24 qańtarda Qazaqstanda telearna men radıo ýaqytsha jumys istemeıdi

ALMATY. KAZINFORM – 24 qańtar kúni teleradıo habaryn taratý jelisinde josparly-profılaktıkalyq jumys júrgiziledi. Osyǵan baılanysty Qazaqstannyń barlyq aýmaǵynda teleradıoarnalardy retranslıatsııalaý ýaqytsha toqtatylady. 

«Qazteleradıo» AQ úzdiksiz jáne sapaly teleradıo habar taratýdy qamtamasyz etý maqsatynda toqsan saıyn jerseriktik, tsıfrlyq jáne analogty efırlik jelilerdiń tehnıkalyq quraldarynda servısterdi jaba otyryp, josparly profılaktıkalyq jumys júrgizedi.

«Osy jyldyń 24 qańtarynda saǵat 03:00 men 17:00 aralyǵynda (Astana qalasynyń ýaqytymen) teleradıo habarlaryn taratýdy óshire otyryp, profılaktıkalyq jumystar júrgiziledi. Ýaqytsha qolaısyzdyqtar úshin keshirim ótinemiz», - delingen habarlamada.