24 qyrkúıek. Tulǵalar týǵan kún
Búgin, 24 qyrkúıek tulǵalardan kimder dúnıege kelgen? QazAqparat oqyrmandaryna esimder kúntizbesin usynady.
60 jyl buryn (1963) Qazaqstan Respýblıkasy Parlamenti Senatynyń Jetisý oblysynan saılanǵan depýtaty Ǵalıasqar Tólendiuly SARYBAEV dúnıege keldi.
Taldyqorǵan oblysynda týǵan. S.M. Kırov atyndaǵy Qazaq memlekettik ýnıversıtetin bitirgen, ınjener-konstrýktor (1985); Qazaq eńbek jáne áleýmettik qatynastar akademııasy, zańger.
Eńbek joly: Pavlodar traktor zaýytynda ınjener-konstrýktor (1985-1986); Saryózek-Almaty temir joly lokomotıv deposy komsomol komıtetiniń hatshysy (1986-1988); Taldyqorǵan oblysy Kerbulaq aýdandyq komsomol komıtetiniń nusqaýshysy, uıymdastyrý bóliminiń meńgerýshisi, birinshi hatshysy (1987-1991); Kerbulaq aýdandyq partııa komıtetiniń keńesshisi (1991); halyq depýtattary Kerbulaq aýdandyq Keńesiniń uıymdastyrý bóliminiń assıstenti (1991-1992); Taldyqorǵan oblysy Kerbulaq aýdany ákimshiligi basshysynyń kómekshisi (1992-1993); Kerbulaq aýdany Y. Altynsarın atyndaǵy orta mekteptiń dırektory (1993-1994); Kerbulaq aýdandyq tilder bóliminiń meńgerýshisi (1994-1995); Kerbulaq aýdandyq jastar isi, týrızm jáne sport basqarmasynyń basshysy (1995-1996); Kerbulaq aýdany ákimi apparatynyń bas mamany, bólim meńgerýshisi (1996-1999); «Otan» QB Ortalyq keńesi tóraǵasynyń orynbasary, «Tumar» saqtandyrý kompanııasynyń vıtse-prezıdenti (1999-2001); «Toqsyn Qulybekuly atyndaǵy jastardyń ǵylym men mádenıettegi shyǵarmashylyǵyn qoldaý» qoǵamdyq qory dırektorynyń orynbasary, Almaty (2001); «Jasa Fırma» JShS bankrottyq jónindegi basqarýshysynyń orynbasary, Taldyqorǵan q., QHASK Samal (2001-2002); Almaty oblysy boıynsha aqparatty basqarý basqarmasynyń bas mamany, basshysy (2002-2004); Almaty oblysy Іshki saıasat departamentiniń bólim bastyǵy, dırektorynyń orynbasary (2005-2011); Taldyqorǵan qalasy ákiminiń orynbasary (2011-2015); Almaty oblysynyń ishki saıasat basqarmasynyń basshysy (2015-2016); Almaty oblysy Kerbulaq aýdanynyń ákimi (2020-2022).
59 jyl buryn (1964) «Qazavtojol» JShS bas dırektory Samat Qýanyshuly ǴYLYMOV dúnıege keldi.
Atyraý oblysynda týǵan. Eńbek Qyzyl Tý ordeni atyndaǵy Qazaq aýyl sharýashylyǵy ınstıtýtyn (1987), Qazaq memlekettik zań akademııasyn (2000) bitirgen.
