23 jeltoqsan kúni televızııa men radıo ýaqytsha jumys istemeıdi

2023 jylǵy 23 jeltoqsanda saǵat 03:00-den 17:00-ge deıin (Astana q.ýaqyty boıynsha) «Qazmedıaortalyǵynyń» habar taratý ózegin jańǵyrtýdyń kezekti kezeńin aıaqtaý sheńberinde barlyq tehnologııalyq keshenniń jelilik jabdyǵyn aýystyrý josparlanýda, dep habarlaıdy Kazinform "Qazteleradıo" AQ-na silteme jasap. 

Sondaı-aq, «Qazteleradıo» AQ spýtnıktik, tsıfrlyq jáne analogtyq efırlik jelileriniń tehnıkalyq quraldarynda servısterdi óshire otyryp profılaktıkalyq jumys júrgizetin bolady.

Osyǵan baılanysty, kórsetilgen ýaqyt kezeńinde efırlik, kabeldik jáne spýtnıktik teleradıo habarlaryn taratý jelilerinde tele, radıoarnalardy taratý toqtaıtyny týraly habardar etemiz.

Ýaqytsha qolaısyzdyqtar úshin keshirim suraımyz.