2500 gektardy sharpyǵan - Atyraý oblysynda qamys órtenip jatyr

ASTANA. KAZINFORM - Atyraý oblysy Qurmanǵazy aýdany Qurmanǵazy aýylynan 40 shaqyrym jerde «Qurmanǵazy orman sharýashylyǵy» KMM aýmaǵynda Kaspıı teńiziniń jaǵalaýynda tabıǵı órtti sóndirý jumystary jalǵasýda, dep habarlaıdy QR TJM baspasóz qyzmeti. 

Málimetke saı, barý qıyn batpaqty aımaqta 148 gektar aýmaqta qamys janyp jatyr. Sóndirý jumystaryna qol jetpeıtin batpaqty relef qıyndatyp otyr. 

"Órttiń jalpy aýmaǵy 2500 gektardy quraıdy, onyń 277 gektary tótenshe jaǵdaılar qyzmetiniń kúshimen sóndirildi, 2075 gektary ózdiginen joıyldy. Eldi mekenderge qaýip tónip turǵan joq. 
Órtti joıýǵa 56 adam, 9 motopompa, 11 motorly qaıyqtan turatyn TJ, orman sharýashylyǵy, JAO kúshteri men quraldary tartyldy" delingen habarlamada.