24 qarasha. Tulǵalar týǵan kún
ASTANA. KAZINFORM — Kazinform oqyrman nazaryna 24 qarashaǵa arnalǵan ataýly kúnder men este qalar oqıǵalar kúntizbesin usynady.
ESІMDER
67 jyl buryn (1957) «Azyq-túlik korporatsııasy» UK» AQ Qoǵamdyq keńesiniń tóraǵasy, Aýyl sharýashylyǵy qyzmetkerleriniń salalyq kásipodaq uıymynyń tóraǵasy Egor ıAkovlevıch KAPPELЬ dúnıege keldi.
Aqmola oblysynda týǵan. 1980 jyly Tselınograd ınjener-qurylys ınstıtýtyn ınjener-qurylysshy mamandyǵy boıynsha, 2012 jyly Q.Sátbaev atyndaǵy Qazaq ulttyq tehnıkalyq ýnıversıtetin bitirgen (ekonomıka ǵylymdarynyń magıstri). Aýyl sharýashylyǵy ǵylymdarynyń kandıdaty.
Eńbek joly: 1980-1986 jyldary Aqmola oblysy Vıshnevka aýdany Vıacheslavskıı keńsharynda tehnıkalyq qadaǵalaý ınjeneri, aǵa brıgadır, 1986-1987 jyldary QKP Vıshnevskıı aýdandyq atqarýshy komıtetiniń nusqaýshysy, 1987-1990 jyldary Vıshnevskıı aýdandyq atqarý komıteti tóraǵasynyń birinshi orynbasary, 1990-1995 jyldary «Anarskıı» keńsharynyń dırektory (Aqmola oblysy, Donetskoe aýyly), 1995-2004 jyldary Aqmola oblysy Arshaly aýdanynyń ákimi bolyp qyzmet atqarǵan. 2004-2007 jyldary Aqmola oblysy Ereımentaý aýdanynyń ákimi, 2007-2012 jyldary IV saılanǵan QR Parlamenti Májilisiniń depýtaty, 2012-2016 jyldary V saılanǵan QR Parlamenti Májilisiniń depýtaty, 2017-2018 jyldary Aqmola oblysy ákiminiń orynbasary laýazymyn atqardy.
63 jyl buryn (1961) Qazaq estrada teatrynyń bas dırektory, «Baýyrjan-shoý» teatrynyń kórkemdik jetekshisi, Qazaqstanda «Satıra jáne ázil» birinshi estradalyq teatrynyń negizin qalaýshy Baýyrjan Sabzalyuly IBRAGIMOV dúnıege keldi.
Ońtústik Qazaqstan oblysynda týǵan. Almatydaǵy Sáýlet-qurylys ınstıtýtyn (ınjener-qurylysshy), Júrgenov atyndaǵy Almaty memlekettik teatr-kórkemsýret ınstıtýtyn (drama jáne kıno akteri) támamdaǵan.
Eńbek joly: 1988-1992 jyldary «Tamasha» teleteatrynyń akteri ári kommertsııalyq dırektory, 1992-1998 jyldary Almaty qalasyndaǵy Temirjolshylar saraıynyń bas dırektory, 1998-2002 jyldary Almaty qalasyndaǵy «Tselınnyı» kınoteatrynyń bas dırektory, 2002-2007 jyldary «Aqbýra» óndiristik kooperatıviniń dırektory, 2007-2012 jyldary «Fýd-Star» ÁKB basqarma tóraǵasy, 2012-2016 jyldary Qazaq ulttyq óner ýnıversıtetiniń professory boldy. 2016 jyly «BNB-Group» qurylys kompanııasy dırektorlar keńesiniń tóraǵasy qyzmetin atqarǵan.
Qazaqstan Jastar odaǵy syılyǵynyń laýreaty, halyqaralyq estrada ártisteri baıqaýynyń laýreaty.
56 jyl buryn (1968) Qazaqstan Respýblıkasy Parlamenti Senatynyń depýtaty Núrııa Ismagılqyzy NIıAZOVA dúnıege keldi.
