25 aqpan. Tulǵalar týǵan kún

ASTANA. QazAqparat – Búgin, ıaǵnı 25 aqpan kúni tulǵalardan kimder dúnıege kelgen? QazAqparat oqyrmandaryna esimder kúntizesin usynady.

ESІMDER

7 2 jylburyn (1951) teatr jáne kıno ártisi, QR eńbek sińirgen ártisi Merýert Qarataıqyzy ÓTEKEShEVA dúnıege keldi.

Batys Qazaqstan oblysynda týǵan. Qurmanǵazy atyndaǵy Almaty memlekettik óner ınstıtýtynyń akterlik fakýltetin bitirgen. 1973 jyldan osy kezge deıin M.Áýezov atyndaǵy Qazaq memlekettik akademııalyq drama teatrynyń akrısasy. 1985 jyldan beri T.Júrgenov atyndaǵy ulttyq óner akademııasynda oqytýshy. «Ana – Jer-ana», «Móldir mahabbat», «Eski úımen qoshtasý», «Revızor», «Úlken ul», «Qaragóz» jáne basqa spektaklderde oınady. «Qyz Jibek», «Meniń aǵam», «Shoqan», «Mahambet», «Baqsy»» «Jylan jyly» fılmderine tústi. «Qurmet» ordenimen marapattalǵan, Máskeýde ótken Búkilodaqtyq jastar shyǵarmashylyǵy baıqaýynyń laýreaty, QazKSR jastar shyǵarmashyl jastar baıqaýynyń laýreaty. QR eńbek sińirgen ártisi.

67 jyl buryn (1956) fızıka-matematıka ǵylymynyń doktory, professor, Qazaqstan Respýblıkasy Ulttyq ǵylym akademııasynyń akademıgi Asqar Serqululy JUMADІLDAEV dúnıege keldi.

Qyzylorda oblysy Shıeli aýdanynda týǵan. M.Lomonosov atyndaǵy Máskeý memlekettik ýnıversıtetin jáne aspırantýrasyn bitirgen. 1980-1994 jyldary – Qazaqstan Respýblıkasy Ǵylym akademııasy Matematıka jáne mehanıka ınstıtýtynyń kishi, aǵa, bas ǵylymı qyzmetkeri, Matematıka ınstıtýty algebra zerthanasynyń meńgerýshisi. 1994-1995 jyldary – Qazaqstan Respýblıkasy Joǵarǵy Keńesi Ǵylym jónindegi daıarlaý komıtetiniń tóraǵasy boldy. 1995-2002 jyldary Germanııadaǵy Gambýrg, Mıýnhen, Bılefeld ýnıversıtetteriniń professory bolyp, Kembrıdj ýnıversıtetiniń janyndaǵy Nıýton ınstıtýtynda, A.Salam atyndaǵy Halyqaralyq teorııalyq fızıka ortalyǵynda, Shvetsııa koroldik ǴA-nyń Mıttag-Leffler atyndaǵy Matematıka ınstıtýtynda, Fılds atyndaǵy Matematıka ınstıtýtynda qyzmet atqaryp, dárister oqyǵan. Germanııanyń, AQSh-tyń memlekettik stıpendııalaryn, Shvetsııa koroldik Ǵylym akademııasynyń grantyn alǵan. 1995-2004 jyldary Qazaqstan Respýblıkasy Ǵylym akademııasy Matematıka ınstıtýty algebra zerthanasynyń meńgerýshisi qyzmetin atqarǵan. Ǵalymnyń negizgi ǵylymı zertteý eńbekteri Lı algebrasynyń kogomologııa teorııasyna arnalǵan. Ol oń sıpattamaly Lı algebrasynyń kogomologııalary men deformatsııalaryn jáne olardyń qoldanýyn zerttegen. Vektorlyq óris algebrasynyń bólshektenbeıtin keńeıýin eseptegen. Assotsıatıvti emes algebranyń tepe-teńdikterin tapty. 50-den astam ǵylymı eńbektiń avtory. Ol HІІ saılanǵan Qazaq KSR Joǵarǵy Keńesiniń, Qazaqstan Respýblıkasy Joǵarǵy Keńesiniń depýtaty bolǵan.

