23 jeltoqsanda respýblıka joldaryndaǵy ahýal qandaı

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Qyzylorda oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1362-1806-shaqyrym aralyǵyndaǵy ýchaskesinde (Aral qalasynan Qyzylorda qalasyna deıin) barlyq kólik túri úshin qozǵalys ashyldy.

Batys Qazaqstan oblysy

• «Atyraý – Oral» avtojoly, 372-492-shaqyry, (Chapaı aýylynan Oral qalasyna deıin);
• «Aqtóbe – Oral – RF shekarasy (Syrym ó/p)» avtojolynyń, 195-246-shaqyrym, (RF shekarasy Syrym ó/p - Oral q. MAI beketi);
• «Aqtóbe – Oral – RF shekarasy» avtojolynyń 273-393-shaqyrym, (Jympıty aýylynan Barbastaý aýylyna deıin);
• «Oral – Tasqala – RF shek.» 4-104-shaqyrym, (Oral qalasynan RF shekarasyna deıin).

Jyldamdyq shekteýi

Qaraǵandy oblysynda respýblıkalyq mańyzy bar KAZ01 «Astana – Qaraǵandy – Almaty» avtojolynyń 92–164-shaqyrym aralyǵynda (Anar stantsııasynan Temirtaý qalasyna deıin) barlyq kólik túri úshin jyldamdyq rejımi 140 shaq/saǵ-tan 110 shaq/saǵ-qa deıin shekteldi.

Aqmola oblysynda respýblıkalyq mańyzy bar «KAZ02 Astana – Kókshetaý (aınalma jolymen) – Petropavl – RF shekarasy (Jańa Jol ótkizý pýnkti)» avtomobıl jolynyń 105-231-shaqyrym aralyǵynda (Aqkól qalasy – Şýchınsk qalasy) barlyq avtokólik túri úshin jyldamdyq rejımi 80 shaq/saǵ-tan 60 shaq/saǵ-qa deıin ózgertildi.

Jabyq joldar

Batys Qazaqstan oblysynda «Aqtóbe – Oral – RF shekarasy» avtomobıl jolynyń 195-246-shaqyrym aralyǵynda (RF shekarasy – GAI beketi ýchaskesi) júk jáne qoǵamdyq kóliktiń qozǵalysyna shekteý engizildi.

Tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

«Astana – Shiderti – Pavlodar – Ýspenka – RF shekarasy» avtojolynda (Qalqaman eldi mekenine kireberis pen Astanaǵa shyǵatyn baǵyt) kóliktiń barlyq túri úshin qozǵalysqa ýaqytsha shekteý engizildi. Qalqaman eldi mekeninen Astanaǵa qozǵalys Bereke «Qalqaman – Aqsý» kólik aıryǵy arqyly jáne Pavlodar qalasynan Qalqaman eldi mekenine qozǵalys «Baıanaýyl» kólik aıryǵy arqyly júzege asyrylady.

Eske salaıyq, buǵan deıin 23 jeltoqsanda elimizdiń 17 oblysynda jáne Astana qalasynda boran soǵyp, kóktaıǵaq bolatynyn habarlaǵanbyz.