Almatyda týǵan. Jambyl jeńil jáne tamaq ónerkásibi tehnologııalyq ýnıversıtetiniń Almaty fılıalyn ınjener-tehnolog mamandyǵy boıynsha, Reseı Federatsııasynyń Novosıbırsk memlekettik ýnıversıtetin psıholog mamandyǵy boıynsha bitirgen. Uıymdastyrý psıhologııasy mamandyǵy boıynsha — Bıznes psıhologııasynyń halyqaralyq dıplomy bar.
Eńbek joly: 1989-1991 jyldary tehnolog-ınjener, № 152 Sharýashylyq esep júrgizýshi uıymy, Almaty qalasynyń ashanalar men meıramhanalar tresi, 1998-2008 jyldary «Shahar» teleradıokompanııasy, Hit TV, «Energy» radıosy, Almaty q, Bıznesti damytý jónindegi dırektory bolyp qyzmet atqardy. 2008-2012 jyldary jeke bıznespen aınalysty. 1999 jyldan bastap «Otan», «Nur-Otan», qazirgi «Amanat» partııasynyń múshesi. 2016 jyldan bastap Almaty qalalyq «Amanat» («Nur-Otan») partııasy Saıası Keńesiniń múshesi. 2012 jyldan bastap «Ildash» Tatar etno-mádenı jáne gýmanıtarlyq damý ortalyǵy» Qoǵamdyq birlestiginiń Basqarma tóraıymy. 2014 jyldan bastap QR Qazaqstan halqy Assambleıasynyń múshesi. 2020 jyldan bastap Almaty qalasy boıynsha Qazaqstan halqy Assambleıasy tóraǵasynyń orynbasary. 2015-2020 jyldary Almaty qalasy boıynsha Qazaqstan halqy Assambleıasynyń janyndaǵy Analar keńesiniń tóraıymy, 2016-2021 jyldary «Nur-Otan» partııasynan VI shaqyrylymdaǵy Almaty qalasy Máslıhatynyń depýtaty, 2016-2021 jyldary Almaty qalasy Máslıhatynyń turaqty Komıssııasy tóraǵasynyń Áleýmettik-mádenı damý jónindegi orynbasary, 2016-2023 jyldary Almaty qalasy boıynsha «Amanat» partııasy Alataý fılıalynyń Partııalyq baqylaý komıtetiniń tóraıymy boldy. 2021-2023 jyldary «Amanat» partııasy Almaty qalalyq fılıalynyń Partııalyq baqylaý komıteti tóraǵasynyń orynbasary laýazymyn atqarǵan.
Qazirgi qyzmetin 2023 jyldyń qańtarynan beri atqaryp keledi.
«Qurmet» ordenimen, medaldarmen marapattalǵan.
54 jyl buryn (1970) «Sh. Esenov atyndaǵy Kaspıı memlekettik tehnologııalar jáne ınjınırıng ýnıversıteti» JEAQ Dırektorlar keńesiniń múshesi Maqsat Ońǵarbaıuly IBAǴAROV dúnıege keldi.
Túrikmenstan Respýblıkasynyń Tashaýyz oblysynda týǵan. 1992 jyly Jańaózen munaı men gaz kolledjin munaı men gaz uńǵymalaryn eksplýatatsııalaý mehanıgi mamandyǵy boıynsha, 1999 jyly Sh. Esenov atyndaǵy Aqtaý ýnıversıtetin munaı men gaz kenoryndaryn ıgerý ınjeneri mamandyǵy boıynsha bitirgen.