Eńbek joly: Gýrev oblysynyń Qosshaǵyl keńsharynda slesar (1981-1982); Gýrev oblysy Qosshaǵyl sovhozynyń «Avtogarajynda» mashına aýlasynyń meńgerýshisi (1987-1988); Gýrev oblysy Qosshaǵyl sovhozynyń MTM meńgerýshisi (1988-1990); Gýrev oblysy Teńdik sovhozynyń bas ınjeneri (1990-1991); «Atyraýrybprom» basqarmasynyń ınjeneri (1991-1992); «Merkýrıı-Interneıshnl» birlesken keńes-Frantsýz kásipornynyń tehnıkalyq dırektory (1992-1993); «Alın-Holdıng» JShS Atyraý ókildiginiń óńirlik ókili (1993-1995); «Qant ortalyǵy» JShS ókili (1995-1997); «Qazaqstan Saýda jáne qarjylandyrý» RQB ókili (06.1997-12.1997); QR Salyq polıtsııasy organdaryndaǵy qyzmet (1998-2002); Aqtóbe oblysy ákiminiń orynbasary (2002-2005); «Qazmunaıgaz» Barlaý Óndirý» AQ «Embimunaıgaz» fılıaly apparatynyń basshysy - dırektordyń orynbasary (2005-2007); QR Kólik jáne kommýnıkatsııa mınıstrligi Kóliktik baqylaý komıtetiniń Atyraý oblysy boıynsha kóliktik baqylaý ınspektsııasy bastyǵy orynbasarynyń m.a. (04.2008-06.2008); QR Kólik jáne kommýnıkatsııa mınıstrligi Kóliktik baqylaý komıtetiniń Atyraý oblysy boıynsha kóliktik baqylaý ınspektsııasy bastyǵynyń orynbasary (06.2008-08.2008); QR Kólik jáne kommýnıkatsııa mınıstrligi Kóliktik baqylaý komıtetiniń Atyraý jáne Mańǵystaý oblystary, Atyraý qalasy boıynsha «Kaspıı» óńiraralyq kóliktik baqylaý ınspektsııasynyń bastyǵy (2008-2009); QR Kólik jáne kommýnıkatsııa mınıstrligi Kóliktik baqylaý komıtetiniń Atyraý jáne Mańǵystaý oblystary, Atyraý qalasy boıynsha «Kaspıı» óńiraralyq kóliktik baqylaý ınspektsııasynyń basshysy (2013-2014); QR Investıtsııalar jáne damý mınıstrliginiń Kólik komıteti Atyraý oblysy kóliktik baqylaý ınspektsııasynyń basshysy (2014-2017); QR Investıtsııalar jáne damý mınıstrliginiń Kólik komıtetiniń tóraǵasynyń orynbasary (2017-2019); QR Indýstrııa jáne ınfraqurylymdyq damý mınıstrligi Kólik komıtetiniń tóraǵasy (2019-2022 jj.).
2022 jyldyń maýsym aıynan bastap qazirgi qyzmetinde.
54 jyl buryn (1969) Túrkistan oblysy boıynsha PB basshysy Murat Talapuly QABDENOV dúnıege keldi.
Shymkent pedagogıkalyq ınstıtýtyn (1992), Qazaqstan Respýblıkasy ІІM-niń Qaraǵandy joǵary mektebin (1996) bitirgen.
Arnaıy ataǵy: polıtsııa general-maıory.
