23 maýsym. Tulǵalar týǵan kún
Búgin, 23 maýsym kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
84 jyl buryn (1941) Qazaqstannyń eńbek sińirgen óner qaıratkeri, «Platınaly Tarlan» táýelsiz syılyǵynyń laýreaty Esmuhan Nesipbaıuly OBAEV dúnıege keldi.
Almaty oblysynyń Raıymbek aýdanynda týǵan. Almaty memlekettik konservatorııasyn, Máskeýdegi Maksım Gorkıı atyndaǵy akademııalyq teatr kýrsyn bitirgen. Muhtar Áýezov atyndaǵy akademııalyq drama teatrynyń, Ǵabıt Músirepov atyndaǵy Balalar men jasóspirimder teatrynyń qoıýshy rejısseri, Abaı atyndaǵy Semeı oblystyq mýzykalyq drama teatrynyń kórkemdik jetekshisi, Qazaq memlekettik teatr jáne kıno ınstıtýtynyń rektory bolǵan.
1995-2001 jyldary Qazaqstan Respýblıkasy Mádenıet mınıstriniń orynbasary, Mádenıet komıteti tóraǵasynyń orynbasary qyzmetterin atqarǵan. Rejısser retinde Z. Aqyshevtiń «Jaıaý Musa», Tahaýı Ahtanovtyń «Boran», M. Kárimniń «Aı tutylǵan tún», Sh. Qusaıynovtyń «Sertke sert», Q. Muhamedjanovtyń «Ózime de sol kerek», Sábıt Muqanovtyń «Botagóz» jáne «Qashqar qyzy», Beıimbet Maılınniń «Shuǵa», Rollan Seısenbaevpen birlesip jazǵan «Ózimdi izdep júrmin» jáne Ákim Tarazıdiń «Іndet» spektaklderin qoıdy. Semeı mýzykalyq drama teatrynyń bas rejısseri bolyp, osy teatr sahnasyna birqatar spektaklder shyǵardy: Muhtar Áýezovtiń «Aıman-Sholpan», «Eńlik-Kebek», «Abaı», «Qaragóz», Ǵabıt Músirepovtiń «Aqan seri-Aqtoqty», Evgenıı Brýsılovskıı men Ǵabıt Músirepovtiń «Qyz Jibek», Tahaýı Ahtanovtyń «Kúshik kúıeý», Safýan Shaımerdenovtiń «Ánim sen ediń», E. Rahmadıev pen Ǵabıt Músirepovtiń «Qaıran, Maıra», Dýlat Isabekovtiń «Ápke» men «Erteńdi kútý», O. Bodyqovtyń «Qosh bol, Bóribasar», M. Sársekeevtiń «Jarylys», Qaltaı Muhamedjanovtyń «Komıssar Ǵabbasov», J. Faızıdiń «Bashmaǵym», F. Erveniń «Túlki bıkesh» spektaklderi bar.
«Parasat» ordenimen marapattalǵan. Ol Germanııada, Úndistanda, Koreıada, Qytaıda, Reseıde, Ózbekstanda, Qyrǵyzstanda jáne taǵy basqa elderde ótken qazaq óneriniń mádenı kúnderine shyǵarmashylyq jetekshilik jasaǵan.
74 jyl buryn (1951) Qazaqstan Respýblıkasy Qarýly Kúshteri joǵary qolbasshylyǵynyń ókili, kontr-admıral Ratmır Álimhanuly KOMRATOV dúnıege keldi.
Qazirgi Taraz qalasynda dúnıege keldi. Sevastopol joǵarǵy Áskerı-teńiz ınjener ýchılışesin (1973), admıral Kýznetsov atyndaǵy Áskerı-teńiz akademııasyn (1990) bitirgen. 1973-1982 jyldary Kamchatkadaǵy (Reseı) 2-shi Flotılııanyń strategııalyq maqsattaǵy raketalyq súńgýir qaıyqtarynda túrli laýazymdyq qyzmetter atqarǵan.
