24 maýsym. Tulǵalar týǵan kún
Búgin, 24 maýsym kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
84 jyl buryn (1940) ǵalym, fılologııa ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń korrespondent-múshesi Seıit Asqaruly QASQABASOV dúnıege keldi.
Shyǵys Qazaqstan oblysynda týǵan. Abaı atyndaǵy Almaty memlekettik ýnıversıtetin bitirgen.
Qazaqstan Respýblıkasy Ulttyq ǵylym akademııasy Ádebıet jóne óner ınstıtýtynyń ǵylymı qyzmetkeri, Qoǵamdyq ǵylymdar bólimshesiniń ǵylymı hatshysy, SSSR Ǵylym akademııasy Álem ádebıeti ınstıtýtynyń aǵa ǵylymı qyzmetkeri, Qazaqstan Respýblıkasy Prezıdenti Apparatynyń qyzmetkeri, Qazaqstan Respýblıkasy Mınıstrler kabıneti janyndaǵy Joǵary attestatsııa komıssııasynyń tóraǵasy, L.N.Gýmılev atyndaǵy Eýrazııa ulttyq ýnıversıteti shyǵystaný fakýltetiniń dekany, Qazaqstan Respýblıkasy Ulttyq ǵylym akademııasy Ádebıet jáne óner ınstıtýtynyń dırektory qyzmetterin atqarǵan. Ǵylymı-zertteý eńbekteri qazaq folklorynyń teorııasy men tarıhyna, ádebıet pen óner máselelerine, etnografııa men aýyz ádebıeti muralarynyń tekstologııasyna arnalǵan. Qasqabasovtyń mıfologııa men prozalyq folklordyń shyǵý tegi men damý joldary, folklordaǵy ár zaman bolmysynyń sıpattalý erekshelikteri, folklordyń kórkemdik ádisi týraly teorııalyq oı-pikirleri men tujyrymdary ózbek, tatar, túrikmen, karaqalpaq, bashqurt ǵalymdarynyń zertteýlerinde qoldaý taýyp, negizge alyndy. V.Radlov jınaǵan qazaq folklory úlgileri men aqyn-jyraýlar shyǵarmalary engen «Altyn sandyq», «El qazynasy - eski sóz» jınaqtaryn qurastyrýshylardyń biri. Jambyldyń orys tilindegi tańdamaly jınaǵynyń alǵy sózi men túsinikterin jazyp, qurastyrǵan. 300-den asa eńbektiń, sonyń ishinde folklor, ádebıet pen óner boıynsha 9 monografııanyń avtory.
Qazaqstan Respýblıkasy Memlekettik syılyǵynyń, Qazaqstan Respýblıkasy Ulttyq ǵylym akademııasynyń Sh.Ýálıhanov atyndaǵy syılyǵynyń, Jambyl atyndaǵy, Mahambet atyndaǵy syılyqtardyń laýreaty.
60 jyl buryn (1964) Astana qalasynyń aýmaqtyq saılaý komıssııasynyń tóraǵasy Beısembaı Qýanyshuly JUMABEKOV dúnıege keldi.
Qaraǵandy oblysy Nura aýdanynyń Shahter aýylynda týǵan. 1993 jyly E.A Býketov atyndaǵy Qaraǵandy memlekettik ýnıversıtetin, 1999 jyly Qaraǵandy memlekettik tehnıkalyq ýnıversıtetin támamdaǵan.
2005 jyldyń maýsymynan beri «Nur Otan» HDP jáne «Nur Otan» HDP Qaraǵandy oblystyq fılıaly Saıası keńesi bıýrosynyń múshesi. 1993 jyldan beri memlekettik qyzmette. Qaraǵandy qalalyq ákimdigi apparatynda memlekettik ınspektor, Qaraǵandy oblystyq Úılestirý keńesi hatshylyǵynyń meńgerýshisi, Qaraǵandy oblystyq ishki saıasat departamentiniń bastyǵy bolyp eńbek etti. Ol 2007 jyly IV shaqyrylymdaǵy Qaraǵandy oblystyq máslıhatynyń hatshysy qyzmetine, al 2012 jyly V shaqyrylymdaǵy Qaraǵandy oblystyq máslıhatynyń hatshysy laýazymyna saılandy. 2013 jyldyń mamyr aıynan 2014 jyldyń maýsym aıyna deıin Qaraǵandy oblysy ákiminiń orynbasary bolyp qyzmet atqardy. 2015-2017 jyldary «Qazaqstan Respýblıkasynyń Prezıdenti – Ult kóshbasshysy kitaphanasy» MM atqarýshy dırektory, 2018-2019 jyldary Qazaqstan Respýblıkasynyń Prezıdenti Ákimshiliginde bólim meńgerýshisiniń orynbasary qyzmetin atqardy.
«Qurmet» ordenimen, «Qazaqstan Konstıtýtsııasyna 10 jyl», «Astananyń 10 jyldyǵy», «Qazaqstan Respýblıkasynyń táýelsizdigine 20 jyl» mereıtoılyq tósbelgilermen marapattalǵan.
