23 jylda baspana baǵasy 21 ese ósken – Baqytjan Bazarbek

ASTANA. KAZINFORM – Májilis depýtaty Baqytjan Bazarbek Salyq kodeksiniń jańa redaktsııasyndaǵy qurylys kompanııalaryna QQS taǵaıyndaý týraly bapqa qarsy shyǵyp júrgen kásipkerlerge shúılikti.

- 23 jyl boıy qurylys kompanııalaryn qoldap keldik. Sýbsıdııa beremiz, dotatsııa tóleımiz degen sııaqty. Baspana baǵasyn arzandatsyn dep QQS-tan bosattyq. Biraq is júzinde turǵyn úı baǵasy 21 ese ósti. Osy jeńildiktiń arqasynda kóptegen qurylys kompanııalarynyń ıeleri «Forbs» tizimine kirdi. Keıbiri kapıtalyn shetelge jylystatsa, keıbirine tipti QQS-tan bosatýdyń ózi jetkiliksiz boldy. Sóıtip úleskerlerdi sazǵa otyrǵyza bastady. Salyq kodeksiniń jańa redaktsııasynda qurylys kompanııalaryna QQS taǵaıyndaý usynylǵan. Onyń kesirinen baǵa ósip ketpeı me? Baspana baǵasyn qalaı ustap turmaqshysyzdar, - dep surady depýtat.

Bul suraqqa Premer-mınıstrdiń orynbasary – Ulttyq ekonomıka mınıstri Serik Jumanǵarın jaýap berdi.

- Biz ony durys dep sanaımyz. Buǵan deıingi jeńildikter eshteńe bermedi. Siz aıtqandaı, baǵa ósip jatyr. Kóbinese qurylysqa qyzmet kórsetý jumystary salyqtan jaltarýǵa paıdalanyldy. Salyq komıteti ondaı tásilge barǵandarǵa alǵashqy habarlamalar jiberdi. Osylaısha iri qurylys kompanııalary tólemeı kelgen salyqtaryn tóleı bastady. ıAǵnı, baqylaý ornatylady. Baǵa belgileýge kelsek, naryqta ústemdik etetin sýbektiler nemese jıyntyq ústemdik bar. Olar osyǵan baılanysty belgili bir baǵa zańdaryna baǵynýy kerek. Jańa kodekste qurylys kompanııalaryna taýarlardy, jumystar men qyzmetterdi jetkizýmen aınalysatyn sýbektiler de arnaıy salyq rejıminen shyǵarylady. Sondyqtan biz elektrondy shot-faktýralar negizinde barlyq tizbekti ashyq kóre alamyz. Qurylys jobalarynda jergilikti mazmun jetkilikti ekenin moıyndaý kerek. Bul ony baqylaýǵa múmkindik beredi. Sondyqtan, meniń oıymsha, biz baǵa ashytqymen un kótergendeı kóterilmeý úshin jetkilikti baqylaýdy qamtamasyz ete alamyz, - dedi vıtse-premer.

Aıta ketý kerek, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.