24 naýryz. Týǵan kún ıeleri

NUR-SULTAN. QazAqparat – Búgin, ıaǵnı 24 naýryz kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

80 jyl (1942) buryn sáýletshi, Qazaqstan Respýblıkasy Memlekettik eltańbasynyń aýtory JANDARBEK MÁLІBEKULY dúnıege kelgen.

Qyzylorda oblysy Jańaqorǵan aýdany Ekpindi aýylynda týǵan.

Tashkent polıtehnıkalyq ınstıtýtynyń sáýlet óneri fakýltetin bitirgen.

Qyryq jylǵa jýyq Ózbekstan Respýblıkasy ǵylymı-ınjenerlik qala qurylysyn jobalaý ınstıtýtynda sáýletshi, bas sáýletshi bolyp eńbek etken.

Ol «Nur Astana» meshiti, Astana qalasy ulttyq neırohırýrgııa ortalyǵy, «Alataý» TK jumys jobasy, «Egemen Qazaqstan» ǵımaraty kesheniniń jumys jobasy, L.N. Gýmılev atyndaǵy EUÝ-diń zerthanalyq korpýsy men jataqhanasy qurylystaryn, Ózbekstannyń Ándijan qalasyndaǵy áýejaı, Tashkenttegi Úkimet qonaq úıi, Ferǵanadaǵy oblystyq poshta, Samarqandtaǵy oblystyq ákimshilik úıi, drama teatry men ortalyq kitaphana ǵımarattaryn, Ferǵana jáne Samarqan qalalaryndaǵy birqatar turǵyn úı aýdandary qurylysyn jobalaýǵa qatysqan..

«Qurmet» jáne І dárejeli «Barys» ordenderiniń ıegeri, L.N. Gýmılev atyndaǵy Eýrazııa ulttyq ýnıversıtetiniń professory, QR Memlekettik syılyǵynyń ıegeri.

Qazaqstan jáne Ózbekstan Sáýletshiler odaǵynyń múshesi, Ózbekstannyń eńbek sińirgen sáýletshisi, «Táýelsizdikke 10 jyl» medaliniń ıegeri.

79 jyl buryn (1943) aqyn, jazýshy, Qazaqstan Jazýshylar odaǵynyń múshesi, Qazaqstan Jazýshylar odaǵy І. Jansúgirov atyndaǵy syılyǵynyń ıegeri, Sheshenstan Memlekettik syılyǵynyń laýreaty Rafael NIıAZBEKOV dúnıege keldi.

Jambyl oblysynyń Talas aýdanynda týǵan. Qazaq memlekettik ýnıversıtetiniń fılologııa fakýltetin bitirgen.

Eńbek jolyn Talas aýdandyq «Lenın joly» gazetinen bastaǵan. «Juldyz» jýrnalynda, «Jazýshy» baspasynda redaktor bolyp istegen. Aqynnyń «Keler kúnder», «Qarataý men Alataý», «Temirqazyq», «Jalyn keshken», «Jer janary», «Órken», «Bıikteı ber, taýlarym!» «Sheshender» atty jyr jınaqtary, «Otaǵasy», «Qańtar» povesteri, «Qyzyl úı», «Tas qudaı» romandary jaryq kórgen. Sheshenstan Respýblıkasynyń joǵarǵy memlekettik «Ult namysy» ordenimen marapattalǵan.

66 jyl buryn (1956) Parlament Senatynyń depýtaty, Ekonomıkalyq saıasat, ınnovatsııalyq damý jáne kásipkerik komıtetiniń hatshysy Erik Hamzauly SULTANOV dúnıege keldi.

Soltústik Qazaqstan oblysy Shal aqyn aýdanynda týǵan. Qaraǵandy polıtehnıkalyq ınstıtýtyn (qazirgi Qaraǵandy memlekettik tehnıkalyq ýnıversıteti) bitirgen.