58 jyl buryn (1966) QZO PP Kásipkerler quqyǵyn qorǵaý keńesiniń tóraǵasy Bolat Joltaıuly NURHOJAEV dúnıege keldi.
1986 jyly Qyzylorda polıtehnıkalyq ınstıtýtynyń ónerkásip jáne azamattyq qurylys fakýltetin bitirgen.
Eńbek joly: 1986-1987 jyldary «Qyzylordavodstroı» PMK-13 aǵash ustasy, 1987-1995 jyldary Aral kótergish-kólik jabdyqtary zaýytynyń brıgadıri, 1995-2019 jyldary «Aspan Grýpp» jeke kásipker, 2019 jyly QZO PP Kásipkerlerdiń quqyqtaryn qorǵaý keńesiniń tóraǵasy, 2019-2024 jyldary Qyzylorda oblysy Kásipkerler palatasy Óńirlik keńesiniń múshesi.
2024 jyldan beri qazirgi qyzmetinde.
43 jyl buryn (1981) Qazaqstan Respýblıkasy Tótenshe jaǵdaılar mınıstrligi Kadrlar jáne tárbıe jumysy departamentiniń dırektory Serik Tursynáliuly JÚNІSBEKOV dúnıege keldi.
Jambyl oblysy, Taraz qalasynda týǵan. 2001 jyly Qazaq memlekettik zań akademııasyn bitirgen, 2005 jyly M.H.Dýlatı atyndaǵy Taraz memlekettik ýnıversıtetinde magıstratýra bitirdi.
Eńbek joly: 2002-2003 jyldary Jambyl oblysy ІІD 2-PB (ishki ister basqarmasy retinde) tergeý bóliminiń tergeýshisi, 2003-2005 jyldary Jambyl oblysy Іshki ister departamenti Uıymdasqan qylmysqa qatysty qylmystardy ashý bóliminiń tergeýshisi, Jambyl oblysy Іshki ister departamenti Menshikke qarsy qylmystardy tergeý bóliminiń asa mańyzdy ister boıynsha aǵa tergeýshisi, 2005-2007 jyldary Qazaqstan Respýblıkasy Іshki ister mınıstrligi Akademııasynyń kúndizgi aspırantýrasynyń adıýnktýrasy, 2007-2009 jyldary Qazaqstan Respýblıkasy Іshki ister mınıstrligi Ǵylymı-zertteý ınstıtýty men Akademııasynyń uıymdasqan qylmysqa, terrorızmge jáne dinı ekstremızmge qarsy kúrestiń ózekti máselelerin ázirleý zerthanasynyń ǵylymı qyzmetkeri, 2009-2010 jyldary Qazaqstan Respýblıkasy Іshki ister mınıstrligi Ǵylymı-zertteý ınstıtýty men Akademııasy ishki ister organdaryndaǵy jedel-izdestirý qyzmetiniń máseleleri bóliminiń aǵa ǵylymı qyzmetkeri, 2010 jyly Qazaqstan Respýblıkasy Іshki ister mınıstrligi Ǵylymı-zertteý ınstıtýty men Akademııasynyń ishki ister organdaryndaǵy jedel-izdestirý qyzmetiniń máseleleri jónindegi bólim bastyǵy, Qazaqstan Respýblıkasy Іshki ister mınıstrligi Ǵylymı-zertteý ınstıtýty men Akademııasynyń ishki ister organdaryndaǵy jedel-izdestirý qyzmetiniń máseleleri jónindegi bólim bastyǵy, 2010-2012 jyldary Jambyl oblysy Іshki ister departamenti Bas basqarma bastyǵynyń orynbasary, 2012 jyly Jambyl oblysy Іshki ister departamenti Ákimshilik polıtsııa basqarmasy bastyǵynyń orynbasary, 2012-2013 jyldary Jambyl oblysy Іshki ister departamenti Ákimshilik polıtsııa basqarmasynyń bastyǵy, Jambyl oblysy Іshki ister departamenti Ákimshilik polıtsııa basqarmasynyń bastyǵy (shtattyq kesteniń ózgerýine baılanysty), 2013-2018 jyldary Jambyl oblysy Іshki ister departamenti Ákimshilik polıtsııa basqarmasynyń bastyǵy, Jambyl oblysy Іshki ister departamenti bastyǵynyń orynbasary, 2018-2019 jyldary Jambyl oblysynyń polıtsııa departamenti bastyǵynyń orynbasary, Qazaqstan Respýblıkasy Іshki ister mınıstrligi Almaty Akademııasy bastyǵynyń orynbasary, 2019-2021 jyldary Almaty oblysynyń polıtsııa departamenti bastyǵynyń birinshi orynbasary, 2021-2022 jyldary ShQO ІІD bastyǵynyń birinshi orynbasary, ShQO ІІD bastyǵy, ShQO komendanty, 2022-2023 jyldary ShQO ІІD bastyǵy, 2023-2024 jyldary Іshki ister mınıstrligi Qostanaı akademııasynyń bastyǵy boldy.
2024 jyldyń aqpan aıynan beri qazirgi qyzmetinde.