60 jyl buryn (1963) Ál-Farabı atyndańy Qazaq ulttyq ýnıversıteti janyndaǵy Adam quqyǵyn qorǵaý ǵylymı-zertteý ınstıtýtynyń dırektory Ánýar Qurmanbaıuly TÚGEL ómirge keldi.

Jambyl oblysynyń Sharbaqty kentinde dúnıege kelgen. (gýglda osylaı)

Qazan memlekettik ýnıversıtetin bitirgen. Lenın aýdandyq prokýratýrasynyń tergeýshisi, Frýnze qalalyq prokýratýrasynyń aǵa tergeýshisi qyzmetterin atqarǵan. 1991-1992 jyldary - Qazaqstan Respýblıkasy Bas prokýratýrasy basqarmasynyń prokýrory. 1992-1993 jyldary - Almaty qalasynyń Alataý aýdany prokýrorynyń orynbasary. 1993-1995 jyldary - Qazaqstan Respýblıkasy Bas prokýrorynyń aǵa kómekshisi, Almaty qalasy Aqsaı aýdanynyń prokýrory. 1995-1998 jyldary - Qazaqstan Respýblıkasy Memlekettik tergeý komıtetiniń basqarma bastyǵy, Qazaqstan Respýblıkasy Qaýipsizdik keńesiniń konsýltanty, Memlekettik tergeý komıtetiniń Almaty oblysy boıynsha departamenti bastyǵynyń orynbasary, Almaty oblysy boıynsha salyq polıtsııasy basqarmasy bastyǵynyń orynbasary. 1998-2000 jyldary - «Qazaqstan temir joly» respýblıkalyq memlekettik kásiporny apparatynyń jetekshisi. 2000-2001 jyldary - Qazaqstan Respýblıkasy Prezıdenti Ákimshiliginiń sektor meńgerýshisi. 2001-2002 jyldary - Qazaqstan Respýblıkasy ádilet vıtse-mınıstri. 2002-2004 jyldary - Qazaqstan Respýblıkasy Parlamenti Májilisi apparatynyń jetekshisi qyzmetin atqarǵan. 2005 jyly QR Advokattar odaǵynyń prezıdenti, 2012-2018 jyldary Respýblıkalyq advokattar alqasynyń tóraǵasy.

Qazirgi qyzmetinde – 2020 jyldyń sáýirinen.

58 jyl buryn (1965) Abaı oblysy sotynyń tóraǵasy Qaırat Muratuly ShAQPANTAEV dúnıege keldi.

Semeı (qazirgi Abaı) oblysynda dúnıege kelgen. Óskemen pedagogıkalyq ınstıtýtyn Eńbek jáne jalpy tehnıkalyq pánderi muǵalimi (1990); Shyǵys Qazaqstan memlekettik ýnıversıtetin zańger mamandyǵy boıynsha bitirgen (1996).

Eńbek joly: Samaralyq «Oblagroprom» qurylys brıgadasynda qosalqy jumysshy (1982-1983); Óskemen qalasy mamandandyrylǵan jıhaz kásipornynyń qurylysshylar brıgadıri (1990-1991); Úlbi metallýrgııa zaýytynyń jóndeý-qurylys tsehynyń betonqospalaýysh mashınısi (1991-1992); Óskemen qalasynyń mamandandyrylǵan jıhaz kásipornynyń samaralyq sharýashylyq esep ýchaskesiniń qurylysshylar brıgadıri (1992-1996); Óskemen q. «Parasat» JShS zań keńesshisi (1996-1997); Samara aýdany prokýrorynyń kómekshisi, Shyǵys Qazaqstan oblysy Kókpekti aýdany prokýrorynyń kómekshisi (1997-1998); Óskemen qalasy prokýrorynyń kómekshisi (1998-1999); Shyǵys Qazaqstan oblystyq prokýratýrasynyń áleýmettik-ekonomıkalyq saladaǵy zańdylyqty qadaǵalaý basqarmasynyń prokýrory (1999-2000); Shyǵys Qazaqstan oblysynyń qylmystyq ister boıynsha sot qaýlylarynyń zańdylyǵyn qadaǵalaý bóliminiń prokýrory (2000-2001); Shyǵys Qazaqstan oblystyq prokýratýrasynyń sottarynda qylmystyq isterdi qaraýdyń zańdylyǵyn qadaǵalaý basqarmasynyń prokýrory (2001-2002); ShQO Besqaraǵaı aýdany prokýrorynyń orynbasary (2002-2003); Óskemen qalasynyń №2 sotynyń sýdıasy (2003-2004); ShQO №2 Kókpekti aýdandyq sotynyń sýdıasy (2004-2005); ShQO №2 Kókpekti aýdandyq sotynyń tóraǵasy (2005-2009); Óskemen qalasynyń №2 sotynyń tóraǵasy (2009-2014); Óskemen qalalyq sot tóraǵasy (2014-2015); Shyǵys Qazaqstan oblystyq sotynyń qylmystyq ister jónindegi sot alqasynyń tóraǵasy (2015-2022).