1978-1993 jyldary «Ekibastuzshahtaqurylys» kombınatynda qyzmet atqarǵan. 1993-1994 jyldary – Ekibastuz qalalyq ákimshiligi basshysynyń birinshi orynbasary. 1994-1995 jyldary – Qazaqstan Respýblıkasy Joǵarǵy Keńesi Qurylys, sáýlet jáne turǵyn úı-kommýnaldyq sharýashylyǵy jónindegi komıtetiniń múshesi, Qazaqstan Respýblıkasy Eńbek mınıstrligi janyndaǵy eńbek qorǵaý departamentiniń tóraǵasy. 1995-1996 jyldary – «Ekibastuzshahtaqurylys» óndiristik birlestigiiniń prezıdenti. 1996-1998 jyldary – memlekettik múlikti basqarý jónindegi Pavlodar aýmaqtyq komıtetiniń tóraǵasy. 1998-1999 jyldary – Soltústik Qazaqstan oblystyq memlekettik múlik jáne jekeshelendirý aýmaqtyq komıtetiniń tóraǵasy, Soltústik Qazaqstan oblysy ákiminiń orynbasary. 1999-2000 jyldary – Qazaqstan Respýblıkasy Kólik jáne kommýnıkatsııalar mınıstrligi Avtomobıl joldary departamentiniń dırektory. 2000-2001 jyldary – Qazaqstan Respýblıkasy Kólik jáne kommýnıkatsııalar mınıstrligi Avtomobıl joldary departamentiniń syrtqy zaımdar jónindegi konsýltanttarynyń bas úılestirýshisi. 2001-2002 jyldary – «Qazaqavtojol» RMK bas dırektorynyń birinshi orynbasary. 2002-2004 jyldary – Qazaqstan Respýblıkasy Kólik jáne kommýnıkatsııalar mınıstrligi Avtomobıl joldary jáne ınfroqurylymdyq keshender qurylysy komıtetiniń tóraǵasy. 2004-2005 jyldary - Qazaqstan Respýblıkasy Kólik jáne kommýnıkatsııalar mınıstrligi Kólik ınfraqurylymyn damytý komıtetiniń tóraǵasy. 2005-2006 jyldary – «Qazaq jolqurylysy» JShS-nyń bas dırektory. 2006-2008 jyldary – Astana qalasy ákiminiń orynbasary, birinshi orynbasary qyzmetterin atqarǵan. 2008–2014 jyldar aralyǵynda «QTJ» AQ-nyń vıtse-prezıdenti. Soltústik Qazaqstan oblysynyń ákimi qyzmetin atqardy (2014-2017).

Qazirgi qyzmetin 2017 jyldan beri atqaryp keledi.

«Qurmet» ordenimen marapattalǵan.

60 jyl buryn (1962) QR Parlamenti Senatynyń depýtat, Konstıtýtsııalyq zańnama, sot júıesi jáne quqyq qorǵaý organdary komıtetiniń hatshysy Qanatbek Beısenbekuly SAFINOV dúnıege keldi.

Jambyl oblysynda týǵan. S.M. Kırov atyndaǵy Qazaq memlekettik ýnıversıtetiniń zań fakýltetin úzdik bitirgen. Zań ǵylymdarynyń doktory.

Eńbek jolyn QR ǴA Memleket jáne quqyq ınstıtýtynda bastady. 1996 jyldan - QR-nyń GFR-daǵy saýda ókiliniń orynbasary, «Qazaqstan áýe joly» Ulttyq avıakompanııasynyń vıtse-prezıdenti. 1997-2002 jyldary – QR Premer-Mınıstri Keńsesiniń zań bóliminiń meńgerýshisi. 2002-2006 jyldary «QazMunaıGaz» Ulttyq kompanııasy» AQ basqarýshy dırektory. 2006 jyldan – «Samuryq» Memlekettik aktıvterdi basqarý jónindegi Qazaqstandyq holdıng» AQ basqarýshy dırektory, basqarma múshesi. 2009 qańtar-maýsym aılarynda – «Samuryq-Qazyna» UÁQ» AQ basqarýshy dırektory, basqarma múshesi. 2009-2010 jyldary – QR Energetıka jáne mıneraldyq resýrstar mınıstrliginiń jaýapty hatshysy. 2010-2014 jyldary – QR munaı jáne gaz mınıstrliginiń jaýapty hatshysy. 2014-2019 jyldary QR Energetıka mınıstrliginiń jaýapty hatshysy.

Qazirgi qyzmetinde – 2019 jyldan beri.

«Qurmet» ordenimen marapattalǵan. Birqatar jumystardyń, monografııanyń, basqa da ǵylym eńbekterdiń, ónertabystardyń avtory.

57 jyl buryn (1965) Qazaqstan Respýblıkasy Parlamentarızm ınstıtýtynyń dırektory Mansurhan Mahambetuly MAHAMBETOV dúnıege keldi.

Ońtústik Qazaqstan oblysynda (qazirgi Túrkistan oblysy) týǵan. Qaraǵandy memlekettik ýnıversıtetin bitirgen, mamandyǵy – quqyqtanýshy.