Eńbek joly: KSRO ÁMF qyzmeti (1973-1992 jj.); QR Qorǵanys ónerkásibi josparly-ekonomıkalyq basqarmasynyń bastyǵy (1992 j); QR Qorǵanys ónerkásibi basqarmasy bastyǵynyń orynbasary (1993 j); áskerı-teńiz bazasynyń komandıri, Áskerı-teńiz bazasy qolbasshysynyń qarý-jaraq jáne keme jasaý jónindegi orynbasary — QR ÁTK qarý-jaraq jáne keme jasaý basqarmasynyń bastyǵy, QR ÁTK qolbasshysy, 1-shi áskerı-teńiz bazasynyń komandıri, QR QM Bas áskerı ınspektsııasynyń general-ınspektory (1993-2001 jj.); Mańǵystaý oblysy ákiminiń orynbasary; Batys áskerı okrýginiń ásker qolbasshysy (2002 j); «Batys» óńirlik qolbasshylyǵy áskerleriniń qolbasshysy (2003-2008 jj.); QR ÁTK Bas Qolbasshysy (2008 jyldyń qarashasynan bastap); Qazaqstan Respýblıkasy Qorǵanys mınıstriniń orynbasary (2009 j); «Qazaqstan ınjınırıng» UK» AQ Basqarýshy dırektory, Basqarma tóraǵasynyń birinshi orynbasary (2010-2011 jj.); «Mańǵystaý oblysynyń keme jóndeý zaýyty„JShS Bas dırektory (2011-2015 jj.); „Qazaqstan ınjınırıng“ UK» AQ departament dırektory (2015-2018 jj.); Kırov atyndaǵy zaýyttyń bas dırektorynyń orynbasary (2018-2019 jj.); «Qazaqstan ınjınırıng» UK» AQ Basqarýshy dırektory, Basqarma múshesi (2019-2020 jj.)
2-shi dárejeli Dańq ordenimen, 19 KSRO jáne QR medaldarymen marapattalǵan.
48 jyl buryn (1977) Qazaqstan Respýblıkasy Prezıdent Ákimshiliginiń memlekettik ınspektory Abzal Meńdibaıuly MEŃDІBAEV dúnıege keldi.
Q.I. Sátbaev atyndaǵy Qazaq ulttyq tehnıkalyq ýnıversıtetin taý-ken ınjeneri mamandyǵy boıynsha, «Qaınar» ýnıversıtetin halyqaralyq ekonomıst mamandyǵy boıynsha támamdaǵan.
Eńbek joly: 1996-1997 jyldary «Ózenmunaıgaz» AQ MGÓB № 1, № 8 munaı kásipshiliginiń tórtinshi dárejeli munaı jáne gaz óndirý operatory. 1997-1998 jyldary «Ózenmunaıgaz» AQ MGÓB № 1, munaı jáne gaz óndirý sheberi. 1999-2000 jyldary «Ózenmunaıgaz» AQ MGÓB № 1, № 8 Munaı kásipshiligi bastyǵynyń orynbasary. 2000-2001 jyldary «Ózenmunaıgaz» AQ MGÓB № 1, tájirıbelik-eksperımenttik óndiristik basqarmasynyń jetekshi ınjener-tehnology (EBB), munaı jáne gaz óndirý, qabattyq qysymdy ustap turý tsehynyń basshysy. 2001-2004 jyldary «Ózenmunaıgaz» AAQ, Munaı jáne gaz óndirý departamentiniń jetekshi ınjeneri. 2004-2005 jyldary «Ózenmunaıgaz» AAQ, Munaı jáne gaz óndirý departamenti dırektorynyń orynbasary. 2005-2006 jyldary «QazMunaıGaz» BÓ» AQ, Innovatsııalyq tehnologııalar departamentiniń bas menedjeri. 2006-2008 jyldary «QazMunaıGaz» BÓ» AQ, Munaı jáne gaz departamentiniń óndiris bóliminiń basshysy. 2008-2009 jyldary «QazMunaıGaz» BÓ» AQ, Óndiristi basqarý departamenti dırektorynyń orynbasary. 2009-2010 jyldary «Qazgermunaı» JShS, Óndiristik tehnıkalyq departament dırektorynyń orynbasary. 2010 jyly «Mańǵystaýmunaıgaz» AQ, Óndiristik departamentiniń dırektory. 2011 jyly «QazMunaıGaz» Barlaý Óndirý» AQ «Ózenmunaıgaz» fılıaly dırektorynyń birinshi orynbasary. 2011-2012 jyly «Ózenmunaıgaz» fılıalynyń dırektory; «Ózenmunaıgaz» AQ bas dırektory. 2013-2020 jyldary «QazAzot» JShS «Shaǵyrly-Shómishti» fılıalynyń dırektory. 2020-2021 jyldary — «Kaspıı» ÁKK» AQ Basqarma Tóraǵasy. 2021-2022 jyldary Mańǵystaý oblysy ákiminiń birinshi orynbasary.