Eńbek joly: Shymkent qalasy Іshki ister basqarmasy QІB jedel ýákili (1992-1993); Ońtústik Qazaqstan oblysy Іshki ister basqarmasynyń aǵa jedel ýákili, bólimshe bastyǵy, asa mańyzdy ister jónindegi aǵa jedel ýákil, bólim bastyǵynyń orynbasary, Ońtústik Qazaqstan oblysy Іshki ister basqarmasy bastyǵynyń orynbasary, Ońtústik Qazaqstan oblysy MTKB bastyǵynyń orynbasary (1993-1997); Ońtústik Qazaqstan oblysy BІІB uıymdastyrýshylyq-ádistemelik jáne KPQ sheteldiktermen jumys jónindegi basqarmasynyń bólim bastyǵy, basqarma bastyǵy (1997-1999); Saryaǵash aýdany Іshki ister basqarmasy polıtsııa bóliminiń bastyǵy (1999-2001); Shymkent qalasy 1-polıtsııa bóliminiń bastyǵy (2001-2003); Aqmola oblysy BІІB bastyǵynyń orynbasary (2003-2005); Batys Qazaqstan oblysy ІІD bastyǵynyń birinshi orynbasary (2005-2007); Batys Qazaqstan oblysy ІІD-niń bastyǵy (2007-2009); Qazaqstan Respýblıkasy Іshki ister mınıstrligi Ákimshilik polıtsııa komıtetiniń tóraǵasy (2009-2011); Qazaqstan Respýblıkasy Іshki ister mınıstrligi Kóshi-qon polıtsııasy komıteti tóraǵasynyń orynbasary (2011-2012); Pavlodar oblysy Ekonomıkalyq qylmysqa jáne sybaılas jemqorlyqqa qarsy kúres (Qarjy polıtsııasy) departamentiniń bastyǵy (2012-2014); QR Іshki ister mınıstriniń keńesshisi (2014-2017); QR Іshki ister mınıstrligi Kóshi-qon qyzmeti komıtetiniń tóraǵasy (2017-2022 jj.).
2022 jyldyń aqpan aıynan bastap qazirgi qyzmetinde.
40 jyl buryn (1983) jýrnalıst, memleket jáne qoǵam qaıratkeri Juldyz Qajykenqyzy OMARBEKOVA dúnıege keldi.
Almaty Qalasynyń týmasy.
Ál-Farabı atyndaǵy Qazaq ulttyq ýnıversıtetiniń fılosofııa jáne saıasattaný fakýltetin bitirgen (2003), áleýmettaný magıstri (2005). Áleýmettaný ǵylymdarynyń kandıdaty.
Eńbek joly: «A1» telearnasynyń redaktor-júrgizýshisi (1999-2000); «Habar» telearnasynyń redaktor-júrgizýshisi (2000-2002); «ıÝnıks-Tassaı» kompanııasynda brend-menedjer, marketıng bóliminiń bastyǵy, atqarýshy dırektory (2002-2009); Ál-Farabı atyndaǵy QazUÝ áleýmettaný kafedrasynyń oqytýshysy (2004-2008); «Rating» zertteý ortalyǵynyń prezıdenti (2010-2013); «Baýyrjan» qaıyrymdylyq qorynyń prezıdenti (2004-2013); Almaty qalasy mádenıet basqarmasy basshysynyń orynbasary (2013-2014); Almaty qalasy Naýryzbaı aýdany ákiminiń orynbasary (2015-2016); Qazaqstan Respýblıkasynyń qoǵamdyq damý vıtse-mınıstri (2018-2019); Qazaqstan Respýblıkasynyń Aqparat jáne qoǵamdyq damý vıtse-mınıstri (2019); Qazaqstan Respýblıkasy Parlamenti Májilisiniń eks-depýtaty (2019-2021), Qazaqstan Respýblıkasy Zańnama jáne sot-quqyqtyq reforma komıtetiniń múshesi (2019-2021).
«31 arna» telearnasynda qazaqstandyq televızııada tuńǵysh «Jaqynyńa járdemdes» áleýmettik-televızııalyq jobasyn jasaýshy (2004); «Altyn Júrek» biregeı syılyǵyn tabystaý rásiminiń (2007); múmkindigi shekteýli jandarǵa arnalǵan «Samǵaý» qoǵamdyq syılyǵynyń quryltaıshysy (2010).
36 jyl buryn (1987) Kıno jáne teatr aktrısasy, estrada ánshisi Saltanat Ermekqyzy BAQAEVA dúnıege keldi.
Almaty oblysy Talǵar qalasynda dúnıege kelgen.
T.Q. Júrgenov atyndaǵy Qazaq ulttyq óner akademııasynyń (QazUÓA) teatr óneri fakýltetin «drama teatry men kıno aktrısasy» mamandyǵy boıynsha bitirgen (2009).