1991-1996 jj. –Ońtústik Qazaqstan oblysynyń prokýratýrasynda ártúrli qyzmetter atqarǵan. 2000-2002 jj. – Ońtústik Qazaqstan oblysy prokýrorynyń quqyqtyq aqparat jónindegi aǵa kómekshisi, Shymkent kólik prokýrorynyń aǵa kómekshisi. 2002-2006 jj. – Qazaqstan Respýblıkasynyń Bas prokýratýrasy Aldyn ala tergeýdiń jáne anyqtaýdyń zańdylyǵyn qadaǵalaý jónindegi departamenti Qarjy polıtsııasy organdaryndaǵy jáne UQK-daǵy aldyn ala tergeýdiń, anyqtaýdyń zańdylyǵyn qadaǵalaý jónindegi basqarmasynyń aǵa prokýrory, Pavlodar oblysy prokýratýrasynyń mamandandyrylǵan tabıǵatty qorǵaý prokýrory. 2006-2011 jj. – Ońtústik Qazaqstan oblysy prokýratýrasynyń mamandandyrylǵan tabıǵatty qorǵaý prokýrory, Ońtústik Qazaqstan oblysy Túrkistan qalasynyń prokýrory, Ońtústik Qazaqstan oblysy Otyrar aýdanynyń prokýrory. 2011-2012 jj. – Qazaqstan Respýblıkasy Bas prokýratýrasy Quqyqtyq statıstıka jáne arnaıy esepke alý jónindegi komıteti Áskerı basqarmasynyń arnaıy esepke alý bóliminiń bastyǵy, Qazaqstan Respýblıkasy Bas prokýratýrasy Quqyqtyq statıstıka jáne arnaıy esepke alý jónindegi komıtetiniń Óńirlik kólik basqarmasynyń bastyǵy. 2012-2014 jj. – Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Tergeý departamenti 1-shi basqarmasynyń (tergeýdi jáne anyqtaýdy uıymdastyrý jáne olardy baqylaý jónindegi basqarmasynyń) bastyǵy, Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Tergeý departamenti bastyǵynyń orynbasary, Mańǵystaý oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵynyń birinshi orynbasary. 2015-2016 jj. – Qazaqstan Respýblıkasy Bas prokýratýrasy janyndaǵy Quqyq qorǵaý organdary akademııasy basqarmasynyń aǵa prokýrory. 2016-2017 jj. QR Parlamenti Májilisiniń VI shaqyrylymynyń depýtaty, Zańnama jáne sot-quqyqtyq reforma komıtetiniń múshesi, QR Parlamenti Májilisindegi «Nur Otan» partııasy fraktsııasynyń múshesi. VI saılanǵan Qazaqstan Respýblıkasy Parlamenti Májilisiniń depýtaty, Ekologııa jáne tabıǵatty paıdalaný komıtetiniń múshesi (2017-2021).

Qazirgi qyzmetin 2021 jyldyń aqpan aıynan beri atqaryp keledi.

Marapattary: «Astananyń 10 jyldyǵy» mereıtoılyq medali «Qazaqstan Respýblıkasynyń táýelsizdigine 20 jyl» mereıtoılyq medali.

57 jyl buryn (1965) memleket qaıratkeri, QR Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń múshesi Qaırat Perneshuly QOJAMJAROV dúnıege keldi.

A. Jdanov atyndaǵy Lenıngrad memlekettik ýnıversıtetin bitirgen. 1987 jyldan bastap 1995 jylǵa deıin Qazaqstan Respýblıkasy prokýratýrasynyń organdarynda qyzmet etken. 1995 jylǵy qyrkúıekten bastap 1998 jylǵy naýryzǵa deıin keden organdarynda qyzmette bolǵan. 1999 jylǵy shildeden bastap osy ýaqytqa deıin qarjy polıtsııasy organdarynda qyzmet etti. Ár túrli laýazymdarda: 2001 jylǵy aqpannan bastap agenttiktiń tergeý basqarmasynyń bastyǵy, 2002 jylǵy aqpannan bastap 2004 jylǵy mamyrǵa deıin Almaty qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵynyń orynbasary, 2004 jylǵy mamyrdan bastap 2007 jylǵy qańtarǵa deıin Aqtóbe oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵy, 2007 jylǵy qańtardan bastap 2008 jylǵy jeltoqsanǵa deıin Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Tóraǵasynyń orynbasary boldy. 2008 jylǵy jeltoqsan aıynan bastap Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy qyzmetin atqardy. 2012 jylǵy qańtardan – Aqmola oblysynyń ákimi. 2013 jylǵy qańtardan – QR Prezıdentiniń kómekshisi – Qaýipsizdik keńesiniń hatshysy. 2016-2017 jyldar aralyǵynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy bolǵan. 2017-2019 jyldar aralyǵynda QR Bas prokýrory. Qarjy polıtsııasynyń general-maıory.

Qazirgi qyzmetin 2019 jyldyń naýryzynan beri atqaryp keledi.

ІI dárejeli «Dańq» ordenimen, Reseı Federatsııasynyń «Za nashý pobedý» ordenimen jáne birqatar medaldarmen marapattalǵan.