta sapasy jáne baqylaý basqarmasynyń Gaz ınspektsııa jáne kótergish qurylymdaryn baqylaý bóliminiń basshysy, 2020-2021 Astana qalasynyń turǵyn úı jáne turǵyn úı ınspektsııasy basqarmasy gaz ınspektsııa jáne kótergish qurylymdaryn baqylaý bóliminiń basshysy bolyp qyzmet atqarǵan.
Qazirgi qyzmetin 2021 jyldan bastap atqaryp keledi.
76 jyl buryn (1948-2022) fantast-jazýshy, aýdarmashy, Qazaqstan Jazýshylar odaǵynyń múshesi Narbın KENJEǴULOVA dúnıege keldi.
Shyǵys Qazaqstan oblysynda týǵan. Qazaq memlekettik ýnıversıtetin bitirgen.
«Qazaqstan aýyl sharýashylyǵy» jýrnalynyń bólim meńgerýshisi, Qazaq KSR Baspa, polıgrafııa jáne kitap saýdasy isteri jónindegi memlekettik komıtetiniń jetekshi mamany, Respýblıkalyq kitap palatasy dırektorynyń orynbasary, Jazýshylar odaǵynda kórkem aýdarma jáne ádebı baılanystar alqasynyń bólim meńgerýshisi qyzmetterin atqarǵan. 1994 jyldan Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetinde ustazdyq qyzmette bolǵan. Shyǵarmalaryn qazaq jáne orys tilderinde jazady. «Moıylqara», «Qıyn sheshim», «Jeruıyqqa saıahat», «Qyzyl sáýle», t.b. fantastıkalyq shyǵarmalar jınaqtarynda onyń áńgime-povesteri jarııalanǵan. Keıingi jyldary «Dorogý osılıt ıdýşıı» ǵumyrnamalyq hıkaıaty, T.Aıtbaıulynan tárjimalaǵan «Myń bir tún jáne myń bir kún» romany jaryq kórgen.
