230 myńnan astam elorda turǵyny MÁMS júıesinde saqtandyrylmaǵan
2023 jyldyń 31 mamyryndaǵy jaǵdaı boıynsha MÁMS júıesinde saqtandyrylmaǵan Astana qalasy turǵyndarynyń úlesin bólip qarastyrsaq: sońǵy 12 aıda tólemderi joq adamdar – 60%; jumyskerler – 24%; jeke kásipkerler – 6%; azamattyq-quqyqtyq sıpattaǵy shart boıynsha jumys isteıtin tulǵalar – 4%; derbes tóleýshiler – 3%; BJT tóleýshiler – 2 %; taǵy basqalary – 0,2%.
«Qor medıtsınalyq qyzmetterdiń sapasy men qoljetimdiligin jaqsartý jáne halyqty MÁMS júıesine barynsha tartý baǵytynda turaqty jumys júrgizýde. Qazir elorda turǵyndarynyń 82,8%-y júıede saqtandyrylǵan. ıAǵnı, qajet bolǵan jaǵdaıda, olar medıtsınalyq saqtandyrý paketinde medıtsınalyq kómek ala alady. Degenmen, 230 myńnan astam azamat túrli sebeptermen júıeden tys qalǵan.
Áıtse de, aıta ketý kerek, MÁMS júıesinde saqtandyrý mártebesi bolmasa da, barlyq azamattar tegin medıtsınalyq kepildendirilgen kómek kóleminde medıtsınalyq (shuǵyl medıtsınalyq kómek, jedel járdem brıgadasyn shaqyrý, ýchaskelik dáriger qabyldaýy, t.b.) kómek ala alady», - dep túsindirdi Medsaqtandyrý qorynyń elorda fılıaly dırektorynyń mindetin atqarýshy S.Bolysbekova.
Esterińizge salamyz, 2022 jyldyń 5 qyrkúıeginen bastap bir jylǵa aldyn ala jarna tóleý arqyly MÁMS júıesine qatysýdyń jańa tetigi iske qosylǵan. Ony «saqtandyrylǵan» mártebesi bar, sondaı-aq júıege eshqashan tólem jasamaǵan nemese júıesiz tólem jasaǵan barlyq derbes tóleýshiler paıdalana alady.
Buǵan deıin medıtsınalyq saqtandyrýǵa jarnalardy eshqashan tólemegen nemese júıeli túrde tólemegen, sonyń saldarynan saqtandyrý mártebesinen aıyrylǵan derbes tóleýshilerge ony qalpyna keltirý úshin ótkizip alǵan aılar úshin, tipti ótken jylǵa da jarnalardy tóleý qajet edi. Endi olarda balama ádis paıda boldy – jarna aýdarylmaǵan ótken kezeńdi tólemeı-aq, aldaǵy 12 aı úshin tólem jasaý arqyly «saqtandyrylǵan» mártebesin ala alady.
«2023 jyldyń 31 mamyryndaǵy jaǵdaı boıynsha elorda halqynyń jalpy sany - 1 347 479. Áli 230 myńnan asa astanalyq qamtylmaı, MÁMS júıesinen tys qalyp otyr. Bul olardyń josparly jáne joǵary tehnologııalyq medıtsınalyq kómek alýyn, aýrýlardyń aldyn alýyn, medıtsınalyq dıagnostıkaǵa qol jetkizýin qıyndatady. Osy rette engizilgen jańa tólem mehanızmi oń yqpal etedi dep oılaımyz» - dep atap ótti S.Bolysbekova.
Eger sizde medıtsınalyq kómek kórsetý sapasyna qatysty suraqtaryńyz bolsa, siz olardy óz emhanańyzdaǵy Patsıentterdi qoldaý qyzmetine qoıa alasyz. Eger jaǵdaıdy sol jerde sheshý múmkin bolmasa, onda ózińizge yńǵaıly baılanys arnasy arqyly Áleýmettik medıtsınalyq saqtandyrý qoryna júginýge bolady: fms.kz resmı saıty, 1414 biryńǵaı baılanys ortalyǵy, Telegram-daǵy SaqtandyryBot jáne Qoldau 24/7 mobıldi qosymshasy.
Dál osy quraldar saqtandyrylý mártebesin tekserýge múmkindik beredi. Sondaı-aq, medıtsınalyq saqtandyrý júıesindegi óz mártebeńizdi tekserip, júrgizilgen tólemder týraly QR egov.kz elektrondyq úkimetiniń saıtyndaǵy «Densaýlyq saqtaý» bóliminde «Medıtsınalyq qyzmetter týraly jáne MÁMS-te aýdarylǵan somalar týraly aqparat» memlekettik qyzmeti arqyly bile alasyz.