Eńbek jolyn 1992 jyly «Ózenmunaıgaz» óndiristik birlestiginde skvajınalardy jerasty jóndeý operatory qyzmetinen bastap, osy salada birqatar jyldar qyzmet etti. 2000-2001 jyldary «Ózenmunaıgaz» AQ qarasty tájirıbeli-eksperımentaldyq óndiristik basqarmanyń bas ınjeneri, 2001-2002 jyldary № 2 munaı-gaz óndirý basqarmasy bastyǵynyń orynbasary, burǵylaý, skvajınalardy jóndeý bóliminiń jetekshi ınjeneri, 2002-2008 jyldary № 1, № 3 munaı-gaz óndirý basqarmasynyń bas ınjeneri, № 2, № 4 munaı-gaz óndirý basqarmalarynyń bastyǵy qyzmetterin atqaryp keldi. 2008-2009 jyldary «Ózenmunaıgaz» ÓF personaldy basqarý jáne damytý bóliminiń bastyǵy, 2009-2010 jyldary «Ózenmunaıgaz» ÓF jumysshylarynyń kásipodaǵy» QB tóraǵasy bolyp saılanyp, qoǵamdyq jumystarmen belsendi aınalysty. 2010-2013 jyldary № 2 munaı-gaz óndirý basqarmasynyń bastyǵy, 2013-2019 jyldary «ÓzenMunaıGaz» AQ bas dırektory, 2019-2022 jyldary Mańǵystaý oblysy Jańaózen qalasynyń ákimi, 2022 jyly«Ózenmunaıgaz» AQ bas dırektory laýazymyn atqarǵan.
129 jyl buryn (1895-1983) qazaq balalar ádebıetiniń negizin salýshylardyń biri, aqyn, jazýshy, aýdarmashy Saparǵalı Ysqaquly BEGALIN dúnıege keldi.
Shyǵys Qazaqstan oblysy Abaı aýdanynda týǵan. 1915 jyly Semeı qalasyndaǵy orys-qyrǵyz (qazaq) ýchılışesin bitirgen. 1929-1935 jyldary Degeleń oblystyq atqarý komıtetiniń tóraǵasy, Qarqaraly ýezdik atqarý komıtetiniń múshesi, bólim meńgerýshisiniń orynbasary, aýdandyq halyq sýdıasy boldy. Qazaq eginshilik halyq komıssarıatynda, Túrksib basqarmasynda jaýapty jumystar atqardy. 1935-1960 jyldary «Temirjolshy» gazetinde, Qazaq KSR Ǵylym akademııasynyń Til jáne ádebıet ınstıtýtynda, Qazaqstan Jazýshylar odaǵynda ár túrli qyzmetter atqarǵan. Alǵashqy óleńi «Qazaq bozbalalaryna» degen atpen 1914 jyly «Aıqap jýrnalynyń» № 9 sanynda basyldy. Alǵashqy kitaby «Qyran kegi» 1944 jyly jaryqqa shyqty. 1948 jyly basylǵan «Kóksegenniń kórgenderi» povesi artynan orys tiline aýdarylǵan. 50-60 jyldary «Jas butaq», «Ermektiń almasy», «Baqyt», «Jetkinshekter», «Ananyń kúshi», «Mektep túlekteri» áńgimeler jınaqtary, óleńder men poemalar jınaǵy «Syrly qaınar», «Tsımlıan teńizi», «Kóterilgen tyń» shyqqan.
Jazýshy Shoqan Ýálıhanovtyń beınesin jasaýda kóp jumys istegen, nátıjesi — «Shoqannyń balalyq shaǵy», «Shoqan asýlary» povesteri, «Zamana belesteri» romany jaryq kórdi. Halyq aqyndarynyń shyǵarmalaryn suryptap jınaq etip shyǵardy, óner sańlaqtary jóninde, jyr alyby Jambyl Jabaev týraly monografııa jazdy. Kóptegen týyndylary shetel tilderine aýdarylǵan. S. Begalın A. Pýshkınniń, M. Lermontovtyń, D. Mamın-Sıbırıaktyń, N. Leskovtyń jáne taǵy basqa jazýshylardyń shyǵarmalaryn qazaq tiline tárjimalaǵan.
Halyqtar Dostyǵy, 2 ret «Qurmet belgisi» ordenderimen jáne medaldarmen marapattalǵan.