2010 jyly M.O. Áýezov atyndaǵy Qazaq drama teatrynyń trýppasyna qabyldandy.
2009 jyldan bastap qazirgi ýaqytqa deıin «Arnaý» estradalyq tobynyń solısi.
Qazaqstan Jastar Odaǵy «Serper» jastar syılyǵynyń laýreaty (2015).
Sahnadaǵy negizgi rólderi: E. Jýasbektiń «Kúleıin be, jylaıyn ba?» komedııasynda Elıa (rej. M. Ahmanov); M. Sársekeniń «Ómir osyndaı» dramasynda Aınagúl (rej. O.Kenebaev); Ý. Shekspırdiń «Romeo men Djýletta» tragedııasyndaǵy Djýletta (rej. O. Sálimov); M. Kárimniń «Aı tutylǵan túninde» Zýbarjat (rej. O. Kenebaev); I. Saparbaıdyń «Meniń mahabbatymnyń muńy» spektaklindegi Aıgúl (rej. E. Obaev); M. Zadornovtyń «Kúıeýińizdi satyńyz» komedııasynda Oksana (rej. O. Kenebaev); N. Orazalınniń «Sham janǵan tún» spektaklindegi qyz (rej. N. Jaqypbaı); Ǵ. Esimniń «Tańsulý» spektaklinde Tańsulý (rej. A. Kákisheva).
119 jyl buryn (1904-1992) jazýshy, aýdarmashy, Qazaq KSR eńbek sińirgen mádenıet qyzmetkeri Hasen ÓZDENBAEV dúnıege keldi.
Qostanaı oblysynda týǵan. Orynborda muǵalimder daıarlaý kýrsyn (Ahmet Baıtursynuly, Mirjaqyp Dýlatovtardyń dárisine qatysqan), Máskeýde oblystyq gazet redaktorlaryn daıarlaý kýrsyn, Qostanaı muǵalimder ınstıtýtyn bitirgen.
1920-1928 jyldary keńes zań organdarynda qymet istedi, 1928-1973 jyldary baspalardyń redaktory boldy. Ádebı qyzmetin 1929-1930 jyldary bastady. 1937 jyldyń kókteminde Shyǵys Qazaqstan óńirinde shyǵyp turǵan gazetke redaktor, bir jyldan soń partııalyq baspanyń bas redaktory boldy. Al sodan jarty jyl ótkende halyq jaýy retinde partııa qatarynan shyǵaryp, kontrrevolıýtsııalyq qyzmeti úshin qamaýǵa alady. Basqa da túrli aıyptaýlar taǵylyp, 1938 jyly sottalyp, 1941 jylǵa deıin túrmede otyryp shyqty. Ol sottalyp shyqqannan keıin uzaq jyldar boıy QazTAG aqparat agenttiginde (qazirgi «QazAqparat» HAA, bıyl agenttikke 102 jyl tolyp otyr) qyzmet etti.
Qostanaı okrýgtik «Aýyl» gazetinde feletondary, ocherkteri jarııalandy. M. Alekseevtiń «Bolshevıkter», M. Sholohovtyń «Kóterilgen tyń», «Tynyq Don», I. Goncharovtyń «Oblomov», O. Balzaktyń «Shegiren bylǵary» romandaryn, P. Merımeniń, I. Vazovtyń áńgimelerin qazaqshaǵa aýdardy. Ǵ. Mustafınniń «Daýyldan keıin» romanyn N. Kýzmınmen birge qazaq tilininen orysshaǵa aýdardy, A. Muhtardyń «Apaly-sińliler» romanyn ózbeksheden, Á. Enıkıdiń «Aıtylmaı qalǵan ósıet» povesin tatarshadan tikeleı qazaqshalady. «Eńbek ardageri», «Eńbektegi erligi úshin» medaldarymen, Qazaq KSR Joǵarǵy Keńesiniń Qurmet gramotasymen marapattalǵan.