Qazirgi qyzmetinde 2022 jyldyń naýryzynan.
41 jyl buryn (1984) Ulytaý oblysynyń ákimi Dastan Adaıuly RYSPEKOV dúnıege keldi.
Jezqazǵan qalasynda týǵan. 2005 jyly ál-Farabı atyndaǵy Kazaq Ulttyq ýnıversıtetin memlekettik jáne jergilikti basqarý mamandyǵy boıynsha, 2008 jyly QazMZÝ Almaty zań akademııasyn zańtaný mamandyǵy boıynsha, 2022 jyly Qazaqstan Respýblıkasy Prezıdentiniń janyndaǵy Memlekettik basqarý akademııasyn memlekettik basqarý magıstri dárejesi boıynsha bitirgen.
Eńbek jolyn 2006 jyly Almaty qalasy ekonomıka jáne bıýdjettik josparlaý departamentiniń túsimderdi boljaý bóliminiń bas mamany bolyp bastady. 2007-2011 jyldary Almaty qalasy ekonomıka jáne bıýdjettik josparlaý departamentiniń ekonomıkalyq saıasat jáne salalyq josparlaý bóliminiń bastyǵy, 2011-2012 jyldary Almaty qalasy boıynsha Tekserý komıssııasynyń josparlaý, eseptilik jáne aqparattandyrý bóliminiń bastyǵy, 2013-2015 jyldary Almaty qalasy ekonomıka jáne bıýdjettik josparlaý basqarmasy basshysynyń orynbasary, 2015-2016 jyldary Respýblıkalyq bıýdjettiń atqarylýyn baqylaý jónindegi Esep komıtetiniń josparlaý, taldaý jáne eseptilik bóliminiń josparlaý jáne monıtorıng júrgizý sektorynyń meńgerýshisi, 2016-2018 jyldary «Astana EKSPO -2017» Ulttyq kompanııasy» AQ býhgalterlik esep jáne eseptilik departamentiniń dırektory — bas esepshisi, 2018-2019 jyldary Pavlodar oblysynyń kásipkerlik, saýda jáne týrızm basqarmasynyń basshysy, 2019-2020 jyldary «Astana EKSPO — 2017» Ulttyq kompanııasy» aktsıonerlik qoǵamynyń ekonomıka jáne bıýdjettik josparlaý departamentiniń dırektory, 2020-2023 jyldary QR Mádenıet jáne sport mınıstrligi týrızm ındýstrııasy komıtetinińtóraǵasy laýazymyn atqarǵan. 2023-2024 jyldary Ulytaý oblysy ákiminiń orynbasary qyzmetinde boldy. 2024 jyly QR Prezıdenti Ákimshiliginiń memlekettik ınspektory laýazymyn atqarǵan.
Qazirgi qyzmetin 2024 jyldyń qazanynan bastap atqaryp keledi.
37 jyl buryn (1988) Qazaqstan Respýblıkasy Ekologııa jáne tabıǵı resýrstar vıtse-mınıstri Nurlan Saıynuly QURMALAEV dúnıege kelgen.
Almaty qalasynda týǵan. T. Rysqulov atyndaǵy Qazaq ekonomıkalyq ýnıversıtetin, Oksford Brýks ýnıversıtetin bitirgen. Prezıdenttik jastar kadr rezerviniń múshesi.
Eńbek jolyn 2010 jyly jeke menshik kompanııada menedjer bolyp bastaǵan.
Ár jyldary kommertsııalyq kompanııalarda basshylyq laýazymdarda jumys istedi. 2015-2017 jyldary «Astana Innovations» AQ basqarma tóraǵasynyń orynbasary, keńesshisi, 2018-2019 jyldary «Samuryq Qazyna» KÝ JM tsıfrlandyrý jónindegi menedjeri. 2019-2021 jyldary QR Indýstrııa jáne ınfraqurylymdyq damý mınıstrliginiń qurylymynda basshylyq qyzmetter atqardy. 2021-2022 jyldary «Ulttyq aqparattyq tehnologııalar» AQ basqarma tóraǵasynyń orynbasary boldy.
Qazirgi qyzmetinde — 2023 jyldyń qańtarynan.