23 qyrkúıek. Tulǵalar týǵan kún
Búgin, 23 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1961) professor, medıtsına ǵylymdarynyń doktory, Qazaqstan Respýblıkasy Memlekettik «Daryn» syılyǵynyń laýreaty, hırýrg Nurlan Muhtaruly ARYN dúnıege keldi.
Almaty qalasynyń týmasy. 1984 jyly S.D.Asfendııarov atyndaǵy Almaty memlekettik medıtsına ınstıtýtynyń pedıatrııa fakýltetin bitirgen, pedıatr.
Eńbek joly: balalar hırýrgııasy boıynsha ınternatýra, Almaty oblysy Kegen ortalyq aýdandyq aýrýhanasynda hırýrg dáriger (1984-1985); Almaty memlekettik medıtsına ınstıtýtynda balalar hırýrgııasy boıynsha klınıkalyq ordınatýra (1985-1987); Almaty qalasyndaǵy №1 qalalyq balalar klınıkalyq aýrýhanasynyń jedel hırýrgııa bólimshesiniń hırýrg dárigeri (1987 jyldan); S.D. Asfendııarov atyndaǵy Almaty memlekettik medıtsına ınstıtýtynyń Ortalyq ǵylymı-zertteý zerthanasynyń balalar júıke jaraqattary zerthanasynyń kishi ǵylymı qyzmetkeri (1989-1990); S.D.Asfendııarov atyndaǵy Almaty memlekettik medıtsına ınstıtýtynyń balalar hırýrgııasy kafedrasynyń assıstenti (1990-1994); A.N.Syzǵanov atyndaǵy hırýrgııa ǵylymı ortalyǵynyń aǵa ǵylymı qyzmetkeri, jetekshi ǵylymı qyzmetkeri, ókpe hırýrgııasy jáne jalpy balalar hırýrgııasy kafedrasynyń meńgerýshisi (1994-1998); A.N.Syzǵanov atyndaǵy hırýrgııa ǵylymı ortalyǵynyń keýde-abdomınaldy hırýrgııa bólimshesiniń meńgerýshisi (1998-2003); «Meıirim» kópsalaly medıtsına ortalyǵy («QazMunaıGaz» UK AQ, Astana) dırektorynyń emdeý isi jónindegi orynbasary (2003-2005).
2002 jyly balalar hırýrgııasy boıynsha ǵylymı jumystar toptamasy úshin Qazaqstan Respýblıkasy Memlekettik «Daryn» syılyǵynyń laýreaty ataǵy berildi. 2005 jyly «Qazaqstandaǵy ǵylymdy damytqany úshin» medalimen marapattalǵan.
49 jyl buryn (1976) Túrkistan oblysy ákiminiń orynbasary Talǵat Japarhanuly QOZBEKOV dúnıege keldi.
Taldyqorǵan oblysy Panfılov aýdany Kóktal aýylynda týǵan. Abaı atyndaǵy Almaty memlekettik ýnıversıtetin «Ekonomıst- marketolog» jáne Ál-Farabı atyndaǵy Qazaq ulttyq ýnıversıtetin «Zańger» mamandyqtary boıynsha bitirgen.
Eńbek jolyn 1999 jyly Panfılov aýdany boıynsha salyq komıtetiniń Salyq aýdıti bóliminde salyq ınspektory laýazymynan bastaǵan.
Ár jyldary bólim basshysy, basqarma basshysynyń orynbasary, Panfılov aýdany boıynsha memlekettik kirister basqarmasynyń basshysy laýazymdaryn atqardy. 2020-2022 jyldary Atyraý oblysy boıynsha Memlekettik kirister departamenti basshysynyń orynbasary laýazymynda qyzmet etti. 2022 jyly Almaty oblysy boıynsha Memlekettik kirister departamentiniń basshysy boldy. 2022-2025 jyldary Jetisý oblysy boıynsha Memlekettik kirister departamentiniń basshysy laýazymyn atqardy.
Qazirgi qyzmetine 2025 jyldyń sáýir aıynda kiristi.
43 jyl buryn (1982) QR AFM Astana qalasy boıynsha Ekonomıkalyq tergeý departamentiniń bastyǵy Danııar Dýppaıuly ÁLIEV dúnıege keldi.
Ońtústik Qazaqstan oblysynyń týmasy. Ulttyq qaýipsizdik komıtetiniń akademııasyn (2004); Qazaq ekonomıka, qarjy jáne halyqaralyq saýda ýnıversıtetin (2016); Reseı Federatsııasy Prezıdentiniń janyndaǵy Reseı halyq sharýashylyǵy jáne memlekettik basqarý akademııasyn (2020) bitirgen.
Eńbek joly: 2004-2015 jyldary QR Ulttyq qaýipsizdik komıteti organdarynda qyzmet atqardy. 2015 jyly sotqa deıingi tergep-tekserý departamentiniń Qarjy salasyndaǵy quqyqbuzýshylyqtardy tergeý bóliminiń bastyǵy, 2015-2019 jyldary QR Qarjy mınıstrligi Memlekettik kirister komıtetiniń Astana qalasy boıynsha Memlekettik kirister departamenti basshysynyń orynbasary, 2019 jyly Qarjy monıtorıngi komıtetiniń Nur-Sultan qalasy boıynsha Ekonomıkalyq tergeý bólimi basshysynyń mindetin atqarýshy, 2019-2022 jyldary Mańǵystaý oblysy boıynsha Ekonomıkalyq tergeý departamentiniń basshysy laýazymyn atqarǵan.
Qazirgi qyzmetin 2024 jyldyń naýryz aıynan beri atqaryp keledi.
ІІ dárejeli «Aıbyn» ordenimen, «Jaýyngerlik erligi úshin» medalimen marapattalǵan.
41 jyl buryn (1984) Abaı oblysy Maqanshy aýdanynyń ákimi Dáýren Baqytjanuly QOIGELDIN dúnıege keldi.
Almaty qalasynda týǵan. Qazaq memlekettik zań akademııasyn «quqyqtaný» mamandyǵy boıynsha (2005); Qazaq qarjy-ekonomıkalyq akademııasyn, «Qarjy» mamandyǵy boıynsha (2010); Qazaqstan Respýblıkasy Prezıdentiniń janyndaǵy Memlekettik basqarý akademııasyn bitirgen (2011).
Eńbek joly: 2006 jyly Kókpekti aýdany máslıhaty apparatynyń bas mamanynyń mindetin atqarýshy, 2006-2008 jyldary Kókpekti aýdany máslıhaty apparatynyń bas mamany, 2008-2009 jyldary Kókpekti aýdany máslıhaty apparatynyń bólim basshysy, 2009-2011 jyldary Kókpekti aýdany máslıhaty apparatynyń basshysy, 2011-2018 jyldary ShQO Kókpekti aýdany K.Aýhadıev atyndaǵy aýyldyq okrýginiń ákimi, 2018-2024 jyldary Abaı oblysy Kókpekti aýdany ákiminiń orynbasary bolyp qyzmet atqarǵan.
2024 jyldyń aqpan aıynan bastap qazirgi qyzmetinde.