Qazirgi qyzmetin 2022 jyldyń qyrkúıeginen beri atqaryp keledi.

5 8 jyl buryn (1965) Qazaqstan Respýblıkasy Indýstrııa jáne ınfraqurylymdyq damý mınıstrligi Memlekettik qorǵanys tapsyrysy komıtetiniń tóraǵasy Maqsat Tókenuly ORYSPAEV dúnıege keldi.

Qazaq polıtehnıkalyq ınstıtýtyn «ınjener-mehanık» (1987), KazGAÝ naryq ınstıtýtyn (1996) «ekonomıka», Taldyqorǵan zań ınstıtýtyn (1997) «zańger», Qyrǵyz memlekettik ýnıversıtetin (1999) «keden isi», Qazaqstan Respýblıkasy Ulttyq qorǵanys ýnıversıtetin «Áskerı-ákimshilik basqarma» mamandyǵymen (2005) támamdaǵan.

Eńbek ótili: Injener-mehanık, № 2 tseh masteri «Kazgaztehnıka» Ǵylymı tájirbıelik zaýyty (1987-1992), OEO «Jaryk» bas maman (1992-1993), Qazaqstan Respýblıkasy Memlekettik kirister mınıstrligi Keden komıtetinde qyzmet (1993-2002), Qazaqstan Respýblıkasy Qorǵanys kúshterinde qyzmeti (2002-2016), Qazaqstan Respýblıkasy Qorǵanys jáne aeroǵarysh ónerkásibi mınıstrligi Memlekettik qorǵanystyq tapsyrys departamentiniń dırektory (2016-2019).

2019 jyldyń qarashasynan - Qazaqstan Respýblıkasy Indýstrııa jáne ınfraqurylymdyq damý mınıstrligi Memlekettik qorǵanystyq tapsyrys komıtetiniń tóraǵasy.

33 jyl buryn (1990) Qazaqstan Respýblıkasy Ekologııa jáne tabıǵı resýrstar mınıstri Zýlfııa Bolatqyzy SÚLEIMENOVA dúnıege keldi.

Aqtóbe qalasynda týǵan. L.N. Gýmılev atyndaǵy Eýrazııa Ulttyq ýnıversıtetinde «Halyqaralyq qatynastar» mamandyǵy boıynsha bakalavrıat pen magıstratýrany bitirgen. «Qaýipsizdik jáne halyqaralyq zertteýler» baǵdarlamasy boıynsha Japonııanyń Ulttyq saıası zertteýler ınstıtýtynda PhD doktor dárejesin alǵan.

QR ekologııa, geologııa jáne tabıǵı resýrstar mınıstrliginiń Klımattyq saıasat jáne jasyl tehnologııalar departamenti dırektorynyń orynbasary, Birikken Ulttar Uıymynyń (BUU) Azııa men Tynyq muhıtqa arnalǵan ekonomıkalyq jáne áleýmettik komıssııasynyń (Bangkok, Taıland) Qorshaǵan orta jáne damý, energetıka, sondaı-aq makroekonomıkalyq saıasat jáne damýdy qarjylandyrý jónindegi dıvızıondarynyń konsýltanty, Qazaqstan men Túrikmenstandaǵy BUU Damý baǵdarlamasynyń keńselerinde, QR Prezıdenti janyndaǵy Qazaqstannyń strategııalyq zertteýler ınstıtýtynyń (QSZI) ǵylymı qyzmetkeri bolyp jumys istedi. Qazaqstan Respýblıkasy Parlamenti Májilisiniń depýtaty (2021-2022); Ekologııa jáne tabıǵı resýrstar vıtse-mınıstri (2022-2023).

Qazirgi qyzmetinde – 2023 jyldyń qańtarynan.