25 jyl buryn qylmys jasaǵan kúdikti Groznyıdan tabyldy
PAVLODAR. KAZINFORM - Pavlodarlyq polıtseıler shırek ǵasyr buryn qaraqshylyq jasaǵan kúdiktiniń turǵan jerin anyqtady. 55 jastaǵy er adam Reseıdiń Groznyı qalasynan tabyldy.
Bul týraly óńirlik polıtsııa departamentiniń baspasóz qyzmeti habarlady.
«Krımınaldyq polıtsııa qyzmetkerleri reseılik áriptesterimen birge Reseı Federatsııasynyń Groznyı qalasynda turatyn 55 jastaǵy er adamdy ustady. Tergeý málimetteri boıynsha, kúdikti 1998 jyldyń tamyzynda Pavlodar qalasynda tapanshamen jáne baltamen qarýlanyp, eki aǵaıyndyǵa shabýyl jasaǵan. Sońynan Nıssan markaly eki kólikti ıemdengen. Qylmys jasaǵannan keıin qashyp ketken», - dep málimdedi departamentten.
Eske sala keteıik, buǵan deıin Belgııada 27 jyl boıy jalǵan atpen jasyrynyp júrgen qylmysker elge jetkizildi.
